章節 | 全民台語聖經全羅經文 | 註釋 |
21:1 | Ko-siōng Sèng-lī( Ta-bi̍t ê si; kau hō͘ ga̍k-koaⁿ. )Siōng-chú ah, ông ē in-ūi Lí ê khùi-la̍t lâi hoaⁿ-hí, in-ūi Lí ê chín-kiù, i hui-siông khoài-lo̍k! | 註釋 串珠 康來昌 原文 典藏 |
21:2 | I ê sim só͘ ì-ài ê, Lí í-keng hō͘ i; i ê chhùi só͘ kiû ê, Lí lóng ū tap-èng. [Sè-la̍h] | 註釋 串珠 康來昌 原文 典藏 |
21:3 | In-ūi Lí ēng tōa hok-khì kā i gêng-chiap, ēng sûn-kim ê bián-liû tì tī i ê thâu-khak. | 註釋 串珠 康來昌 原文 典藏 |
21:4 | I tùi Lí kiû oa̍h-miā, Lí chiū hō͘ i; to̍h-sī tn̂g hòe-siū kàu tī éng-oán. | 註釋 串珠 康來昌 字典 原文 典藏 |
21:5 | I in-ūi Lí ê chín-kiù, hō͘ i ū tōa êng-kng; Lí koh kā chun-kùi ui-giâm siúⁿ-sù hō͘ i. | 註釋 串珠 康來昌 原文 典藏 |
21:6 | Lí hō͘ i ū tōa hok-khì kàu tī éng-oán, koh hō͘ i tī Lí ê bīn-chêng hoaⁿ-hí khoài-lo̍k. | 註釋 串珠 康來昌 原文 典藏 |
21:7 | In-ūi ông óa-khò Siōng-chú, koh ū Chì-koân-.ê ê chû-ài ē hō͘ i ê ông-ūi bē iô-tāng. | 註釋 串珠 康來昌 原文 典藏 |
21:8 | Lí ê chhiú ē lia̍h tio̍h só͘-ū ê tùi-te̍k; Lí ê chiàⁿ chhiú ē lia̍h tio̍h hiahê oàn-hūn Lí ê lâng. | 註釋 串珠 康來昌 原文 典藏 |
21:9 | Lí siū-khì ê sî, ē hō͘ in chhin-chhiūⁿ tī iām-joa̍h ê hóe-lô͘. Siōng-chú ē tī I ê tōa siū-khì tiong kā in thun-bia̍t; hóe ē kā in sio-sio-.khì. | 註釋 串珠 康來昌 原文 典藏 |
21:10 | Lí ē tùi tē-chiūⁿ kā in ê kiáⁿ-sun châu-bia̍t; tùi lâng ê tiong-kan kā in ê āu-tāi châu-bia̍t. | 註釋 串珠 康來昌 字典 原文 典藏 |
21:11 | In-ūi in kè-bô͘ beh hām-hāi Lí, chóng-.sī, bē sêng-kong. | 註釋 串珠 康來昌 原文 典藏 |
21:12 | Lí ē hō͘ in oa̍t tńg-sin tô-cháu, Lí ē khui kiong siā in ê bīn. | 註釋 串珠 康來昌 原文 典藏 |
21:13 | Siōng-chú ah, goān Lí tùi Lí ê khùi-la̍t khí-.lâi! Goán beh gîm-si oló Lí ê tōa koân-lêng. | 註釋 串珠 康來昌 字典 原文 典藏 |