章節 | 全民台語聖經漢羅經文 | 註釋 |
14:1 | 可怕ê旱災關係炕旱ê tāichì,上主ê話臨到耶利米: | 註釋 串珠 原文 典藏 |
14:2 | 偤大悲哀,城門衰敗,人穿烏衫坐tī土腳;耶路撒冷悲哀ê聲透到頂面。 | 註釋 串珠 原文 典藏 |
14:3 | In ê世家差gín-á工去chhiūⁿ水;in來到井邊,chhōe無水,就帶空ê器具倒tńg來,見笑、漏氣,罩頭殼。 | 註釋 串珠 字典 原文 典藏 |
14:4 | 作田人見笑,罩頭殼;是因為無落雨,土地pit裂。 | 註釋 串珠 原文 典藏 |
14:5 | 田野ê鹿母生kiáⁿ,to̍h放hiat-ka̍k,因為無草thang食。 | 註釋 串珠 字典 原文 典藏 |
14:6 | 野驢khiā tī光溜溜koân ê所在,喘氣親像野狗;因為無草thang食,目chiu 失明。 | 註釋 串珠 字典 原文 典藏 |
14:7 | 上主ah,阮ê罪過雖然做見證告阮,iáu koh求祢為tio̍h祢ê名來做tāichì。阮tiāⁿ-tiāⁿ 悖逆,得罪祢。 | 註釋 串珠 原文 典藏 |
14:8 | 以色列所ǹg望ê,tī患難中做救主ê ah,祢ná ē tī chit所在親像寄腳ê,koh親像過路人oat來歇過暝? | 註釋 串珠 原文 典藏 |
14:9 | 你ná ē親像tio̍h驚kah gāng去ê人,ná ē親像bē tàng救人ê勇士?上主ah,祢猶原tī阮中間;阮mā叫做屬祢ê名ê人,求祢m̄ thang放sak阮。 | 註釋 串珠 原文 典藏 |
14:10 | 上主對chiahê人民ánne講:「In ài放蕩,無約束in ê腳,所以,上主m̄接納in。Taⁿ我behē記得in ê罪過,來辦in ê罪惡。」 | 註釋 串珠 原文 典藏 |
14:11 | 上主koh對我講:「M̄-thang為tio̍h chiahê人民祈禱求福氣。 | 註釋 串珠 原文 典藏 |
14:12 | In禁食ê時,我m̄聽in ê求叫;in獻燒祭kah禮物,我mā m̄接納。我顛倒beh用刀劍,用飢荒,用瘟疫來kā in剿滅。」 | 註釋 串珠 字典 原文 典藏 |
14:13 | 我to̍h講:「害-ah!至koân上主ah,你看,hiahê先知對in講:Lín看bē tio̍h刀劍,mā bē tú tio̍h飢荒;上主beh tī chitê所在賞賜hō͘ lín久長ê平安。」 | 註釋 串珠 字典 原文 典藏 |
14:14 | 總是,上主應我講:「Hiahê先知託我ê名講白賊,我無差in,無kā in吩咐,mā無對in講;in傳hō͘ lín ê是虛假ê啟示kah占卜,kah無影ê tāichì,以及in ê心ê詭詐。 | 註釋 串珠 原文 典藏 |
14:15 | 所以,我—上主ánne講:講tio̍h託我ê名來傳播ê hiahê先知,我並無差in,in iáu koh講chitê地bē tú tio̍h刀劍、飢荒,其實hiahê先知ē tùi刀劍、飢荒來滅亡。 | 註釋 串珠 字典 原文 典藏 |
14:16 | 而且聽in傳播ê人民ē因為飢荒、刀劍,受hiat-ka̍k tī耶路撒冷ê街路;in kah bó͘-kiáⁿ lóng無人埋葬;我beh kā in ê pháiⁿ piàⁿ tī in ê身上。」 | 註釋 串珠 字典 原文 典藏 |
14:17 | 上主吩咐我tio̍h kā chitê話對in講:願我ê目屎暝日流無停,因為我ê人民tú tio̍h大毀傷,受phah到真thiám。 | 註釋 串珠 原文 典藏 |
14:18 | 我若出去田裡,to̍h看tio̍h有hō͘刀thâiê;我若入城,to̍h看tio̍h有tùi飢荒來破病ê;先知kah祭司tī國內四界行,mā lóng bē了解。 | 註釋 串珠 字典 原文 典藏 |
14:19 | 人民懇求上主上主ah,祢kám全部棄sak偤大?祢ê心kám討厭錫安?祢ná ē phah阮,koh hō͘阮無thang得tio̍h醫好?阮ǹg望平安,mā無有福氣;ǹg望醫治ê機會,無想講會tú tio̍h驚惶。 | 註釋 串珠 原文 典藏 |
14:20 | 上主ah,阮認kakī ê罪惡,kah阮ê祖先ê罪過,因為阮得罪祢。 | 註釋 串珠 原文 典藏 |
14:21 | 求祢因為祢ê名ê緣故,m̄ thang討厭阮;m̄ thang凌辱祢榮光ê寶座。求祢追念阮,m̄ thang違背祢kah阮所立ê約。 | 註釋 串珠 字典 原文 典藏 |
14:22 | 外邦虛假ê神明,kám有一个會落雨?天kám ēkakī 落大雨?上主—阮ê上帝ah,ē ánne ê,kám m̄是祢?所以,阮猶原beh thèng候祢,因為這lóng是祢所做ê。 | 註釋 串珠 字典 原文 典藏 |