章節 | 全民台語聖經漢羅經文 | 註釋 |
8:1 | 上主講:「Hit當時,人ē kā偤大列王ê骨骸、貴族ê骨骸、祭司ê骨骸、先知ê骨骸kah tòa tī耶路撒冷ê人民ê骨骸,lóng tùi墓中the̍h出來, | 註釋 串珠 字典 原文 典藏 |
8:2 | 排tī日、月kah天ê下面,to̍h是in平時所意愛、所服事、所順服、所走chhōe、所跪拜ê。Chiahê骨骸無koh收拾,無koh埋葬,beh tī地面上成做糞埽; | 註釋 串珠 原文 典藏 |
8:3 | 而且chitê pháiⁿ族所chhun落來ê,to̍h是tī我kā in趕到hia所chhun落來ê,in lóng beh揀死,m̄揀活。這是萬軍ê上主講ê。」 | 註釋 串珠 原文 典藏 |
8:4 | 罪kah懲罰上主吩咐我tio̍h對in ánne講:「人跋倒,kám無koh peh起來?人oat走去,kám無koh oat倒tńg來? | 註釋 串珠 原文 典藏 |
8:5 | Án-ne,chitê耶路撒冷ê人民ê悖逆,ná ē久長teh悖逆?In固執in ê詭詐,m̄肯回頭。 | 註釋 串珠 原文 典藏 |
8:6 | 我注意聽,總是,in無講正直ê話,無人悔改in pháiⁿ ê所行,講我做ê是啥物?In ta̍k人顛倒行kakī ê路,親像馬跑入去戰場。 | 註釋 串珠 字典 原文 典藏 |
8:7 | 空中ê鶴(ho̍h)知牠定tio̍h ê期;斑鴿、燕á kah海雁lóng守in來ê節季;獨獨我ê子民m̄知上主ê律法。 | 註釋 串珠 字典 原文 典藏 |
8:8 | Lín ná ē講:阮是智慧ê人,上主ê律法kám有tī阮中間?你看,經學教師舞弄筆墨,hō͘它變做假ê。 | 註釋 串珠 字典 原文 典藏 |
8:9 | 智慧ê人見笑、驚惶、受掠;你看,in放sak上主ê話,in ê心內kám iáu有啥物智慧? | 註釋 串珠 原文 典藏 |
8:10 | 所以,我beh kā in ê bó͘ hō͘別人,kā in ê田園hō͘別人來承接做產業;因為in tùi siōng細到siōng大ê lóng一味貪心,tùi先知到祭司lóng行奸詐。 | 註釋 串珠 原文 典藏 |
8:11 | In chhìn-chhìn chhái-chhái醫治我ê子民ê傷,講:平安lah!平安lah!其實lóng無平安。 | 註釋 串珠 原文 典藏 |
8:12 | In行可惡ê tāichì,kám知見笑?無,in lóng無感覺見笑,面mā bē紅。因為ánne,inē tī跋倒ê人ê中間跋倒;in受辦ê時會顛顛倒倒。這是上主講ê。」 | 註釋 串珠 原文 典藏 |
8:13 | 上主講:我beh kā in全部消滅;葡萄樹會無葡萄,無花果樹會無無花果,葉á mā ē乾去。我所hō͘ in ê lóng 會無去。」 | 註釋 串珠 字典 原文 典藏 |
8:14 | 上帝ê子民問:「咱ná ē恬恬teh坐?Lín tio̍h聚集,咱to̍h thang入去chiahê堅固ê城,tī hia恬恬;因為咱ê上帝—上主hō͘咱恬恬,koh用苦ê水hō͘咱lim,lóng是因為咱得罪上主。 | 註釋 串珠 字典 原文 典藏 |
8:15 | 咱ǹg望平安,mā無得tio̍h好處;ǹg望有醫好ê時期,顛倒有驚惶。 | 註釋 串珠 原文 典藏 |
8:16 | 聽見tùi但hia對敵ê馬phn̄g-phn̄g哮,in ê勇ê馬teh ki-ki哮,全地to̍h lóng搖動;因為in來吞滅chitê地,以及hit內面所有ê,吞滅chitê城kah tòa tī其中ê人民。」 | 註釋 串珠 字典 原文 典藏 |
8:17 | 上主講:「Lín看,我beh差蛇kah毒蛇到lín中間,lín無法得kā in趕走êē kā lín咬。這是上主講ê。」 | 註釋 串珠 字典 原文 典藏 |
8:18 | 耶利米為同胞悲傷我有憂悶,願我ē得tio̍h安慰;我ê心teh beh暈去。 | 註釋 串珠 原文 典藏 |
8:19 | 你看,我ê同胞哀傷ê聲tùi遠遠ê所在來,講:「上主kám無tī錫安?錫安ê王kám無tī hit內面?」上主講:「In ná ē用雕刻ê偶像kah外邦虛假ê神明來激我ê受氣?」 | 註釋 串珠 字典 原文 典藏 |
8:20 | 人民講:「收成ê時已經過去,熱天ê日已經盡,阮iáu無得tio̍h救!」 | 註釋 串珠 原文 典藏 |
8:21 | 耶利米講:「因為我ê同胞ê毀傷,我mā受tio̍h毀傷。我非常哀傷,驚惶kā我擒tiâu ·leh。 | 註釋 串珠 原文 典藏 |
8:22 | Tī基列kám無乳香?Tī hia kám無醫生?我ê子民ná ē bē tàng得tio̍h醫好?」 | 註釋 串珠 字典 原文 典藏 |