章節 | 全民台語聖經全羅經文 | 註釋 |
34:1 | Siōng-chàn Siōng-tè ê Bí-hó( Ta-bi̍t ê si; to̍h-sī i tī A-mí-me-le̍k ê bīn-chêng ké hong-tian, siū kóaⁿ chhut-.khì ê sî só͘ chò ê. )Góa beh sî-sî oló Siōng-chú; góa ê chhùi beh tiāⁿtiāⁿ oló I. | 註釋 串珠 康來昌 原文 典藏 |
34:2 | Góa ê sim-sîn beh in-ūi Siōng-chú lâi khoa-kháu; khiam-pi ê lâng thiaⁿ tio̍h mā ē hoaⁿ-hí. | 註釋 串珠 康來昌 原文 典藏 |
34:3 | Lín kah góa tio̍h oló Siōng-chú chò tōa, chò-hóe chun-chông I ê miâ. | 註釋 串珠 康來昌 原文 典藏 |
34:4 | Góa bat kiû Siōng-chú, I ū ìn góa, I kiù góa thoat-lī it-chhè ê kiaⁿ-hiâⁿ. | 註釋 串珠 康來昌 原文 典藏 |
34:5 | Gióng-bōng I ê lâng chiū tit tio̍h kng-bêng; in ê bīn éng-oán bē tì-kàu kiàn-siàu. | 註釋 串珠 康來昌 原文 典藏 |
34:6 | Khùn-khó͘ ê lâng kiû-kiò, Siōng-chú ū thiaⁿ-.tio̍h, koh kiù i thoat-lī só͘-ū ê hoān-lān. | 註釋 串珠 康來昌 原文 典藏 |
34:7 | Siōng-chú ê sù-chiá tī kèng-ùi I ê lâng ê sì-kho͘-ûi chat iâⁿ, lâi kā in chín-kiù. | 註釋 串珠 康來昌 原文 典藏 |
34:8 | Lín tio̍h chhì-khòaⁿ, chiū chai Siōng-chú sī hó; óa-khò I ê lâng chin ū hok-khì. | 註釋 串珠 康來昌 原文 典藏 |
34:9 | Siōng-chú sèng ê chú-bîn, lín tio̍h kèng-ùi I, in-ūi kèng-ùi I ê lâng bô khiàm-khoeh pòaⁿ-hāng. | 註釋 串珠 康來昌 原文 典藏 |
34:10 | Sai-á-thûn mā ē ū khiàm-khoeh, ē iau, to̍k-to̍k cháu-chhōe Siōng-chú ê lâng bô khiàm siáⁿ-mi̍h hó mi̍h. | 註釋 串珠 康來昌 原文 典藏 |
34:11 | Sè-kiáⁿ, lín tio̍h lâi thiaⁿ góa kóng, góa beh kā kèng-ùi Siōng-chú ê tō-lí kà-sī lín. | 註釋 串珠 康來昌 字典 原文 典藏 |
34:12 | Siáⁿ lâng ì-ài oa̍h-miā, him-bō͘ hòe-siū, ài beh tit tio̍h hok-khì, | 註釋 串珠 康來昌 原文 典藏 |
34:13 | Chiū tio̍h kìm lí ê chi̍h, bô kóng pháiⁿ ōe; kìm lí ê chhùi-tûn, bô kóng kan-chà ê ōe. | 註釋 串珠 康來昌 原文 典藏 |
34:14 | Tio̍h lī-khui pháiⁿ, chò hó sū, jia̍t-sim tui-kiû hô-pêng. | 註釋 串珠 康來昌 原文 典藏 |
34:15 | Siōng-chú ê ba̍k-chiu khòaⁿ-kò͘ gī lâng; I ê hīⁿ-khang thiaⁿ in ê kî-tó. | 註釋 串珠 康來昌 原文 典藏 |
34:16 | Siōng-chú ê bīn ǹg kiâⁿ pháiⁿ ê lâng, beh tùi sè-kan kā in ê miâ chhat-siau. | 註釋 串珠 康來昌 原文 典藏 |
34:17 | Siōng-chú thiaⁿ tio̍h gī lâng kiû-kiò, chiū kiù in thoat-lī it-chhè ê hoān-lān. | 註釋 串珠 康來昌 原文 典藏 |
34:18 | Siōng-chú chhin-kīn siong-sim ê lâng, chín-kiù sim-sîn thòng-hóe ê lâng. | 註釋 串珠 康來昌 原文 典藏 |
34:19 | Gī lâng ū chin chē khó͘-lān, chóng-.sī, Siōng-chú kiù in lóng thoat-lī hiahê khó͘-lān. | 註釋 串珠 康來昌 原文 典藏 |
34:20 | Siōng-chú pó-choân in só͘-ū ê kut, chi̍t ki mā bô phah-tn̄g. | 註釋 串珠 康來昌 原文 典藏 |
34:21 | Chōe-ok ē hāi-sí pháiⁿ lâng; oàn-hūn gī lâng ê ē siū tēng chōe. | 註釋 串珠 康來昌 原文 典藏 |
34:22 | Siōng-chú kiù-sio̍k I ê lô͘-po̍k ê sîn-hûn; óa-khò I ê lâng bô kah chi̍t-ê siū tēng chōe. | 註釋 串珠 康來昌 原文 典藏 |