章節 | 全民台語聖經全羅經文 | 註釋 |
8:1 | Siōng-chú ê Êng-iāu kah Jîn-bîn ê Chun-giâm( Ta-bi̍t ê si, kau hō͘ ga̍k-koaⁿ; ēng Gat ê ga̍k-khì ) Siōng-chú — goán ê Chú ah, Lí ê miâ tī choân tē kàu chiah koân-tōa! Lí kā Lí ê êng-kng pâi-siat tī thiⁿ-.ni̍h. | 註釋 串珠 康來昌 原文 典藏 |
8:2 | Lí in-ūi Lí ê tùi-te̍k ê iân-kò͘, tùi eⁿ-á kah chia̍h leng-.ê ê chhùi kiàn-li̍p lêng-le̍k, beh hō͘ tùi-te̍k kah pò-oan ê tiām-tiām. | 註釋 串珠 康來昌 原文 典藏 |
8:3 | Góa khòaⁿ tio̍h Lí ê chhiú só͘ chhòng-chō ê thiⁿ kah Lí só͘ pâi-lia̍t ê goe̍h-niû, chheⁿ-sîn. | 註釋 串珠 康來昌 原文 典藏 |
8:4 | Sè-kan lâng sǹg sī siáⁿ-mi̍h, Lí teh siàu-liām i? Lâng ê kiáⁿ sǹg sī siáⁿ-mi̍h, Lí teh chiàu-kò͘ i? | 註釋 串珠 康來昌 原文 典藏 |
8:5 | Lí hō͘ i pí thiⁿ-sài ( Chù, goân-bûn sī " Siōng-tè ", goân e̍k-pún e̍k-chò " Thiⁿ-sài ") sió-khóa khah su, koh siúⁿ-sù êng-kng chun-kùi hō͘ i chò bián-liû. | 註釋 串珠 康來昌 原文 典藏 |
8:6 | Lí siat-li̍p i lâi koán-lí Lí só͘ chhòng-chō ê, kā bān-mi̍h hē tī i ê kha chêng; | 註釋 串珠 康來昌 字典 原文 典藏 |
8:7 | Chiū-sī só͘-ū ê iûⁿ kah gû, soaⁿ-iá ê cháu-siù, | 註釋 串珠 康來昌 原文 典藏 |
8:8 | Thiⁿ-tiong ê chiáu, hái-.ni̍h ê hî, í-ki̍p hái-.ni̍h só͘-ū ê oa̍h-mi̍h, lóng hō͘ i koán-lí. | 註釋 串珠 康來昌 字典 原文 典藏 |
8:9 | Siōng-chú — goán ê Chú ah, Lí ê miâ tī choân tē kàu hiah koân-tōa! | 註釋 串珠 康來昌 字典 原文 典藏 |