章節 | 全民台語聖經漢羅經文 | 註釋 |
5:1 | 亞當ê家譜亞當ê世系記tī下底:當上帝創造人ê日,是照上帝ê款式來造人。 | |
5:2 | 上帝創造in有chapo͘ kah chabó͘,tī in受創造ê日,賜in福氣,稱in ê名叫做人。 | |
5:3 | 亞當一百三十歲ê時,生kiáⁿ照伊ê款,親像伊ê像,號名叫做設。 | |
5:4 | 亞當生設了後koh經過八百年,其中iáu有生kiáⁿ兒。 | |
5:5 | 亞當食到九百三十歲chiah死。 | |
5:6 | 設一百khòng五歲,生以挪士。 | |
5:7 | 設生以挪士了後iáu koh活八百khòng七年,其中有koh生kiáⁿ兒。 | |
5:8 | 設食到九百十二歲chiah死。 | |
5:9 | 以挪士九十歲ê時,生該南。 | |
5:10 | 以挪士生該南了後iáu koh活八百十五年,其中有koh生kiáⁿ兒。 | |
5:11 | 以挪士食到九百khòng五歲chiah死。 | |
5:12 | 該南七十歲ê時,生瑪勒列。 | |
5:13 | 該南生瑪勒列了後iáu koh活八百四十年,其中有koh生kiáⁿ兒。 | |
5:14 | 該南食到九百十歲chiah死。 | |
5:15 | 瑪勒列六十五歲ê時,生雅列。 | |
5:16 | 瑪勒列生雅列了後iáu koh活八百三十年,其中有koh生kiáⁿ兒。 | |
5:17 | 瑪勒列食到八百九十五歲chiah死。 | |
5:18 | 雅列一百六十二歲ê時,生以諾。 | |
5:19 | 雅列生以諾了後iáu koh活八百年,其中有koh生kiáⁿ兒。 | |
5:20 | 雅列食到九百六十二歲chiah死。 | |
5:21 | 以諾六十五歲,生瑪土撒拉。 | |
5:22 | 以諾生瑪土撒拉了後,koh kah上主做伙行三百年,其中有koh生kiáⁿ兒。 | |
5:23 | 以諾食到三百六十五歲。 | |
5:24 | 以諾kah上主做伙行,上主接伊去,伊to̍h無tī ·leh。 | |
5:25 | 瑪土撒拉一百八十七歲ê時,生拉麥。 | |
5:26 | 瑪土撒拉生拉麥了後iáu koh活七百八十二年,其中有koh生kiáⁿ兒。 | |
5:27 | 瑪土撒拉食到九百六十九歲chiah死。 | |
5:28 | 拉麥一百八十二歲ê時,生一个kiáⁿ, | |
5:29 | 號名叫做挪亞。伊講:「上主bat咒詛地,hō͘咱做工勞苦,taⁿ chitê kiáⁿ beh安慰咱。」 | |
5:30 | 拉麥生挪亞了後iáu koh活五百九十五年,其中有koh生kiáⁿ兒。 | |
5:31 | 拉麥食到七百七十七歲chiah死。 | |
5:32 | 挪亞五百歲ê時,生閃、含、雅弗。 |