| 章節 | 全民台語聖經全羅經文 | 註釋 |
| 9:1 | Gi-bóng Tē-hng ê Lâng khi-phiàn Io-siú-ahIol-tàn hô hit pêng, á-.sī tī soaⁿ-tē, á-.sī tī pêng-goân, á-.sī tī tōa hái Le-ba-nòng sio-tùi ê piⁿ-á, Hiat lâng, A-mô͘-lī lâng, Ka-nân lâng, Pe-lí-ji lâng, Hi-bī lâng, I-é-bú-suh lâng, chiahê ông chi̍t-ē thiaⁿ tio̍h chit-ê siau-sit, | 註釋 串珠 原文 典藏 |
| 9:2 | chiū lóng chū-chi̍p óa-.lâi, tâng-sim ha̍p-ì beh kah Io-siú-ah í-ki̍p I-su-la-el lâng kau-chiàn. | 註釋 串珠 原文 典藏 |
| 9:3 | Chóng-.sī, tòa tī Gi-bóng ê jîn-bîn thiaⁿ tio̍h Io-siú-ah tī I-é-lī-kho siâⁿ kah Ai siâⁿ só͘ chò ê tāichì, | 註釋 串珠 原文 典藏 |
| 9:4 | Chiū Siat kúi-kè, ké-chò sù-chiá, ēng kū ê tē kah phòa-li̍h koh pó͘ ê kū chiú-tē, hō͘ lî lâi tô, | 註釋 串珠 字典 原文 典藏 |
| 9:5 | Kha chhng-kòe pó͘ ê kū-ê, seng-khu chhēng kū saⁿ, in só͘ chún-pī ê piáⁿ lóng sī ta koh chhàu-phú ê. | 註釋 串珠 字典 原文 典藏 |
| 9:6 | In lâi-kàu Gil-gal iâⁿ tiong kìⁿ Io-siú-ah, tùi i kah I-su-la-el lâng kóng, " Goán sī tùi chin hn̄g ê só͘-chāi lâi ê, taⁿ kiû lí kah goán li̍p-iok. " | 註釋 串珠 原文 典藏 |
| 9:7 | I-su-la-el lâng tùi chiahê Hi-bī lâng kóng, " Kiám-chhái lín sī tòa tī goán tiong-kan ê, beh án-chóaⁿ kah lín li̍p-iok? " | 註釋 串珠 原文 典藏 |
| 9:8 | In tùi Io-siú-ah kóng, " Goán sī lí ê lô͘-po̍k. " Io-siú-ah mn̄g in kóng, " Lín sī siáⁿ lâng? Sī tùi tó-ūi lâi ê? " | 註釋 串珠 原文 典藏 |
| 9:9 | In tùi Io-siú-ah kóng, " Lí ê lô͘-po̍k tùi ke̍k-hn̄g ê só͘-chāi lâi, ūi tio̍h Siōng-chú — lí ê Siōng-tè ê miâ, in-ūi goán í-keng thiaⁿ tio̍h I ê miâ-siaⁿ kah I tī Ai-gi̍p só͘ kiâⁿ ê it-chhè, | 註釋 串珠 原文 典藏 |
| 9:10 | í-ki̍p I tī Iol-tàn hô hit pêng tùi A-mô͘-lī nn̄g-ê ông, to̍h-sī He-si-bóng ông Si-hông kah tī A-su-tha-lo͘t ê Ba-siáng ông O͘-k, só͘ kiâⁿ ê it-chhè tāichì. | 註釋 串珠 原文 典藏 |
| 9:11 | Goán ê tiúⁿ-ló kah tòa tī goán hia ê jîn-bîn chiū kā goán kóng, ' Lín chhiú tio̍h tòa lō͘-.ni̍h ēng ê chia̍h-mi̍h khì kā in gêng-chiap, tùi in kóng, goán sī lí ê lô͘-po̍k, taⁿ kiû lí kah goán li̍p-iok. ' | 註釋 串珠 字典 原文 典藏 |
| 9:12 | Goán chhut-lâi beh lâi lín chia ê ji̍t, tùi chhù lāi tòa-chhut chiahê piáⁿ chò lō͘ tiong ê lō͘-ēng, hit sî iáu sio-sio; lí khòaⁿ, taⁿ í-keng lóng ta koh chhàu-phú à. | 註釋 串珠 字典 原文 典藏 |
| 9:13 | Chiahê chiú-lông goán té chiú ê sî, iáu-sī sin ê; lí khòaⁿ, taⁿ í-keng phòa-li̍h, goán chiahê saⁿ kah ê mā lóng chhēng kū-.khì à, in-ūi lō͘ chin hn̄g. " | 註釋 字典 原文 典藏 |
| 9:14 | I-su-la-el lâng chiū tùi in ê chia̍h-mi̍h the̍h tām-po̍h, mā bô chhiáⁿ-mn̄g Siōng-chú. | 註釋 串珠 原文 典藏 |
| 9:15 | Io-siú-ah chiū kah in kóng-hô kah in li̍p-iok, iông-ín in oa̍h lo̍h-.khì; hōe-chiòng ê siú-léng mā tùi in chiùchōa. | 註釋 串珠 原文 典藏 |
| 9:16 | Kah in li̍p-iok liáu-āu kòe saⁿ ji̍t, chiah thiaⁿ tio̍h in sī kīn-kīn, tiàm tī in tiong-kan ê. | 註釋 串珠 原文 典藏 |
| 9:17 | I-su-la-el lâng chhut-hoat, tē-saⁿ ji̍t kàu in ê siâⁿ; hiahê siâⁿ to̍h-sī Gi-bóng, Ke-hui-la̍h, Be-lot, Ki-lia̍t-iâ-lîm. | 註釋 串珠 原文 典藏 |
| 9:18 | In-ūi hōe-chiòng ê siú-léng í-keng kí Siōng-chú — I-su-la-el ê Siōng-tè tùi in chiùchōa, só͘-í, I-su-la-el lâng bô kā in phah, choân hōe-chiòng chiū ai-oàn hiahê siú-léng. | 註釋 串珠 原文 典藏 |
| 9:19 | Chèng siú-léng tùi choân hōe-chiòng kóng, " Goán í-keng kí Siōng-chú — I-su-la-el ê Siōng-tè tùi in chiùchōa, taⁿ lán m̄ thang kā in kha̍p tio̍h. | 註釋 串珠 原文 典藏 |
| 9:20 | Lán tio̍h ánne khoán-thāi in, iông-ín in oa̍h-.leh, khióng-kiaⁿ lán ūi tio̍h tùi in só͘ chiùchōa ê siū-khì lîm-kàu tī lán. " | 註釋 串珠 原文 典藏 |
| 9:21 | Siú-léng koh tùi in kóng, " Tio̍h iông-ín in oa̍h lo̍h-.khì. " In chiū ánne kā hōe-chiòng chò phòa chhâ kah chhiūⁿ chúi ê kang-lâng, chiàu siú-léng só͘ kā in kóng ê ōe. | 註釋 串珠 原文 典藏 |
| 9:22 | Io-siú-ah kiò in lâi, kā in kóng, " Lín án-chóaⁿ phiàn goán kóng, goán lī-khui lín chin hn̄g? Kî-si̍t lín sī tiàm tī goán tiong-kan. | 註釋 串珠 原文 典藏 |
| 9:23 | Taⁿ lín sī siū chiù-chó͘ ê, lín tiong-kan chò lô͘-lē ê éng-oán bē tn̄g, kā goán Siōng-chú ê tiān chò phòa chhâ kah chhiūⁿ chúi ê kang-lâng. " | 註釋 串珠 原文 典藏 |
| 9:24 | In ìn Io-siú-ah kóng, " In-ūi ū lâng khak-si̍t pò lí ê lô͘-po̍k kóng, Siōng-chú — lí ê Siōng-tè bat bēng-lēng I ê lô͘-po̍k Mô͘-se, kā chit-ê choân tē siúⁿ-sù hō͘ lín, mā tī lín ê thâu-chêng châu-bia̍t tòa tī chit-ê só͘-chāi só͘-ū ê jîn-bîn, só͘-í, goán in-ūi lín ê iân-kò͘, khióng-kiaⁿ bô miā, chiah chò chit-ê tāichì. | 註釋 串珠 原文 典藏 |
| 9:25 | Taⁿ goán tī lí ê chhiú-thâu, lí khòaⁿ-chò hó kah chèng-ti̍t ê, chiàu ánne kiâⁿ lâi khoán-thāi goán. " | 註釋 串珠 原文 典藏 |
| 9:26 | Io-siú-ah chiū ánne khoán-thāi in, kiù in thoat-lī I-su-la-el lâng ê chhiú, só͘-í, in chiū bô kā in thâi. | 註釋 串珠 原文 典藏 |
| 9:27 | Tng hit ji̍t, Io-siú-ah hō͘ in kā hōe-chiòng kah Siōng-chú ê tôaⁿ, chò phòa chhâ kah chhiūⁿ chúi ê lâng, tī i só͘ beh kéng-soán ê só͘-chāi, kàu kin-á-ji̍t. | 註釋 串珠 字典 原文 典藏 |