章節 | 全民台語聖經全羅經文 | 註釋 |
7:1 | Kî-kiû Chèng-gī( Ta-bi̍t chí Biān-iá-mín lâng Kú-si̍t ê ōe, ǹg Siōng-chú chhiùⁿ koa; tiāu ēng Si-ga-ióng)( Chù, tan-sò͘ hêng, Ha-bá-kok su 3:1 ê Si-gi-io-nah sī ho̍k-sò͘ hêng ) Siōng-chú — góa ê Siōng-tè ah, góa óa-khò Lí; kiû Lí kiù góa thoat-lī só͘-ū jiok góa ê lâng, kiù góa chhut-.lâi. | 註釋 串珠 康來昌 原文 典藏 |
7:2 | Khióng-kiaⁿ i ē chhin-chhiūⁿ sai kā góa thiah-li̍h, thiah kàu chhùi-chhùi mā bô lâng lâi chín-kiù góa. | 註釋 串珠 康來昌 原文 典藏 |
7:3 | Siōng-chú — góa ê Siōng-tè ah, góa ê chhiú nā ū chōe-ok, | 註釋 串珠 康來昌 字典 原文 典藏 |
7:4 | Góa nā ēng pháiⁿ pò-tap kah góa hô-hó ê lâng, á-.sī hiahê bô-iân bô-kò͘ kah góa chò tùi-te̍k ê lâng, | 註釋 串珠 康來昌 原文 典藏 |
7:5 | Chiū chhut-chāi tùi-te̍k lâi jiok góa, ti̍t-kàu kā góa lia̍h tio̍h, kā góa ê sèⁿ-miā ta̍h tī thô͘-kha, kā góa ê êng-kng hē tī thô͘-soa hún. [Sè-la̍h] | 註釋 串珠 康來昌 原文 典藏 |
7:6 | Siōng-chú ah, kiû Lí tī Lí ê siū-khì tiong khí-.lâi, khiā khí-lâi tí-tòng góa ê tùi-te̍k ê tōa siū-khì; kiû Lí ūi tio̍h góa chhéⁿ khí-.lâi, chiàu Lí só͘ tiāⁿ tio̍h ê lâi sím-phòaⁿ. | 註釋 串珠 康來昌 原文 典藏 |
7:7 | Goān lia̍t pang ē chū-chi̍p tī Lí sì-kho͘-ûi! Goān Lí koh chē tī koân ūi lâi kā in thóng-tī! | 註釋 串珠 康來昌 原文 典藏 |
7:8 | Goān Siōng-chú sím-phòaⁿ jîn-bîn. Siōng-chú ah, kiû Lí chiàu góa ê gī kah góa sim-lāi ê chèng-ti̍t lâi phòaⁿ-toàn góa. | 註釋 串珠 康來昌 原文 典藏 |
7:9 | Goān pháiⁿ lâng ê pháiⁿ kàu chia to̍h soah, hō͘ gī lâng khiā chāi; in-ūi kong-gī ê Siōng-tè kàm-chhat lâng ê sim-tn̂g. | 註釋 串珠 康來昌 原文 典藏 |
7:10 | Siōng-tè sī góa ê tîn-pâi, I chín-kiù sim-lāi chèng-ti̍t ê lâng. | 註釋 串珠 康來昌 原文 典藏 |
7:11 | Siōng-tè sī kong-gī ê sím-phòaⁿ-koaⁿ, I ta̍k ji̍t tùi put-gī hoat-chhut siū-khì. | 註釋 串珠 康來昌 字典 原文 典藏 |
7:12 | Lâng nā m̄ hóe-kái, I ē bôa I ê to, I ū giú khui I ê kiong chún-pī piān-piān. | 註釋 串珠 康來昌 原文 典藏 |
7:13 | I ū chún-pī ē hō͘ lâng sí ê ke-si, I só͘ siā ê chìⁿ sī hóe ê chìⁿ. | 註釋 串珠 康來昌 字典 原文 典藏 |
7:14 | Lí khòaⁿ, pháiⁿ lâng tô͘-bô͘ siâ-ok, hoâi-īn to̍k-hāi, seⁿ-chhut hi-ké. | 註釋 串珠 康來昌 字典 原文 典藏 |
7:15 | I khui khut, ku̍t hō͘ i chhim, i kèng-jiân poa̍h-lo̍h tī kakī só͘ khui ê hām-kheⁿ. | 註釋 串珠 康來昌 原文 典藏 |
7:16 | I ê to̍k-hāi ē tò tńg-khì kàu i ê thâu-khak; i ê kiông-pō ē lo̍h tī kakī ê thâu-khak téng. | 註釋 串珠 康來昌 字典 原文 典藏 |
7:17 | Góa beh chiàu Siōng-chú ê kong-gī kám-siā I, koh oló chì-koân Siōng-chú ê miâ. | 註釋 串珠 康來昌 原文 典藏 |