章節 | 全民台語聖經全羅經文 | 註釋 |
17:1 | Bû-ko͘ ê Lâng ê Kî-tó( Ta-bi̍t ê kî-tó. )Siōng-chú ah, kiû Lí thiaⁿ kong-gī ê sò͘-kiû, kiû Lí liû-sim thiaⁿ góa ê kiû-kiò; góa ê kî-tó m̄-sī tùi kan-chà ê chhùi-tûn hoat-chhut, kiû Lí àⁿ hīⁿ-khang lâi thiaⁿ. | 註釋 串珠 康來昌 原文 典藏 |
17:2 | Goān góa ê soan-phòaⁿ tùi Lí ê bīn-chêng hoat-chhut, goān Lí ê ba̍k-chiu kàm-chhat chèng-ti̍t. | 註釋 串珠 康來昌 原文 典藏 |
17:3 | Lí ū khó-giām góa ê sim, Lí tī àm-sî kàm-chhat góa; Lí toàn-liān góa, bô chhōe tio̍h siáⁿ-mi̍h pháiⁿ; góa li̍p-chì bô beh hō͘ góa ê chhùi ū kòe-sit. | 註釋 串珠 康來昌 原文 典藏 |
17:4 | Góa chun-thàn Lí só͘ kóng ê ōe, bô chhin-chhiūⁿ pa̍t lâng ê kiâⁿ-ta̍h; góa kakī kín-sīn, bô kiâⁿ kiông-pō ê lâng ê lō͘. | 註釋 串珠 康來昌 字典 原文 典藏 |
17:5 | Góa ê kha tiāⁿtiāⁿ kiâⁿ Lí ê lō͘, góa ê kha m̄ bat ta̍h chhū khì. | 註釋 串珠 康來昌 字典 原文 典藏 |
17:6 | Siōng-tè ah, góa kiû-kiò Lí, in-ūi Lí ē ìn góa; kiû Lí àⁿ hīⁿ-khang lâi thiaⁿ góa ê kî-tó. | 註釋 串珠 康來昌 原文 典藏 |
17:7 | Kiû Lí hián-bêng Lí ta̍k chióng ê jîn-chû, Lí ēng chiàⁿ chhiú kiù óa-khò Lí ê lâng thoat-lī in ê tùi-te̍k. | 註釋 串珠 康來昌 原文 典藏 |
17:8 | Kiû Lí pó-hō͘ góa chhin-chhiūⁿ teh pó-hō͘ ba̍k-chiu-jîn, kiû Lí kā góa khàm ba̍t tī Lí ê si̍t-ē. | 註釋 串珠 康來昌 原文 典藏 |
17:9 | Kiû Lí hō͘ góa thoat-lī hiahê chhiúⁿ-kiap góa ê pháiⁿ lâng, to̍h-sī ûi-khùn góa beh lâi hāi góa sèⁿ-miā ê tùi-te̍k. | 註釋 串珠 康來昌 原文 典藏 |
17:10 | In lóng bô liân-bín ê sim; in ê chhùi kóng kiau-ngō͘ ê ōe. | 註釋 串珠 康來昌 原文 典藏 |
17:11 | In chitmá ûi-khùn goán ê kha-pō͘; in chù-ba̍k beh kā goán siak-tó tī tē-.ni̍h. | 註釋 串珠 康來昌 原文 典藏 |
17:12 | In chhin-chhiūⁿ sai teh siàu-siūⁿ beh kā mi̍h, koh chhin-chhiūⁿ béng sai bih tī àm-ba̍t ê só͘-chāi teh tng-tán. | 註釋 串珠 康來昌 字典 原文 典藏 |
17:13 | Siōng-chú ah, kiû Lí khí-lâi tí-tòng tùi-te̍k, kā i phah-tó; ēng Lí ê to kiù góa ê sèⁿ-miā thoat-lī pháiⁿ lâng. | 註釋 串珠 康來昌 字典 原文 典藏 |
17:14 | Siōng-chú ah, ēng Lí ê chhiú kiù góa thoat-lī sè-kan lâng, thoat-lī hiahê tī kim-sè ū hok-hūn ê sè-kan lâng. Lí kā Lí ê châi-pó chhiong-móa in ê pak-tó͘, in ū kiáⁿ-jî kàu sim-móa ì-chiok, koh kā kî-tha ê châi-bu̍t lâu hō͘ in ê kiáⁿ-sun. | 註釋 串珠 康來昌 原文 典藏 |
17:15 | Nā-sī góa, góa ē tī gī ê tiong-kan khòaⁿ tio̍h Lí ê bīn; góa khùn-chhéⁿ ê sî, khòaⁿ tio̍h Lí ê tông-chāi chiū sim-móa ì-chiok. | 註釋 串珠 康來昌 原文 典藏 |