章節 | 全民台語聖經漢羅經文 | 註釋 |
24:1 | 約雅敬ê年間,巴比倫王尼布甲尼撒起來。約雅敬kā伊服事三年,後來,顛倒kā伊悖逆。 | 註釋 串珠 原文 典藏 |
24:2 | 上主差迦勒底ê軍隊、亞南ê軍隊、摩押ê軍隊kah亞捫ê軍隊來kā伊攻擊,koh差in攻擊偤大beh kā她滅掉,照上主託祂ê奴僕chiahê先知所講ê。 | 註釋 串珠 原文 典藏 |
24:3 | Chitê tāichì臨到偤大,實在是tùi上主ê命令beh kā伊遷徙,離開祂ê面前,這lóng是因為瑪拿西ê罪,照伊所行ê一切; | 註釋 串珠 原文 典藏 |
24:4 | mā為tio̍h伊留無罪ê人ê血,因為伊用無罪ê人ê血充滿耶路撒冷,chitê罪上主m̄肯赦免。 | 註釋 串珠 原文 典藏 |
24:5 | 約雅敬其他ê tāichì,見若伊所行ê,kám無lóng記tī偤大列王ê記錄? | 註釋 串珠 字典 原文 典藏 |
24:6 | 約雅敬kah伊ê祖先同睏。伊ê kiáⁿ約雅斤續接伊做王。 | 註釋 串珠 原文 典藏 |
24:7 | 埃及王無koh tùi伊ê地出來,因為巴比倫有王征服所有屬埃及王ê地,tùi埃及小河到幼發拉底大河。 | 註釋 串珠 原文 典藏 |
24:8 | 偤大王約雅斤(代下36:9-10)約雅斤坐位ê時,十八歲,tī耶路撒冷做王三月日。伊ê老母ê名叫做Ne-hu-si-thah,是耶路撒冷人以利拿單ê chabó͘ kiáⁿ。 | 註釋 串珠 原文 典藏 |
24:9 | 約雅斤行上主所看做pháiⁿ ê tāichì,照伊ê老父一切ê所行。 | 註釋 串珠 原文 典藏 |
24:10 | Hit時,巴比倫王尼布甲尼撒ê人臣上來耶路撒冷,圍困hitê城。 | 註釋 串珠 原文 典藏 |
24:11 | 當伊ê人臣圍困城ê時,巴比倫王尼布甲尼撒to̍h來。 | 註釋 串珠 原文 典藏 |
24:12 | 偤大王約雅斤出城來到巴比倫王hia,伊kah伊ê老母,kah伊ê人臣、首領、太監lóng去。巴比倫王kā伊掠起來,是tī伊做王第八年。 | 註釋 串珠 原文 典藏 |
24:13 | Koh kā上主殿內ê寶物kah王宮ê寶物,lóng tùi hia the̍h去,koh kā以色列王所羅門所造上主殿內ê金器lóng phah破,照上主所講ê話; | 註釋 串珠 字典 原文 典藏 |
24:14 | koh kā耶路撒冷ê眾人kah眾首領,以及所有大權能ê勇士,共一萬人,連所有ê工匠、鐵匠lóng掠去;除國內極sànchhiah ê人以外,無chhun kah一个。 | 註釋 串珠 原文 典藏 |
24:15 | 尼布甲尼撒mā chhōa約雅斤來到巴比倫,kah太后、后妃、太監,以及國內ê大官lóng tùi耶路撒冷掠來到巴比倫。 | 註釋 串珠 原文 典藏 |
24:16 | Koh kā所有ê勇士七千人,kah工匠、鐵匠,以及一千人lóng是勇壯會上陣ê,巴比倫王lóng kā in掠來到巴比倫。 | 註釋 串珠 原文 典藏 |
24:17 | 巴比倫王設立約雅斤ê阿叔瑪探雅續接伊做王,kā伊ê名換做西底家。 | 註釋 串珠 原文 典藏 |
24:18 | 偤大王西底家(代下36:11-12;耶52:1-3)西底家坐位ê時,二十一歲,tī耶路撒冷做王十一年。伊ê老母ê名叫做Ha-mu-tal,是立拿人耶利米ê chabó͘ kiáⁿ。 | 註釋 串珠 原文 典藏 |
24:19 | 伊行上主所看做pháiⁿ ê tāichì,照約雅敬所行ê一切。 | 註釋 串珠 原文 典藏 |
24:20 | 耶路撒冷kah偤大tú tio̍h chiahê tāichì,是因為上主發出受氣,beh tùi祂ê面前kā in趕出去。 | 註釋 串珠 原文 典藏 |