章節 | 全民台語聖經漢羅經文 | 註釋 |
36:1 | 約西亞kah約哈斯(王下23:30-35)人民kā約西亞ê kiáⁿ約哈斯設立做王,tī耶路撒冷續接伊ê老父。 | 註釋 串珠 原文 典藏 |
36:2 | 約哈斯坐位ê時二十三歲,tī耶路撒冷做王經過三月日。 | 註釋 串珠 原文 典藏 |
36:3 | 埃及王tī耶路撒冷kā伊廢掉,koh罰hit國進貢銀一百他連得kah金一他連得。 | 註釋 串珠 字典 原文 典藏 |
36:4 | 埃及王設立伊ê阿兄E-li-a-kim做偤大kah耶路撒冷ê王,kā伊ê名換做約雅敬。尼哥chhōa伊ê小弟約哈斯來到埃及。 | 註釋 串珠 原文 典藏 |
36:5 | 偤大ê約雅敬王(王下23:36-24:7)約雅敬坐位ê時二十五歲,tī耶路撒冷做王共十一年。伊行上主—伊ê上帝所看做pháiⁿ ê tāichì。 | 註釋 串珠 原文 典藏 |
36:6 | 巴比倫王尼布甲尼撒to̍h來kā伊攻擊,用銅鏈kā伊縛起來,beh kā伊押來巴比倫。 | 註釋 串珠 字典 原文 典藏 |
36:7 | 尼布甲尼撒koh kā上主殿內ê器具帶到巴比倫,hē tī巴比倫伊ê廟內。 | 註釋 串珠 字典 原文 典藏 |
36:8 | 約雅敬其他ê tāichì kah伊所行可惡ê tāichì,以及伊ê不正,lóng記tī以色列kah偤大列王ê記錄中。伊ê kiáⁿ約雅斤續接伊做王。 | 註釋 串珠 字典 原文 典藏 |
36:9 | 偤大王約雅斤(王下24:8-17)約雅斤坐位ê時八歲,tī耶路撒冷做王三月日koh十工,伊行上主所看做pháiⁿ ê tāichì。 | 註釋 串珠 原文 典藏 |
36:10 | 隔tńg年,尼布甲尼撒差人帶伊kah上主殿內hiahê寶貝ê器具來到巴比倫,to̍h設立伊ê阿叔西底家做偤大kah耶路撒冷ê王。 | 註釋 串珠 原文 典藏 |
36:11 | 偤大王西底家(王下24:18-20;耶52:1-3)西底家坐位ê時二十一歲,tī耶路撒冷做王共十一年。 | 註釋 串珠 原文 典藏 |
36:12 | 伊行上主—伊ê上帝所看做pháiⁿ ê tāichì。耶利米先知kā上主所吩咐ê傳hō͘伊,tī上主ê面前,伊猶原無kakī 謙卑。 | 註釋 串珠 原文 典藏 |
36:13 | 耶路撒冷陷落(王下25:1-21;耶52:3-11)尼布甲尼撒王bat kah伊kí上帝來chiùchōa,總是,伊背叛,硬伊ê頷頸,固執伊ê心,m̄歸順上主—以色列ê上帝。 | 註釋 串珠 原文 典藏 |
36:14 | 而且hiahê祭司ê頭目kah人民mā犯大罪,學外邦所有可惡ê tāichì,tī耶路撒冷分別做聖ê殿òe lahsap上主。 | 註釋 串珠 原文 典藏 |
36:15 | 上主—in祖先ê上帝託祂hiahê使者,差in去人民hia,是透早to̍h起來差伊,因為祂憐憫祂ê子民kah祂tòa ê所在。 | 註釋 串珠 原文 典藏 |
36:16 | 總是,in恥笑上帝ê使者,藐視祂ê話,khau洗祂ê先知,一直到上主對祂ê子民大受氣,無法度thang醫治。 | 註釋 串珠 原文 典藏 |
36:17 | 所以,上帝chhōa迦勒底人ê王來kā in攻擊,tī in聖所ê厝用刀kā in ê少年人thâi死,無憐憫in少年ê chapo͘丁,á是在室女,á是老kah白頭毛ê。上帝kā in lóng交tī迦勒底人ê王ê手。 | 註釋 串珠 字典 原文 典藏 |
36:18 | 伊koh kā上主ê殿內ê大細器具kah財寶,以及王kah hiahê首領ê財寶,lóng帶來到巴比倫。 | 註釋 串珠 原文 典藏 |
36:19 | In燒上帝ê厝,拆毀耶路撒冷ê城牆,用火燒hiahê宮殿,毀壞hiahê寶貝ê器具。 | 註釋 串珠 字典 原文 典藏 |
36:20 | 見若脫離刀劍ê,伊kā in帶到巴比倫,hō͘ in做伊kah伊ê kiáⁿ孫ê奴僕,到波斯國興起為止。 | 註釋 串珠 字典 原文 典藏 |
36:21 | 這是應驗上主託耶利米所講ê話:thèng候土地享受它ê安息,因為它拋荒ê時守安息,到滿七十年。 | 註釋 串珠 原文 典藏 |
36:22 | 古列王下令偤大人回國(拉 1:1-4)當波斯王古列元年,因為beh應驗上主託耶利米所講ê話,上主就激動波斯王古列ê心,hō͘伊宣布tī 全國,koh寫命令,講: | 註釋 串珠 原文 典藏 |
36:23 | 「波斯王古列ánne講:天頂ê上帝—上主kā天下ê萬國賞賜hō͘我,koh命令我tī偤大ê耶路撒冷kā祂起殿。Lín中間見若做祂ê子民ê,thang上去,願上主—伊ê上帝kah伊同在。」 | 註釋 串珠 原文 典藏 |