章節 | 全民台語聖經全羅經文 | 註釋 |
4:1 | Boán-tó Kiû Chō͘( Ta-bi̍t ê si, kau hō͘ ga̍k-koaⁿ, ēng si-hiân ê ga̍k-khì ) Ūi góa ê gī teh piān-hō͘ ê Siōng-tè ah, góa kiû-kiò ê sî, kiû Lí ìn góa! Góa tī khùn-khó͘ ê tiong-kan, Lí ū lâi kā góa tháu-pàng; taⁿ kiû Lí liân-bín góa, thiaⁿ góa ê kî-tó! | 註釋 串珠 康來昌 原文 典藏 |
4:2 | Lín chiahê lâng, beh kā góa ê êng-kng piàn-chò lêng-jio̍k kàu tang-sî? Lín ì-ài khang-hi, chhiau-chhōe hi-ké, beh kàu tang-sî? [Sè-la̍h] | 註釋 串珠 康來昌 原文 典藏 |
4:3 | Lín tio̍h chai Siōng-chú í-keng hun-pia̍t kèng-khiân ê lâng lâi kui-sio̍k I. Góa kiû-kiò Siōng-chú, I ē thiaⁿ góa. | C註釋 註釋 串珠 康來昌 原文 典藏 |
4:4 | Lín tio̍h kiaⁿ-hiâⁿ, m̄ thang hoān chōe; tó tī bîn-chhn̂g ê sî, sim tio̍h sàm-su, mā tio̍h siok-chēng. [Sè-la̍h] | 註釋 串珠 康來昌 原文 典藏 |
4:5 | Tio̍h hiàn gī ê chè, mā tio̍h óa-khò Siōng-chú. | 註釋 串珠 康來昌 字典 原文 典藏 |
4:6 | Chin chē lâng teh kóng, siáⁿ lâng ē chí-sī goán siáⁿ-mi̍h hó-chhù? Siōng-chú ah, kiû Lí ēng Lí bīn ê kng lâi chiò goán. | C註釋 註釋 串珠 康來昌 原文 典藏 |
4:7 | Lí hō͘ góa sim-lāi ū hoaⁿ-hí, iâⁿ-kòe lâng tit tio̍h chin chē ngó͘-kok kah sin chiú ê hoaⁿ-hí. | 註釋 串珠 康來昌 原文 典藏 |
4:8 | Góa ē an-jiân tó teh khùn, in-ūi chí ū Siōng-chú — Lí hō͘ góa an-ún seng-oa̍h. | 註釋 串珠 康來昌 字典 原文 典藏 |