章節 | 全民台語聖經漢羅經文 | 註釋 |
4:1 | 該隱kah亞伯Hitê人kah伊ê bó͘夏娃同房,夏娃就懷孕生該隱,講:「我tùi上主ê保守得tio̍h kiáⁿ。」 | |
4:2 | 她koh生伊ê小弟亞伯。亞伯是顧羊ê,該隱是做田ê。 | |
4:3 | 有一工,該隱用農產物做禮物獻hō͘上主。 | |
4:4 | 亞伯mā kā羊群中頭chiūⁿ生ê羊kah牠ê油the̍h來獻。上主kah意亞伯kah伊ê禮物; | |
4:5 | 總是,無kah意該隱kah伊ê禮物。該隱to̍h大受氣,變面。 | |
4:6 | 上主對該隱講:「你án怎teh受氣?你ná ē變面? | |
4:7 | 你若行好,kám bē得tio̍h鑒納?若無行好,罪孽會埋伏tī門口,它會戀慕你,你tio̍h kā它管轄。」 | |
4:8 | 該隱kā伊ê小弟講:「咱出來去田園!」。In來到田園ê時,該隱攻擊伊ê小弟亞伯,kā伊thâi死。 | |
4:9 | 上主對該隱講:「你ê小弟亞伯tī tó位?」該隱應講:「我m̄知,我kám是顧守我ê小弟ê?」 | |
4:10 | 上主講:「你有做啥物tāichì?Lín小弟ê血ê聲,tùi地裡大聲hoah我。 | |
4:11 | 地有開嘴tùi你ê手接受lín小弟ê血,taⁿ你chitê地ē受咒詛。 | |
4:12 | 你種作,地無beh出農產物hō͘你,你tio̍h四界走,漂流地chiūⁿ。」 | |
4:13 | 該隱對上主講:「我ê刑罰siuⁿ重,超過我ē tàng擔當ê。 | |
4:14 | 祢今á日趕我離開chitê地面,hō͘我無thang tòa tī祢ê面前。我四界走,漂流地chiūⁿ,所有tú tio̍h我ê lóng beh kā我thâi死。」 | |
4:15 | 上主對伊講:「Bē ánne,見若thâi死該隱ê,ē受七倍ê報應。」上主to̍h kā該隱立一个記號,免得tú tio̍h伊ê人beh kā伊thâi死。 | |
4:16 | 該隱to̍h離開上主ê面前,去tòa tī伊甸ê東pêng,叫做Nó͘-toh ê地。 | |
4:17 | 該隱ê家譜該隱kah伊ê bó͘同房,伊ê bó͘懷孕生以諾。該隱起城,就照伊ê kiáⁿ ê名,kā hitê城叫做以諾。 | |
4:18 | 以諾生I-la̍t,I-la̍t生Me-hu-ia-el,Me-hu-ia-el生Má-thó͘-sat-lī,Má-thó͘-sat-lī生拉麥。 | |
4:19 | 拉麥娶兩 个bó͘,一个名叫亞大,一个名叫洗拉。 | |
4:20 | 亞大生Iâ-bal,伊成做tòa布棚飼chengseⁿ ê人ê祖先。 | |
4:21 | 伊ê小弟名叫Iu-bal,伊是所有彈琴pûn簫ê人ê祖先。 | |
4:22 | 洗拉mā生Thô͘-bal-kai-ín;伊是製造ta̍k種銅、鐵利器ê人ê祖先;Thô͘-bal-kai-ín ê姊妹是拿瑪。 | |
4:23 | 拉麥對伊兩 个bó͘講:「亞大kah洗拉,tio̍h聽我ê聲,拉麥ê bó͘,tio̍h致意聽我ê話。人傷我,我kā伊thâi;少年人害我,我kā伊thâi。 | |
4:24 | 該隱ê報冤若是七倍,ánne拉麥ê報冤一定tio̍h七十七倍。」 | |
4:25 | 設kah以挪士亞當koh kah伊ê bó͘同房,伊ê bó͘生kiáⁿ,號名叫做設,意思是講:「上帝koh kā我設立一个kiáⁿ來代替亞伯,因為該隱kā亞伯thâi死。」 | |
4:26 | 設mā生kiáⁿ,號名叫做以挪士。Hit時,人chiah開始求叫「耶和華」ê名。 |