| 章節 | 全民台語聖經全羅經文 | 註釋 |
| 20:1 | Po̍h chiú ē tì-kàu bú-bān, kāu chiú ē ín-khí soan-hoa; in-ūi chiú lâi chō-sêng chhò-gō͘ sī bô tì-hūi. | 註釋 串珠 康來昌 字典 原文 典藏 |
| 20:2 | Ông ê ui-hong chhin-chhiūⁿ sai hm̄-hm̄ háu, jiá i siū-khì ê lâng sī teh hāi kakī ê sèⁿ-miā. | 註釋 串珠 康來昌 字典 原文 典藏 |
| 20:3 | Lī-khui sio-cheⁿ ê lâng ū êng-kng, to̍k-to̍k gōng lâng ài oan-ke. | 註釋 串珠 康來昌 原文 典藏 |
| 20:4 | Pîn-tōaⁿ ê lâng tī kôaⁿ-thiⁿ ê sî bô beh chèng-choh, kàu siu-koah ê sî, i kiû-khit mā tit bô pòaⁿ-hāng. | 註釋 串珠 康來昌 字典 原文 典藏 |
| 20:5 | Lâng sim-lāi ê kè-bô͘ ná chhin-chhiūⁿ chhim ê chúi, chí ū bêng-lí ê lâng chiah ē-tàng kā i chhiû chhut-.lâi. | 註釋 串珠 康來昌 原文 典藏 |
| 20:6 | Kóng kakī jîn-chû ê lâng chin chē, m̄ koh, tiong-si̍t ê lâng chin oh tit tio̍h. | 註釋 串珠 康來昌 原文 典藏 |
| 20:7 | Chiàu chèng-ti̍t lâi kiâⁿ ê gī lâng, i ê kiáⁿ-sun ū hok-khì. | 註釋 串珠 康來昌 原文 典藏 |
| 20:8 | Ông chē tī sím-phòaⁿ ê ūi, ēng i ê ba̍k-chiu kàm-chhat só͘-ū ê pháiⁿ. | 註釋 串珠 康來昌 字典 原文 典藏 |
| 20:9 | Siáⁿ lâng ē-tàng kóng, " Góa í-keng chheng-khì góa ê sim, góa ê chōe í-keng sé-tû "? | 註釋 串珠 康來昌 原文 典藏 |
| 20:10 | Sú-iōng bô kāng ê chhìn-thûi á-.sī chin-táu, lóng sī Siōng-chú só͘ thó-ià. | 註釋 串珠 康來昌 字典 原文 典藏 |
| 20:11 | Liân gín'á ê hêng-ûi mā ē hián-bêng i ê pún-sèng, ē-tàng khòaⁿ-chhut i ê só͘ chò sī sèng-kiat á-.sī chèng-ti̍t. | 註釋 串珠 康來昌 原文 典藏 |
| 20:12 | Ē thiaⁿ ê hīⁿ-khang kah ē khòaⁿ ê ba̍k-chiu, chit nn̄g hāng lóng sī Siōng-chú só͘ chō. | 註釋 串珠 康來昌 原文 典藏 |
| 20:13 | M̄-thang tham-bîn, chiah bián tì-kàu sànchhiah; tio̍h thí-khui lí ê ba̍k-chiu, chiah ū kàu-gia̍h ê bí-niûⁿ. | 註釋 串珠 康來昌 字典 原文 典藏 |
| 20:14 | Bé mi̍h ê lâng hiâm kóng, " M̄-hó, m̄-hó! ", bé tńg-khì liáu-āu chiah kakī khoa-kháu kóng " Hó! ". | 註釋 串珠 康來昌 原文 典藏 |
| 20:15 | Sûi-jiân ū kim kah pó-chio̍h chin chē, chóng-.sī, ū tì-sek ê chhùi-tûn chiah sī kùi-khì ê tin-pó. | 註釋 串珠 康來昌 字典 原文 典藏 |
| 20:16 | Ūi chheⁿ-hūn lâng tam-pó, tio̍h the̍h hit lâng ê saⁿ lâi tí-ah; thè gōa-lâng chò pó-chèng, tio̍h kakī tam-tng chek-jīm. | 註釋 串珠 康來昌 字典 原文 典藏 |
| 20:17 | Ēng môa-phiàn tit tio̍h ê chia̍h-mi̍h, lâng lia̍h-chò sī chu-bī; chóng-.sī, āu-lâi i ē móa chhùi choân soa. | 註釋 串珠 康來昌 字典 原文 典藏 |
| 20:18 | Chham-siông ē hō͘ ta̍k hāng kè-ōe sêng-kong; nā beh kau-chiàn tio̍h ēng hó ê kè-chhek. | 註釋 串珠 康來昌 原文 典藏 |
| 20:19 | Sì-kè kóng lâng ê tn̂g-té ē lāu-sia̍p lâng ê pì-bi̍t; m̄ thang kau-kiat kāu-ōe ê lâng. | 註釋 串珠 康來昌 原文 典藏 |
| 20:20 | Chiù-chó͘ lāu-pē á-.sī lāu-bú ê lâng, i ê teng ē tī ke̍k o͘-àm ê tiong-kan hoa-khì. | 註釋 串珠 康來昌 字典 原文 典藏 |
| 20:21 | Khí-thâu chin kín tit tio̍h ê sán-gia̍p, kàu lō͘-bóe bô it-tēng sī i ê hok-khì. | 註釋 串珠 康來昌 原文 典藏 |
| 20:22 | Lí m̄ thang siūⁿ kóng, góa beh pò-èng pháiⁿ lâng; tio̍h thèng-hāu Siōng-chú, I ē kiù lí. | 註釋 串珠 康來昌 原文 典藏 |
| 20:23 | Chhìn-thûi bô sio-kāng sī Siōng-chú só͘ thó-ià, ké ê thian-phêng mā sī m̄-hó. | 註釋 串珠 康來昌 字典 原文 典藏 |
| 20:24 | Lâng ê kha-pō͘ sī Siōng-chú teh tiāⁿ tio̍h, lâng kám ē chai i kakī ê lō͘? | 註釋 串珠 康來昌 字典 原文 典藏 |
| 20:25 | Lâng sûi-piān kóng, " Che sī sèng-mi̍h ", hē goān liáu-āu chiah cha-mn̄g, che soah chiâⁿ-chò i kakī ê lô-bāng. | 註釋 串珠 康來昌 字典 原文 典藏 |
| 20:26 | Tì-hūi ê ông kā pháiⁿ lâng pòa tiāu, ēng chhia-lián kā i kauh kòe. | 註釋 串珠 康來昌 字典 原文 典藏 |
| 20:27 | Lâng ê sim-sîn sī Siōng-chú ê teng, kàm-chhat lâng ê sim-pak. | 註釋 串珠 康來昌 字典 原文 典藏 |
| 20:28 | Jîn-chû kah sìn-si̍t pó-choân kok-ông; i ê chō-ūi mā in-ūi jîn-chû lâi kian-kò͘. | 註釋 串珠 康來昌 字典 原文 典藏 |
| 20:29 | Ióng-kiāⁿ sī siàu-liân lâng ê êng-kng; pe̍h thâu-mn̂g to̍h-sī lāu lâng ê thé-biān. | 註釋 串珠 康來昌 原文 典藏 |
| 20:30 | Ēng piⁿ phah siong lâi tû-khì lâng ê chōe-ok; hit-ê siong ē ji̍p-khì lâng ê sim-pak. | 註釋 串珠 康來昌 原文 典藏 |