章節 | 全民台語聖經全羅經文 | 註釋 |
4:1 | Chin kah Ké ê LêngChhin-ài ê hiaⁿ-tī chí-mōe, m̄ thang siong-sìn só͘-ū ê lêng, tio̍h kā i cha-giām, khòaⁿ i sī m̄-sī tùi Siōng-tè lâi ê, in-ūi ū chin chē ké sian-ti, chhut-hiān tī chit sè-kan. | 註釋 串珠 盧俊義 康來昌 原文 典藏 |
4:2 | Lín ē-tàng ēng ē-bīn ê hong-hoat, lâi hun-pia̍t hit-ê lêng sī m̄-sī Siōng-tè ê Sèng Sîn, kong-khai sêng-jīn I-é-su Ki-tok tō chiâⁿ jio̍k-thé lîm-kàu chit sè-kan ê hit-ê lêng, to̍h-sī tùi Siōng-tè lâi ê Sèng Sîn. | 註釋 串珠 盧俊義 康來昌 原文 典藏 |
4:3 | M̄ kong-khai sêng-jīn chit-hāng tāichì ê, chiū m̄-sī tùi Siōng-tè lâi ê Sèng Sîn, mā sī kah Ki-tok tùi-te̍k ê lêng. Lín ū thiaⁿ tio̍h chit-ê lêng teh beh lâi, kî-si̍t chitmá í-keng lâi tī sè-kan à. | 註釋 串珠 盧俊義 康來昌 原文 典藏 |
4:4 | Sè-kiáⁿ, lín sī sio̍k Siōng-tè, koh í-keng iâⁿ-kòe hiahê ké sian-ti, in-ūi tiàm tī lín lāi-bīn ê Sèng Sîn, pí tiàm tī sè-kan lâng lāi-bīn ê lêng khah ū la̍t. | 註釋 串珠 盧俊義 康來昌 原文 典藏 |
4:5 | Ké sian-ti sī sio̍k sè-kan, kóng sè-kan-sū, só͘-í, sè-kan lâng chiah thiaⁿ in ê ōe. | 註釋 串珠 盧俊義 康來昌 原文 典藏 |
4:6 | Lán sī sio̍k Siōng-tè. Jīn-bat Siōng-tè ê lô͘-po̍k thiaⁿ lán, bô sio̍k Siōng-tè ê lô͘-po̍k m̄-thiaⁿ lán. Án-ne, lán chiū ē-tàng hun-pia̍t chin-lí ê Sèng Sîn kah chhò-gō͘ ê lêng. | 註釋 串珠 盧俊義 康來昌 原文 典藏 |
4:7 | Siōng-tè Sī ThiàⁿChhin-ài ê hiaⁿ-tī chí-mōe, lán tio̍h sio-thiàⁿ, in-ūi thiàⁿ sī tùi Siōng-tè lâi ê. Ū thiàⁿ-sim ê lâng sī Siōng-tè ê kiáⁿ-jî, mā bat Siōng-tè. | 註釋 串珠 盧俊義 康來昌 原文 典藏 |
4:8 | Bô thiàⁿ-sim ê lâng m̄ bat Siōng-tè, in-ūi Siōng-tè sī thiàⁿ. | 註釋 串珠 盧俊義 康來昌 原文 典藏 |
4:9 | Siōng-tè chhe I to̍k-seⁿ ê Kiáⁿ lâi-kàu sè-kan, hō͘ lán tùi I lâi tit tio̍h oa̍h-miā. Siōng-tè ēng ánne tùi lán hián-bêng I ê thiàⁿ tī lán tiong-kan. | 註釋 串珠 盧俊義 康來昌 原文 典藏 |
4:10 | M̄-sī lán thiàⁿ Siōng-tè, sī I ū thiàⁿ lán, chhe I ê Kiáⁿ chò sio̍k-chōe-chè, lâi sio̍k lán ê chōe. Che to̍h-sī Siōng-tè ê thiàⁿ. | 註釋 串珠 盧俊義 康來昌 原文 典藏 |
4:11 | Chhin-ài ê hiaⁿ-tī chí-mōe, Siōng-tè hiahni̍h thiàⁿ lán, lán mā tio̍h sio-thiàⁿ. | 註釋 串珠 盧俊義 康來昌 原文 典藏 |
4:12 | Bô lâng bat khòaⁿ tio̍h Siōng-tè; lán nā sio-thiàⁿ, Siōng-tè chiū tiàm tī lán lāi-bīn, I ê thiàⁿ chiū thong-kòe lán oân-choân si̍t-hiān. | 註釋 串珠 盧俊義 康來昌 原文 典藏 |
4:13 | Siōng-tè í-keng ū kā Sèng Sîn siúⁿ-sù hō͘ lán, ánne lán ē-tàng khak-sìn lán kah Siōng-tè kiat-liân. | 註釋 串珠 盧俊義 康來昌 原文 典藏 |
4:14 | Thiⁿ-pē chhe I ê Kiáⁿ lâi chò sè-kan ê Kiù-chú, goán ū khòaⁿ-.tio̍h, chitmá teh chò kiàn-chèng. | 註釋 串珠 盧俊義 康來昌 原文 典藏 |
4:15 | Sêng-jīn I-é-su sī Siōng-tè ê Kiáⁿ ê lâng, chiū kah Siōng-tè kiat-liân. | 註釋 串珠 盧俊義 康來昌 原文 典藏 |
4:16 | Só͘-í, lán chai koh siong-sìn Siōng-tè thiàⁿ lán. Siōng-tè to̍h-sī thiàⁿ; sèⁿ-miā lāi ū thiàⁿ ê lâng, to̍h-sī oa̍h tī Siōng-tè lāi-bīn, Siōng-tè mā kah i kiat-liân. | 註釋 串珠 盧俊義 康來昌 原文 典藏 |
4:17 | Thiàⁿ chiū ánne tī lán tiong-kan oân-choân si̍t-hiān, hō͘ lán tī sím-phòaⁿ ê ji̍t thang hó-táⁿ bô kiaⁿ-hiâⁿ, in-ūi lán tī chit sè-kan ū kah I-é-su kāng-khoán ê oa̍h-miā. | 註釋 串珠 盧俊義 康來昌 原文 典藏 |
4:18 | Ū thiàⁿ chiū bô kiaⁿ-hiâⁿ; oân-choân ê thiàⁿ kā kiaⁿ-hiâⁿ kóaⁿ chhut-.khì. In-ūi kiaⁿ-hiâⁿ kah hêng-hoa̍t ū koan-liân, ū kiaⁿ-hiâⁿ ê lâng iáu-bōe kā thiàⁿ oân-choân si̍t-hiān chhut-.lâi. | 註釋 串珠 盧俊義 康來昌 原文 典藏 |
4:19 | Lán tio̍h sio-thiàⁿ, in-ūi Siōng-tè tāi-seng thiàⁿ lán. | 註釋 串珠 盧俊義 康來昌 原文 典藏 |
4:20 | Nā ū lâng kóng, " Góa thiàⁿ Siōng-tè", m̄ koh, oàn-hūn i ê hiaⁿ-tī á-.sī chí-mōe, i sī teh kóng pe̍h-chha̍t, in-ūi bô thiàⁿ khòaⁿ ē tio̍h ê hiaⁿ-tī á-.sī chí-mōe ê lâng, ná ē thiàⁿ khòaⁿ bē tio̍h ê Siōng-tè? | 註釋 串珠 盧俊義 康來昌 原文 典藏 |
4:21 | Thiàⁿ Siōng-tè, mā tio̍h thiàⁿ hiaⁿ-tī á-.sī chí-mōe, che sī lán tùi Ki-tok niá-siū ê kài-bēng. | 註釋 串珠 盧俊義 康來昌 原文 典藏 |