| 章節 | 全民台語聖經全羅經文 | 註釋 |
| 7:1 | E-lí-siah kóng, " Lín tio̍h thiaⁿ Siōng-chú ê ōe, Siōng-chú ánne kóng, bîn-á-chài chha-put-to kàu chit sî, tī Sa-má-lī-a ê siâⁿ mn̂g-kháu, chi̍t sè-a ê iù-mī-hún ta̍t gîn chi̍t si-khel, nn̄g sè-a tōa-be̍h ta̍t gîn chi̍t si-khel. " | 註釋 串珠 字典 原文 典藏 |
| 7:2 | Ū chi̍t-ê kun-tiúⁿ, sī ông óa-khò i ê chhiú ê, ìn Siōng-tè ê lô͘-po̍k kóng, " Siat-sú Siōng-chú tùi thiⁿ khui thang-á, kám ē ánne? " E-lí-siah kóng, " Lí ē chhin-ba̍k khòaⁿ-.tio̍h, chóng-.sī, chia̍h bē tio̍h. " | 註釋 串珠 字典 原文 典藏 |
| 7:3 | A-lâm ê Kun-tūi Thiat-thèTī siâⁿ mn̂g hia ū sì-ê thái-ko ê, in chò-hóe kóng, " Lán ná ē chē tī chia teh thèng-hāu sí? " | 註釋 串珠 字典 原文 典藏 |
| 7:4 | Lán nā kóng, ji̍p-khì siâⁿ lāi, siâⁿ lāi ū ki-hng, lán ē sí tī hia; nā tiāⁿtiāⁿ chē tī chia, mā sī tio̍h sí. Lâi à, lán lâi-khì tâu-hâng A-lâm ê kun-tūi, in nā lâu lán ê oa̍h-miā, lán chiū ē oa̍h; nā kā lán thâi-sí, hoâiⁿ-ti̍t mā sī sí! " | 註釋 串珠 原文 典藏 |
| 7:5 | Hông-hun ê sî, in khí-.lâi, beh khì A-lâm lâng ê iâⁿ; lâi-kàu A-lâm lâng ê iâⁿ ê piⁿ-kak liáu-āu, lí khòaⁿ, bô chi̍t-ê lâng tī hia. | 註釋 串珠 原文 典藏 |
| 7:6 | In-ūi Chú hō͘ A-lâm ê kun-tūi thiaⁿ tio̍h chhia ê siaⁿ kah bé ê siaⁿ, to̍h-sī tōa kun-tūi ê siaⁿ. In chiū chò-hóe kóng, " Lí khòaⁿ, che sī I-su-la-el ông bé-siu Hiat lâng chiahê ông kah Ai-gi̍p lâng chiahê ông, lâi beh kong-kek lán. " | 註釋 串珠 字典 原文 典藏 |
| 7:7 | Só͘-í, tī hông-hun ê sî in khí-lâi tô-cháu, pàng-sak in ê pò͘-pêⁿ, in ê bé kah in ê lî-á, iâⁿ-pâng chiàu kū lâu-.leh, cháu-khì pó sèⁿ-miā. | 註釋 串珠 字典 原文 典藏 |
| 7:8 | Hiahê thái-ko ê lâi-kàu iâⁿ ê piⁿ-kak, ji̍p-khì chi̍t-ê pò͘-pêⁿ, mā chia̍h mā lim; tùi hia the̍h kim-gîn kah saⁿ-khò͘ khì siu-chông, koh lâi, koh ji̍p-khì chi̍t-ê pò͘-pêⁿ, tùi hia the̍h-chhut châi-bu̍t khì siu-chông. | 註釋 串珠 字典 原文 典藏 |
| 7:9 | Hit sî, in chò-hóe kóng, " Lán só͘ chò ê m̄-hó, kin-á-ji̍t sī ū hó siau-sit ê ji̍t, lán mā tiām-tiām; nā thèng-hāu kàu thiⁿ-kng, lán tio̍h siū chōe. Lâi, lán tio̍h khì pò hō͘ ông-ka chai. " | 註釋 串珠 原文 典藏 |
| 7:10 | In chiū khì kiò kò͘ siâⁿ mn̂g ê lâi, kā in kóng, " Goán kàu A-lâm lâng ê iâⁿ, khòaⁿ tio̍h bô chi̍t-ê lâng tī hia, mā bô lâng ê siaⁿ-soeh, chí ū bé pa̍k-.leh, lî pa̍k-.leh, pò͘-pêⁿ lóng chiàu kū. " | 註釋 串珠 字典 原文 典藏 |
| 7:11 | I chiū khì kiò hiahê kò͘-mn̂g ê khì pò hō͘ ông-ka chai. | 註釋 串珠 字典 原文 典藏 |
| 7:12 | Ông thàu-mê khí-.lâi, kā i ê jîn-sîn kóng, " A-lâm lâng tùi lán só͘ chò ê, góa kā lín kóng. In chai lán iau-gō, só͘-í, chhut iâⁿ-pâng, bâi-ho̍k tī chhân-iá, kóng, ' In chhut siâⁿ ê sî, lán chiū oa̍h-oa̍h kā in lia̍h khí-.lâi, thang tit tio̍h ji̍p in ê siâⁿ. '" | 註釋 串珠 原文 典藏 |
| 7:13 | I ê jîn-sîn ū chi̍t-ê ìn ông kóng, " Iáu chhun lo̍h-.lâi ê bé, to̍h-sī iáu lâu tī siâⁿ lāi ê, kiû lí chhe lâng khan gō͘ chiah lâi ( lí khòaⁿ, bé chhin-chhiūⁿ I-su-la-el jîn-bîn só͘ lâu tī siâⁿ lāi ê; lí khòaⁿ, bé chhin-chhiūⁿ I-su-la-el jîn-bîn siū bia̍t ê), lán thang chhe lâng khì khòaⁿ-māi. " | 註釋 串珠 字典 原文 典藏 |
| 7:14 | Chiū chhú nn̄g tâi chhia kah bé, ông chhe lâng khì jiok A-lâm ê kun-peng, kóng, " Lín khì khòaⁿ-māi leh. " | 註釋 串珠 字典 原文 典藏 |
| 7:15 | In chiū jiok in lâi-kàu Iol-tàn hô, khòaⁿ tio̍h móa lō͘ lóng sī A-lâm lâng kín cháu ê sî só͘ hiat-ka̍k ê saⁿ-khò͘ kah khì-kū, sù-chiá chiū tńg-lâi hôe-hok ông. | 註釋 串珠 字典 原文 典藏 |
| 7:16 | Jîn-bîn chiū chhut-khì chhiúⁿ A-lâm lâng ê iâⁿ-pâng. Chiū ánne, chi̍t sè-a ê iù mī-hún ta̍t gîn chi̍t si-khel, nn̄g sè-a tōa-be̍h mā ta̍t gîn chi̍t si-khel, chiàu Siōng-chú só͘ kóng ê. | 註釋 串珠 字典 原文 典藏 |
| 7:17 | Ông phài i só͘ óa-khò chhiú hit-ê kun-tiúⁿ koán-lí siâⁿ mn̂g, jîn-bîn tī siâⁿ mn̂g thún-ta̍h, i chiū sí-.khì, chiàu Siōng-tè ê lô͘-po̍k só͘ kóng ê, to̍h-sī ông lo̍h-lâi kìⁿ i ê sî só͘ kóng ê. | 註釋 串珠 字典 原文 典藏 |
| 7:18 | Jî-chhiáⁿ Siōng-tè ê lô͘-po̍k só͘ tùi ông kóng ê, bîn-á-chài chha-put-to kàu chit sî, tī Sa-má-lī-a ê siâⁿ mn̂g-kháu, nn̄g sè-a tōa-be̍h ta̍t gîn chi̍t si-khel, chi̍t sè-a ê iù mī-hún ta̍t gîn chi̍t si-khel. " | 註釋 串珠 字典 原文 典藏 |
| 7:19 | Hitê kun-tiúⁿ koh tùi Siōng-tè ê lô͘-po̍k kóng, " Siat-sú Siōng-chú tùi thiⁿ khui thang-á, kám ē ánne? " Siōng-tè ê lô͘-po̍k kóng, " Lí ē chhin-ba̍k khòaⁿ-.tio̍h, chóng-.sī, chia̍h bē tio̍h. | 註釋 串珠 字典 原文 典藏 |
| 7:20 | Chit-ê ōe kó-jiân èng-giām tī i ê sin chiūⁿ, in-ūi jîn-bîn tī siâⁿ mn̂g-kháu kā i thún-ta̍h, i chiū sí-.khì. | 註釋 串珠 字典 原文 典藏 |