章節 | 全民台語聖經全羅經文 | 註釋 |
35:1 | Kiû Chō͘ ê Kî-tó( Ta-bi̍t ê si. ) Siōng-chú ah kah góa sio-cheⁿ ê lâng, kiû Lí kah in sio-cheⁿ! Kah góa kau-chiàn ê lâng, kiû Lí kah in kau-chiàn! | 註釋 串珠 康來昌 原文 典藏 |
35:2 | Kiû Lí the̍h tōa-sè ê tîn-pâi, lâi pang-chān góa. | 註釋 串珠 康來昌 字典 原文 典藏 |
35:3 | Ēng chhiuⁿ chó͘-tòng hiahê jiok góa ê lâng; kiû Lí tùi góa ê sîn-hûn kóng, " Góa sī kā lí chín-kiù ê hit ūi. " | 註釋 串珠 康來昌 字典 原文 典藏 |
35:4 | Goān hiahê siàu-siūⁿ góa ê sèⁿ-miā ê lâng siū lêng-jio̍k lâi kiàn-siàu! Goān hiahê kè-bô͘ hām-hāi góa ê lâng oa̍t tò tńg-khì lâi làu-khùi! | 註釋 串珠 康來昌 原文 典藏 |
35:5 | Goān in chhin-chhiūⁿ chho͘-khng hō͘ hong chhoe, ū Siōng-chú ê sù-chiá teh kóaⁿ in. | 註釋 串珠 康來昌 原文 典藏 |
35:6 | Goān in ê lō͘ àm koh ku̍t, ū Siōng-chú ê sù-chiá teh jiok in. | 註釋 串珠 康來昌 字典 原文 典藏 |
35:7 | In-ūi in bô-iân bô-kò͘ àm-tiong siat lô-bāng tī hām-kheⁿ lāi, ku̍t hām-kheⁿ beh hāi góa ê sèⁿ-miā. | 註釋 串珠 康來昌 字典 原文 典藏 |
35:8 | Goān Lí tī i bô phah-sǹg ê tiong-kan, kàng chai-hō kàu tī i ê sin chiūⁿ! Goān i àm-tiong Siat ê lô-bāng tîⁿ tio̍h i kakī, hō͘ i poa̍h lo̍h-khì hit lāi-bīn siū hāi! | 註釋 串珠 康來昌 字典 原文 典藏 |
35:9 | Án-ne, góa ê sim chiū ē in-ūi Siōng-chú lâi khoài-lo̍k, ē in-ūi tit tio̍h I ê kiù-un lâi hoaⁿ-hí. | 註釋 串珠 康來昌 原文 典藏 |
35:10 | Góa ê kut-thâu lóng beh kóng, Siōng-chú ah, siáⁿ lâng ē-tàng kah Lí pí-tit? Lí chín-kiù khùn-khó͘ ê lâng thoat-lī hiahê pí i khah kiông ê lâng, chín-kiù khùn-khó͘ kah sànchhiah ê lâng thoat-lī hiahê kā i chhiúⁿ-toa̍t ê lâng. | 註釋 串珠 康來昌 原文 典藏 |
35:11 | Hiong-ok ê kiàn-chèng-jîn khiā khí-.lâi, in cha-mn̄g góa m̄-chai ê tāichì. | 註釋 串珠 康來昌 原文 典藏 |
35:12 | In tùi góa ēng pháiⁿ pò hó, hō͘ góa ê sîn-hûn ko͘-toaⁿ bū-chō͘. | 註釋 串珠 康來昌 原文 典藏 |
35:13 | Nā-sī góa, tng in phòa-pēⁿ ê sî, góa chhēng môa-saⁿ lâi pi-siong, ēng kìm-chia̍h lâi khek-khó͘ góa ê sim-sîn, góa só͘ kiû ê lóng kui tī góa kakī ê sim-hoâi. | 註釋 串珠 康來昌 字典 原文 典藏 |
35:14 | Góa kā in tòng-chò sī góa ê pêng-iú, góa ê hiaⁿ-tī; góa chhin-chhiūⁿ lâng ūi tio̍h lāu-bú sí-khì lâi ai-siong. | 註釋 串珠 康來昌 原文 典藏 |
35:15 | Tng góa tú tio̍h hoān-lān ê sî, in chiū chū-chi̍p chò-hóe lâi hoaⁿ-hí; liân chheⁿ-hūn lâng mā chū-chi̍p lâi kong-kek góa, bô beh pàng góa soah. | 註釋 串珠 康來昌 原文 典藏 |
35:16 | In chhin-chhiūⁿ siáu-thiú-á kā góa hì-lāng, thí-chhiò, tùi góa kā chhùi-khí-kin. | 註釋 串珠 康來昌 原文 典藏 |
35:17 | Chú ah, Lí tiām-tiām teh khòaⁿ beh kàu gōa kú? Kiû Lí kiù góa ê sîn-hûn thoat-lī in ê chân-hāi! Kiù góa ê sèⁿ-miā thoat-lī hiong-béng ê sai-á-thûn! | 註釋 串珠 康來昌 字典 原文 典藏 |
35:18 | Góa beh tī tōa chū-hōe ê tiong-kan kám-siā Lí; tī chèng lâng ê tiong-kan beh oló Lí. | 註釋 串珠 康來昌 原文 典藏 |
35:19 | Kiû Lí m̄ thang iông-ín hiahê bô-iân bô-kò͘ tùi-te̍k góa ê lâng tùi góa khoa-kháu, m̄ thang iông-ín hiahê bô-iân bô-kò͘ oàn-hūn góa ê lâng kā góa gîn. | 註釋 串珠 康來昌 原文 典藏 |
35:20 | In-ūi in bô kóng hô-pêng ê ōe, tian-tò kè-bô͘ kúi-chà ê ōe lâi hām-hāi an-hūn siú-kí ê lâng. | 註釋 串珠 康來昌 原文 典藏 |
35:21 | In khui chhùi tōa-siaⁿ kong-kek góa, kóng, lí khòaⁿ! Goán ê ba̍k-chiu í-keng khòaⁿ tio̍h à. | 註釋 串珠 康來昌 原文 典藏 |
35:22 | Siōng-chú ah, Lí í-keng khòaⁿ-.tio̍h, kiû Lí m̄ thang tiām-tiām! Chú ah, kiû Lí m̄ thang lī-khui góa! | 註釋 串珠 康來昌 原文 典藏 |
35:23 | Góa ê Siōng-tè — góa ê Chú ah, kiû Lí cheng-sîn khí-.lâi, kiû Lí phòaⁿ-koat góa ê tāichì, pān-lí góa ê àn. | 註釋 串珠 康來昌 原文 典藏 |
35:24 | Siōng-chú — góa ê Siōng-tè ah, kiû Lí chiàu Lí ê kong-gī phòaⁿ-toàn góa; m̄ thang iông-ín in tùi góa khoa-kháu. | 註釋 串珠 康來昌 原文 典藏 |
35:25 | M̄-thang iông-ín in sim-lāi siūⁿ kóng, lí khòaⁿ, tāichì tú chiàu goán ê sim-goān à; m̄ thang iông-ín in kóng, goán í-keng kā i thun lo̍h-khì à. | 註釋 串珠 康來昌 原文 典藏 |
35:26 | Goān hiahê ài góa tú tio̍h hoān-lān ê lâng lóng kiàn-siàu làu-khùi! Goān hiahê tùi góa kiau-ngō͘ ê lâng sit-bōng lâi kiàn-siàu! | 註釋 串珠 康來昌 原文 典藏 |
35:27 | Goān hiahê ài góa tit tio̍h sin-oan ê lâng khoài-lo̍k, chhut hoaⁿ-hí ê siaⁿ! Goān in tiāⁿtiāⁿ kóng, Tio̍h chun Siōng-chú chò tōa, in-ūi I ì-ài I ê lô͘-po̍k pêng-an! | 註釋 串珠 康來昌 原文 典藏 |
35:28 | Góa ê chhùi-chi̍h beh soan-iông Lí ê gī, kui ji̍t lóng beh oló Lí. | 註釋 串珠 康來昌 原文 典藏 |