| 章節 | 全民台語聖經漢羅經文 | 註釋 |
| 31:1 | 我kah我ê目chiu 立約，ná ē注意teh看在室女？ | 註釋 串珠 原文 典藏 |
| 31:2 | 因為上帝tùi頂面所定tio̍h ê份額，全能ê tùi頂面所派ê基業是啥物？ | 註釋 串珠 原文 典藏 |
| 31:3 | Kám m̄是患難臨到不義ê人，災害臨到作孽ê人？ | 註釋 串珠 原文 典藏 |
| 31:4 | 上帝kám m̄是teh鑒察我ê路，點算我ê腳步？ | 註釋 串珠 字典 原文 典藏 |
| 31:5 | 我若kah虛假做伙行，腳若趕緊tòe詭詐， | 註釋 串珠 原文 典藏 |
| 31:6 | 願我hō͘公道ê天秤來秤（chhìn），hō͘上帝知影我ê純全。 | 註釋 串珠 字典 原文 典藏 |
| 31:7 | 我ê腳步若偏離正路，我ê心若跟tòe我ê目chiu ，若有lahsap黏tī我ê手， | 註釋 串珠 字典 原文 典藏 |
| 31:8 | 就願我所種作ê hō͘別人去食，我所出產ê農作物ê根受拔起來。 | 註釋 串珠 原文 典藏 |
| 31:9 | 我ê心若hō͘ chabó͘人引誘去，á是我bih tī厝邊ê門teh等chabó͘人， | 註釋 串珠 字典 原文 典藏 |
| 31:10 | 就願我ê chabó͘人kā人挨磨，別人mā kah她同房。 | 註釋 串珠 原文 典藏 |
| 31:11 | 因為這是大pháiⁿ，是審判官應該辦ê罪； | 註釋 串珠 原文 典藏 |
| 31:12 | 這是火，會燒到滅亡，拔除我一切所出產農作物ê根。 | 註釋 串珠 原文 典藏 |
| 31:13 | 我ê奴僕女婢kah我辯論ê時，我若有藐視in ê理由， | 註釋 串珠 原文 典藏 |
| 31:14 | 上帝興起，我beh án怎chiah好？祂審問ê時，我beh án怎應？ | 註釋 串珠 原文 典藏 |
| 31:15 | 造我tī胎裡ê上帝kám m̄是mā有造伊？造成阮tī腹肚ê kám m̄是仝一个上帝？ | 註釋 串珠 原文 典藏 |
| 31:16 | 我若禁止sànchhiah人ê意願，á是hō͘寡婦ê目chiu 看到目眩； | 註釋 串珠 原文 典藏 |
| 31:17 | á是我kakī 食淡薄物，孤兒食無份； | 註釋 串珠 字典 原文 典藏 |
| 31:18 | tùi我少年，伊kah我做伙大漢，ná親像kah老父仝款；我tùi出老母ê腹肚就牽成寡婦； | 註釋 串珠 原文 典藏 |
| 31:19 | 我若看tio̍h人因為無衫來寒死，á是看tio̍h sànchhiah人身軀無thang遮蓋， | 註釋 串珠 字典 原文 典藏 |
| 31:20 | 伊ê腰若無kā我祝福，伊mā無tùi我ê羊毛來得tio̍h溫暖， | 註釋 串珠 字典 原文 典藏 |
| 31:21 | 我若因為tī城門口有kā我幫贊，to̍h起手攻擊孤兒； | 註釋 串珠 字典 原文 典藏 |
| 31:22 | ánne，願我ê手tùi肩胛lut落去，我ê手節tùi骨受at斷； | 註釋 串珠 原文 典藏 |
| 31:23 | 因為tùi上帝來ê災禍hō͘我驚惶，因為祂ê威嚴，我當bē起。 | 註釋 串珠 原文 典藏 |
| 31:24 | 我若用黃金做ǹg望，對純金講：你是我ê óa靠； | 註釋 串珠 原文 典藏 |
| 31:25 | 我若因為財物豐盛，因為我ê手thàn真chē錢來歡喜； | 註釋 串珠 原文 典藏 |
| 31:26 | 我若看tio̍h日teh發光，月光光teh行； | 註釋 串珠 原文 典藏 |
| 31:27 | 我ê心tī暗中受引誘，á是我ê嘴kah我ê手相chim； | 註釋 串珠 原文 典藏 |
| 31:28 | 這mā是審判官應該辦ê罪，因為我ánne做是悖逆tī頂面ê上帝。 | 註釋 串珠 原文 典藏 |
| 31:29 | 我若掠怨恨我ê人ê災禍做快樂，á是為tio̍h伊tú tio̍h災禍來得意； | 註釋 串珠 原文 典藏 |
| 31:30 | 其實我無容允我ê嘴犯罪，咒詛求hō͘ in死； | 註釋 串珠 原文 典藏 |
| 31:31 | 若我布棚內ê人無講：啥人ēchhōe tio̍h一个無食上帝ê好物到飽ê？ | 註釋 串珠 原文 典藏 |
| 31:32 | 出外人無歇tī街路，我kā行路ê人開門； | 註釋 串珠 原文 典藏 |
| 31:33 | 我若親像亞當遮蓋我ê過失，kā我ê罪孽khǹg tī我ê胸前； | 註釋 串珠 原文 典藏 |
| 31:34 | 我若為tio̍h驚大陣ê群眾，驚宗族ê藐視，致使恬恬m̄敢出門； | 註釋 串珠 字典 原文 典藏 |
| 31:35 | 願有一个teh聽我！你看，有我所畫ê記號，願全能ê應我；願我ē得tio̍h我ê對敵所寫ê告狀！ | 註釋 串珠 字典 原文 典藏 |
| 31:36 | 我一定beh kā伊揹tī我ê肩胛頭，kā它做冕旒來戴。 | 註釋 串珠 原文 典藏 |
| 31:37 | 我beh對祂講明我腳步ê數額，beh親像君王來見祂。 | 註釋 串珠 原文 典藏 |
| 31:38 | 我ê田園若出聲告我，犁溝做伙啼哭； | 註釋 串珠 原文 典藏 |
| 31:39 | 我若食伊ê出產無hō͘伊價錢，á是hō͘業主失落伊ê性命； | 註釋 串珠 字典 原文 典藏 |
| 31:40 | 就願刺á生出來替小麥，pháiⁿ草生出來替大麥。約伯ê話講soah à。 | 註釋 串珠 字典 原文 典藏 |