章節 | 全民台語聖經漢羅經文 | 註釋 |
1:1 | 便雅憫地亞拿突城ê祭司中,希勒家ê kiáⁿ耶利米ê話記tī下底: | 註釋 串珠 原文 典藏 |
1:2 | 當偤大王亞捫ê kiáⁿ約西亞坐位ê十三年,上主ê話臨到耶利米。 | 註釋 串珠 原文 典藏 |
1:3 | Koh tī偤大王約西亞ê kiáⁿ約雅敬坐位ê時,一直到偤大王約西亞ê kiáⁿ西底家十一年ê路尾,tī五月間,耶路撒冷人受掠ê時,上主ê話臨到耶利米。 | 註釋 串珠 原文 典藏 |
1:4 | 耶利米蒙選召上主ê話臨到我,講: | 註釋 串珠 原文 典藏 |
1:5 | 「我未創造你tī老母腹肚內ê chìn前,我bat你;你未出胎ê chìn前,我kā你分別做聖;設立你做列國ê先知。」 | 註釋 串珠 原文 典藏 |
1:6 | 我to̍h講:「害ah!至koân上主ah,你看,我bē曉講,因為我是gín-á。」 | 註釋 串珠 原文 典藏 |
1:7 | 總是,上主對我講:「你m̄ thang講『我是gín-á』。我見若有差你,你tio̍h去;我見若有吩咐你,你tio̍h講。 | 註釋 串珠 原文 典藏 |
1:8 | 你m̄免驚in,因為我kah你同在,我ē救你。這是上主講ê。」 | 註釋 串珠 原文 典藏 |
1:9 | 上主to̍h伸祂ê手來摸我ê嘴。上主kā我講:「你看,我有kā我ê話hē tī你ê嘴。 | 註釋 串珠 原文 典藏 |
1:10 | 你看,今á日我tī列邦列國ê頂面設立你,是為tio̍h beh拔出,beh拆毀,beh敗壞,beh chhia倒,beh建立,beh栽培。」 | 註釋 串珠 原文 典藏 |
1:11 | 兩 个異象上主ê話koh臨到我講:「耶利米,你看tio̍h啥物?」我應講:「我看tio̍h杏樹ê一支。」 | 註釋 串珠 字典 原文 典藏 |
1:12 | 上主to̍h對我講:「你所看ê是tio̍h;我teh斟酌我ê話來kā它成。」 | 註釋 串珠 原文 典藏 |
1:13 | 上主ê話第二pái臨到我講:「你看tio̍h啥物?」我應講:「我看tio̍h一个鼎teh滾,它ê面tùi北pêng ǹg過來。」 | 註釋 串珠 字典 原文 典藏 |
1:14 | 上主to̍h對我講:「ē有災禍tùi北方發出,臨到tòa tī chit所在所有ê人民。」 | 註釋 串珠 原文 典藏 |
1:15 | 上主講:「你看,我beh召北方列國ê眾族;in ē來,ta̍k个lóng tī耶路撒冷chiahê城門口安座位,四箍圍攻擊城牆,mā beh攻擊偤大所有ê城。 | 註釋 串珠 字典 原文 典藏 |
1:16 | 講tio̍h chiahê人民一切ê pháiⁿ,to̍h是離開我,ǹg別个神明燒香;跪拜in ê手所做ê,我beh講起我ê判斷來kā in攻擊。 | 註釋 串珠 字典 原文 典藏 |
1:17 | 所以,你tio̍h 縖腰,起來,kā我所吩咐你所有ê話kā in講;『M̄-thang因為in來驚惶,chiah免得我hō͘你tī in ê面前來驚惶。 | 註釋 串珠 原文 典藏 |
1:18 | 你看,因為我今á日hō͘你成做堅固ê城,做鐵柱,做銅牆,來抵擋全地,以及偤大ê列王、貴族、祭司kah chit所在ê眾人。 | 註釋 串珠 字典 原文 典藏 |
1:19 | In beh攻擊你,總是,bē tàng贏你;因為我kah你同在,ē kā你拯救。這是上主講ê。」 | 註釋 串珠 原文 典藏 |