章節 | 全民台語聖經全羅經文 | 註釋 |
2:1 | Oa̍h tī Kng-bêng TiongGóa ê sè-kiáⁿ, góa siá chiahê hō͘ lín, sī beh hō͘ lín bô hoān chōe; nā ū lâng hoān chōe, tī Thiⁿ-pē ê bīn-chêng, lán ū gī lâng I-é-su Ki-tok ūi lán piān-hō͘. | 註釋 串珠 盧俊義 康來昌 原文 典藏 |
2:2 | Ki-tok ūi tio̍h lán ê chōe, mā ūi tio̍h choân sè-kài ê lâng ê chōe, chò sio̍k-chōe-chè. | 註釋 串珠 盧俊義 康來昌 原文 典藏 |
2:3 | Lán nā chun-siú Siōng-tè ê kài-bēng, chiū ánne ē-tàng khak-sìn lán bat Siōng-tè. | 註釋 串珠 盧俊義 康來昌 原文 典藏 |
2:4 | Lâng nā kóng, " Góa bat Siōng-tè", m̄ koh, bô teh chun-siú I ê bēng-lēng, chit-ê lâng sī teh kóng pe̍h-chha̍t, i ê sim tiong bô chin-lí. | 註釋 串珠 盧俊義 康來昌 原文 典藏 |
2:5 | M̄ koh, lâng nā chun-siú Siōng-tè ê tō-lí, i tùi Siōng-tè ê thiàⁿ chiū oân-choân si̍t-chāi; ánne, lán chiū ē-tàng khak-sìn lán ū chiàu Siōng-tè ê chí-ì teh seng-oa̍h. | 註釋 串珠 盧俊義 康來昌 原文 典藏 |
2:6 | Lâng nā kóng kakī ū chun-chiàu Siōng-tè ê chí-ì, eng-kai tio̍h chiàu I-é-su Ki-tok ê giân-hêng kú-chí lâi seng-oa̍h. | 註釋 串珠 盧俊義 康來昌 原文 典藏 |
2:7 | Sin ê Kài-bēngChhin-ài ê hiaⁿ-tī chí-mōe, góa bô siá sin ê bēng-lēng hō͘ lín, sī lín tùi khí-thâu to̍h ū ê hit-ê kū ê kài-bēng, sī lín bat thiaⁿ-kòe ê sìn-sit. | 註釋 串珠 盧俊義 康來昌 原文 典藏 |
2:8 | M̄ koh, tùi lēng-gōa chi̍t-ê kak-tō͘ lâi khòaⁿ, góa siá hō͘ lín ê kài-bēng sī sin ê; tùi Ki-tok kah lín lâi kóng lóng sī chin-si̍t ê, in-ūi o͘-àm teh beh kòe-.khì, chin kng í-keng teh chiàu. | 註釋 串珠 盧俊義 康來昌 原文 典藏 |
2:9 | Lâng nā kóng kakī seng-oa̍h tī kng-bêng tiong, m̄ koh, iáu teh oàn-hūn i ê hiaⁿ-tī á-.sī chí-mōe, i sū-si̍t siōng sī iáu koh seng-oa̍h tī o͘-àm tiong. | 註釋 串珠 盧俊義 康來昌 原文 典藏 |
2:10 | Thiàⁿ hiaⁿ-tī á-.sī chí-mōe ê lâng, sī tī kng-bêng tiong teh seng-oa̍h, bē tì-sú hō͘ lâng poa̍h-tó hoān chōe. | 註釋 串珠 盧俊義 康來昌 原文 典藏 |
2:11 | M̄ koh, oàn-hūn hiaⁿ-tī á-.sī chí-mōe ê lâng, sī oa̍h tī o͘-àm tiong; i tī o͘-àm tiong teh seng-oa̍h, m̄-chai kakī ê hong-hiòng, in-ūi chit-ê o͘-àm hō͘ i ê ba̍k-chiu chheⁿmê. | 註釋 串珠 盧俊義 康來昌 原文 典藏 |
2:12 | Góa ê sè-kiáⁿ, góa siá phoe hō͘ lín, in-ūi óa-khò Ki-tok ê miâ, lín ê chōe í-keng tit tio̍h sià-bián. | 註釋 串珠 盧俊義 康來昌 原文 典藏 |
2:13 | Hū-ló sī-tōa, góa siá phoe hō͘ lín, in-ūi lín jīn-bat tùi goân-khí-thâu to̍h chûn-chāi ê hit ūi. Siàu-liân lâng, góa siá phoe hō͘ lín, in-ūi lín í-keng iâⁿ-kòe hit-ê siâ-ok. Sè-kiáⁿ, góa siá phoe hō͘ lín, in-ūi lín jīn-bat Thiⁿ-pē. | 註釋 串珠 盧俊義 康來昌 原文 典藏 |
2:14 | Hū-ló sī-tōa, góa siá phoe hō͘ lín, in-ūi lín jīn-bat hit-ê tùi goân-khí-thâu to̍h chûn-chāi ê hit ūi. Chheng-liân lâng, góa siá phoe hō͘ lín, in-ūi lín ióng-kiāⁿ, mā ū Siōng-tè ê tō-lí tī lín sim-lāi, lín koh í-keng iâⁿ-kòe hit-ê siâ-ok. | 註釋 串珠 盧俊義 康來昌 原文 典藏 |
2:15 | Kéng-kò Sè-kanM̄-thang tham-loân sè-kan á-.sī sè-kan ê mi̍h; lâng nā thiàⁿ chit sè-kan, i chiū bô thiàⁿ Thiⁿ-pē. | 註釋 串珠 盧俊義 原文 典藏 |
2:16 | In-ūi it-chhè sio̍k sè-kan ê, chhin-chhiūⁿ jio̍k-thé ê chêng-io̍k, ba̍k-chiu ê io̍k-bōng kah sè-sio̍k ê kiau-ngō͘, lóng m̄-sī tùi Thiⁿ-pē lâi, sī tùi sè-kan lâi ê. | 註釋 串珠 盧俊義 原文 典藏 |
2:17 | Chit sè-kan kah sè-kan ê chêng-io̍k teh beh kòe-.khì, chóng-.sī, si̍t-hêng Siōng-tè chí-ì ê lâng éng-oán chûn-chāi. | 註釋 串珠 盧俊義 原文 典藏 |
2:18 | Ki-tok ê Tùi-te̍kSè-kiáⁿ, boa̍t-ji̍t teh beh kàu à! Lín ū thiaⁿ tio̍h Ki-tok ê tùi-te̍k teh beh lâi; chitmá í-keng ū chin chē Ki-tok ê tùi-te̍k chhut-hiān, in-ūi ánne, lán chai boa̍t-ji̍t teh beh kàu à. | 註釋 串珠 盧俊義 康來昌 原文 典藏 |
2:19 | Chiahê lâng si̍t-chāi m̄-sī lán ê lâng, só͘-í, tùi lán tiong-kan chhut-.khì; in Nā-sī sio̍k tī lán, chiū ē kè-sio̍k kah lán chò-hóe; in lī-khui lán, sī beh hián-bêng in lóng m̄-sī sio̍k tī lán. | 註釋 串珠 盧俊義 康來昌 原文 典藏 |
2:20 | Lín í-keng lóng ū tùi Ki-tok niá-siū Sèng Sîn, só͘-í, lín lóng bat chin-lí. | 註釋 串珠 盧俊義 康來昌 原文 典藏 |
2:21 | Góa siá phoe hō͘ lín, m̄-sī in-ūi lín m̄ bat chin-lí, sī in-ūi lín bat chin-lí, koh chai it-chhè ê pe̍h-chha̍t lóng m̄-sī tùi chin-lí lâi. | 註釋 串珠 盧俊義 康來昌 原文 典藏 |
2:22 | Án-ne, sī siáⁿ-mi̍h lâng teh kóng pe̍h-chha̍t? It-tēng sī hiahê kī-choa̍t I-é-su chò Ki-tok ê lâng. Kī-choa̍t Thiⁿ-pē kah Kiáⁿ ê to̍h-sī Ki-tok ê tùi-te̍k. | 註釋 串珠 盧俊義 康來昌 原文 典藏 |
2:23 | Kī-choa̍t Kiáⁿ ê lâng, bē chiap-la̍p Thiⁿ-pē; sêng-jīn Kiáⁿ ê lâng, mā ē sêng-jīn Thiⁿ-pē. | 註釋 串珠 盧俊義 康來昌 原文 典藏 |
2:24 | Lín tio̍h kian-siú tùi khí-thâu só͘ thiaⁿ-.tio̍h ê sìn-sit. Lín nā kian-siú tùi khí-thâu só͘ thiaⁿ ê sìn-sit, lín chiū ē kè-sio̍k oa̍h tī Kiáⁿ kah Thiⁿ-pē ê lāi-bīn. | 註釋 串珠 盧俊義 康來昌 原文 典藏 |
2:25 | Che to̍h-sī Ki-tok hō͘ lán ê èng-ín, sī éng-oán ê oa̍h-miā. | 註釋 串珠 盧俊義 康來昌 原文 典藏 |
2:26 | Góa siá chiahê tāichì hō͘ lín, sī teh chí hiahê siūⁿ beh bê-he̍k lín ê lâng. | 註釋 串珠 盧俊義 康來昌 原文 典藏 |
2:27 | Tùi lín lâi kóng, lín tùi Ki-tok niá-siū ê Sèng Sîn it-ti̍t lóng kah lín tông-chāi, só͘-í, m̄-bián lâng lâi kā lín kà-sī, in-ūi chit-ê Sèng Sîn ē kà-sī lín bān-hāng sū. I ê kà-sī sī chin-si̍t, m̄-sī pe̍h-chha̍t. Lín tio̍h chun-chiàu Sèng Sîn ê kà-sī, tio̍h kah Ki-tok kiat-liân lâi seng-oa̍h. | 註釋 串珠 盧俊義 康來昌 原文 典藏 |
2:28 | Taⁿ, sè-kiáⁿ, lín tio̍h kah Ki-tok kiat-liân lâi seng-oa̍h, ánne, tī Ki-tok chài-lîm ê sî ē-tàng hó-táⁿ, bē in-ūi I ê chài-lîm, kám-kak kiàn-siàu cháu-khì bih. | 註釋 串珠 盧俊義 康來昌 原文 典藏 |
2:29 | Lín nā chai Ki-tok sī kong-gī, mā tio̍h chai si̍t-hêng kong-gī ê lâng chiah sī Siōng-tè ê kiáⁿ-jî. | 註釋 串珠 盧俊義 康來昌 原文 典藏 |