章節 | 全民台語聖經全羅經文 | 註釋 |
32:1 | Jīn Chōe kah Kiû Sià( Ta-bi̍t ê kà-sī ê si. )Kòe-sit tit tio̍h sià-bián, chōe-kò tit tio̍h jia-khàm, chit khoán lâng ū hok-khì! | 註釋 串珠 康來昌 原文 典藏 |
32:2 | Siōng-chú bô sǹg i chò ū chōe, i ê sim bô kan-chà ê, chit khoán lâng ū hok-khì. | 註釋 串珠 康來昌 原文 典藏 |
32:3 | Góa tiām-tiām ê sî, góa ê kut-thâu ta-.khì; in-ūi góa kui ji̍t tōa-siaⁿ háu. | 註釋 串珠 康來昌 原文 典藏 |
32:4 | In-ūi mê-ji̍t Lí ê chhiú tāng-tāng chhi̍h góa; góa ê cheng-chúi piàn kah chhin-chhiūⁿ joa̍h-thiⁿ ê ta-sò. [Sè-la̍h] | 註釋 串珠 康來昌 原文 典藏 |
32:5 | Góa tùi Lí pâi-lia̍t góa ê chōe-kò, bô ún-môa góa ê chōe-ok; góa kóng, góa beh tùi Siōng-chú sêng-jīn góa ê kòe-sit; Lí chiū sià-bián góa hoān-hoat ê chōe. [Sè-la̍h] | 註釋 串珠 康來昌 原文 典藏 |
32:6 | In-ūi ánne, kiàn-nā khiân-sêng ê lâng, tī thang chhōe tio̍h Lí ê sî, tio̍h tùi Lí kî-tó. Tōa chúi hoàn-lām ê sî, it-tēng bē kàu i hia. | 註釋 串珠 康來昌 原文 典藏 |
32:7 | Lí sī góa siám-bih ê só͘-chāi; Lí ē pì-iū góa thoat-lī kan-khó͘, Lí ē ēng tit-kiù ê koa sì-bīn ûi góa. [Sè-la̍h] | 註釋 串珠 康來昌 原文 典藏 |
32:8 | Góa beh kà-sī lí, chí-sī lí eng-kai kiâⁿ ê lō͘; góa beh chù-ba̍k khòaⁿ lí, lâi khoàn-kài lí. | 註釋 串珠 康來昌 字典 原文 典藏 |
32:9 | M̄-thang chhin-chhiūⁿ bé, lô, in bô tì-sek; Tio̍h ēng chhùi lam kah bé le̍k-sek kā in iok-sok; nā bô, in chiū m̄ óa-kīn lí. | 註釋 串珠 康來昌 字典 原文 典藏 |
32:10 | Pháiⁿ lâng siū chin chē khó͘-lān; chí ū óa-khò Siōng-chú ê lâng ū chû-ài sì-bīn ûi i. | 註釋 串珠 康來昌 原文 典藏 |
32:11 | Lín gī lâng, tio̍h in-ūi Siōng-chú lâi hoaⁿ-hí khoài-lo̍k; sim chèng-ti̍t ê lâng, lín tio̍h chhut hoaⁿ-hí ê siaⁿ. | 註釋 串珠 康來昌 原文 典藏 |