| 章節 | 全民台語聖經全羅經文 | 註釋 |
| 31:1 | Sìn-gióng ê Kî-tó（ Ta-bi̍t ê si, kau hō͘ ga̍k-koaⁿ. ）Siōng-chú ah, góa óa-khò Lí, kiû Lí hō͘ góa éng-oán bô kiàn-siàu; chiàu Lí ê kong-gī chín-kiù góa. | 註釋 串珠 康來昌 原文 典藏 |
| 31:2 | Kiû Lí àⁿ hīⁿ-khang thiaⁿ góa, kóaⁿ-kín lâi chín-kiù góa! Chò góa kian-kò͘ ê chio̍h-pôaⁿ, chò chín-kiù góa ê siâⁿ-pó! | 註釋 串珠 康來昌 原文 典藏 |
| 31:3 | In-ūi Lí sī góa ê soaⁿ-giâm, góa ê soaⁿ-chē, kiû Lí chiàu Lí ê miâ lâi ín-chhōa góa, kā góa chí-sī. | 註釋 串珠 康來昌 原文 典藏 |
| 31:4 | Lâng àm-tiong tiuⁿ lô-bāng beh bāng góa, kiû Lí kiù góa thoat-lī, in-ūi Lí sī góa ê siâⁿ-pó. | 註釋 串珠 康來昌 原文 典藏 |
| 31:5 | Góa kā góa ê lêng-hûn kau tī Lí ê chhiú tiong; Siōng-chú — sìn-si̍t ê Siōng-tè ah, Lí ē lâi kiù-sio̍k góa. | 註釋 串珠 康來昌 字典 原文 典藏 |
| 31:6 | Góa oàn-hūn hiahê sìn-hōng ngó͘-siōng ê lâng, góa kantaⁿ óa-khò Siōng-chú. | 註釋 串珠 康來昌 原文 典藏 |
| 31:7 | Góa beh tùi Lí ê chû-ài lâi hoaⁿ-hí khoài-lo̍k; in-ūi Lí ū khòaⁿ tio̍h góa ê kan-khó͘, chai góa sim-sîn ê kan-lân. | 註釋 串珠 康來昌 原文 典藏 |
| 31:8 | Lí m̄ bat kā góa kau tī tùi-te̍k ê chhiú; Lí hō͘ góa ê kha khiā tī khui-khoah ê só͘-chāi. | 註釋 串珠 康來昌 原文 典藏 |
| 31:9 | Siōng-chú ah, góa tī hoān-lān tiong, kiû Lí liân-bín góa; góa ê ba̍k-chiu in-ūi iu-būn lâi phah-pháiⁿ, góa ê sim-sîn, góa ê seng-khu mā sī ánne. | 註釋 串珠 康來昌 原文 典藏 |
| 31:10 | Góa ê sèⁿ-miā in-ūi iu-khó͘ lâi siau-sit-.khì, góa ê nî-hòe ūi tio̍h iu-siong mā ánne; góa ê khùi-la̍t In-ūi góa ê chōe-ok lâi soe-lám, góa ê kut-thâu mā ko͘-tâ khì. | 註釋 串珠 康來昌 原文 典藏 |
| 31:11 | Só͘-ū ê tùi-te̍k lóng kā góa lêng-jio̍k, tī góa ê chhù-piⁿ tau koh khah siong-tiōng; hiahê bat góa ê lâng lóng kiaⁿ góa, tī gōa-bīn khòaⁿ tio̍h góa ê lâng lóng cháu-siám lī-khui góa. | 註釋 串珠 康來昌 原文 典藏 |
| 31:12 | Góa chhin-chhiūⁿ sí-lâng hō͘ lâng bē kì-.tit, bô lâng siàu-liām góa; góa chhin-chhiūⁿ phòa-chhùi ê khì-kū hō͘ lâng hiat-ka̍k. | 註釋 串珠 康來昌 原文 典藏 |
| 31:13 | Góa thiaⁿ tio̍h chin chē lâng ê húi-pòng, sì-kho͘-ûi lóng chhiong-móa kiaⁿ-hiâⁿ; in chò-hóe chham-siông beh kong-kek góa, kè-bô͘ beh hāi góa ê sèⁿ-miā. | 註釋 串珠 康來昌 原文 典藏 |
| 31:14 | Siōng-chú ah, góa iû-goân beh óa-khò Lí; góa kóng, Lí sī góa ê Siōng-tè. | 註釋 串珠 康來昌 原文 典藏 |
| 31:15 | Góa ê sèⁿ-miā tī Lí ê chhiú tiong; kiû Lí kiù góa thoat-lī góa ê tùi-te̍k kah pek-hāi góa ê lâng ê chhiú. | 註釋 串珠 康來昌 原文 典藏 |
| 31:16 | Kiû Lí ēng Lí ê bīn ê kng chiò Lí ê lô͘-po̍k, chiàu Lí ê chû-ài chín-kiù góa. | 註釋 串珠 康來昌 原文 典藏 |
| 31:17 | Siōng-chú ah, kiû Lí hō͘ góa bē ū kiàn-siàu, in-ūi góa ū kiû-kiò Lí; kiû Lí hō͘ pháiⁿ lâng kiàn-siàu; hō͘ in tī im-kan bô ōe thang kóng. | 註釋 串珠 康來昌 原文 典藏 |
| 31:18 | Goān Lí hō͘ hiahê pe̍h-chha̍t ê chhùi pìⁿ é-káu, bē tàng koh kiau-ngō͘ khòaⁿ-khin, lāmsám bú-bān gī lâng. | 註釋 串珠 康來昌 原文 典藏 |
| 31:19 | Kèng-ùi Lí ê lâng, Lí ūi tio̍h in só͘ chek-chū ê un-hūi ná ē hiah chē; ūi tio̍h óa-khò Lí ê lâng, Lí tī sè-kan lâng ê bīn-chêng só͘ si-hêng ê un-hūi ná ē hiah tōa! | 註釋 串珠 康來昌 原文 典藏 |
| 31:20 | Lí kā in khǹg tī Lí ê bīn-chêng ún-ba̍t ê só͘-chāi, bián-tit tú tio̍h lâng ê kè-bô͘; Lí àm-tiong tī tiùⁿ-ûi lāi kā in pó-siú, chiah bián hō͘ in siū chhùi-chi̍h ê tiòng-siong. | 註釋 串珠 康來昌 原文 典藏 |
| 31:21 | Siōng-chú sī eng-kai oló ê, in-ūi I tī kian-kò͘ ê siâⁿ tùi góa si-chhut I kî-biāu ê chû-ài. | 註釋 串珠 康來昌 字典 原文 典藏 |
| 31:22 | Góa bat tio̍h-kip kóng, góa hō͘ Lí tùi Lí ê ba̍k-chiu khì-sak. Chóng-.sī, góa kiû-kiò Lí ê sî, Lí iû-goân thiaⁿ góa khún-kiû ê siaⁿ. | 註釋 串珠 康來昌 原文 典藏 |
| 31:23 | Siōng-chú sèng ê chú-bîn, lín lóng tio̍h thiàⁿ I. Siōng-chú ē pó-siú sêng-si̍t ê lâng, tāng-tāng pò-èng kiau-ngō͘ ê lâng. | 註釋 串珠 康來昌 原文 典藏 |
| 31:24 | Kiàn-nā gióng-bōng Siōng-chú ê lâng, lín tio̍h chòng-táⁿ, lín ê sim tio̍h kian-kò͘! | 註釋 串珠 康來昌 原文 典藏 |