章節 | 全民台語聖經全羅經文 | 註釋 |
7:1 | Sèng-tiān ê Hōng-hiàn Lé-gî( LOS 8: 62-66)Só͘-lô-móng kî-tó liáu-āu, chiū ū hóe tùi thiⁿ kàng lo̍h-.lâi, choân-pō͘ sio sio-chè kah pa̍t chióng ê chè. Siōng-chú ê êng-kng chhiong-móa tiān, | 註釋 串珠 原文 典藏 |
7:2 | in-ūi Siōng-chú ê êng-kng chhiong-móa Siōng-chú ê tiān, só͘-í, chè-si bē tàng ji̍p-khì Siōng-chú ê tiān. | 註釋 串珠 原文 典藏 |
7:3 | Hitê hóe kàng lo̍h-.lâi, koh ū Siōng-chú ê êng-kng tī tiān-.ni̍h ê sî, I-su-la-el jîn-bîn khòaⁿ-.tio̍h, chiū tī pho͘ chio̍h ê só͘-chāi, phak lo̍h tē kèng-pài, kám-siā Siōng-chú, kóng, " In-ūi I sī hó, I ê chû-ài éng-oán tī-.leh! " | 註釋 串珠 字典 原文 典藏 |
7:4 | Ông kah chèng lâng tī Siōng-chú ê bīn-chêng hiàn chè. | 註釋 串珠 原文 典藏 |
7:5 | Só͘-lô-móng ông ēng gû nn̄g-bān nn̄g-chheng chiah kah iûⁿ cha̍p-jī bān chiah lâi hiàn chè, ông kah chèng lâng ánne ūi tio̍h Siōng-chú ê tiān kiâⁿ hiàn-tiān ê lé. | 註釋 串珠 字典 原文 典藏 |
7:6 | Chè-si chiàu i ê chit teh khiā, Lē-bī lâng mā the̍h Siōng-chú ê ga̍k-khì, to̍h-sī chêng Ta-bi̍t ēng Lē-bī lâng oló ê sî, Ta-bi̍t ông thiau-tî chō lâi kám-siā Siōng-chú ê, ( in-ūi I ê chû-ài éng-oán tī-.leh! ) chè-si tī in ê bīn-chêng pûn sàu-kak, I-su-la-el lâng lóng khiā-.leh. | 註釋 串珠 字典 原文 典藏 |
7:7 | Só͘-lô-móng mā kā Siōng-chú tiān chêng īⁿ tiong hun-pia̍t chò sèng, tī hia hiàn sio-chè kah siā-un-chè ê iû, in-ūi Só͘-lô-móng só͘ bat chō ê tâng-tôaⁿ bô kàu-gia̍h iông-ín hiahê sio-chè, sò͘-chè kah iû-lâ. | 註釋 串珠 字典 原文 典藏 |
7:8 | Hit sî, Só͘-lô-móng siú cheh-kî chhit ji̍t, I-su-la-el jîn-bîn tùi Ha-mat ê lō͘-kháu kàu Ai-gi̍p ê khe, lóng lâi kah i chò-hóe siú cheh, chiâⁿ-chò tōa ê chū-hōe. | 註釋 串珠 原文 典藏 |
7:9 | Kàu tē-peh ji̍t, in chiū siat giâm-siok-hōe, in-ūi in siú hiàn tôaⁿ ê lé chhit ji̍t, koh siú cheh chhit ji̍t. | 註釋 串珠 字典 原文 典藏 |
7:10 | Chhit goe̍h jī-cha̍p saⁿ ji̍t, ông chhe jîn-bîn tńg-khì in ê pò͘-pêⁿ, ta̍k-ê lâng hoaⁿ-hí, sim khoài-lo̍k, sī in-ūi Siōng-chú só͘ siúⁿ-sù hō͘ Ta-bi̍t, Só͘-lô-móng kah I ê chú-bîn — I-su-la-el lâng ê un-hūi. | 註釋 串珠 原文 典藏 |
7:11 | Siōng-tè koh Hiòng Só͘-lô-móng Hián-hiān( LOS 9: 1-9)Chiū ánne, Só͘-lô-móng khí Siōng-chú ê tiān kah ông-kiong oân-kang; tī Siōng-chú ê tiān kah ông-kiong, kiàn-nā Só͘-lô-móng sim-lāi só͘ ài chò ê, lóng chò-kàu sêng-kong. | 註釋 串珠 字典 原文 典藏 |
7:12 | Àm-sî, Siōng-chú chhut-hiān tī Só͘-lô-móng ê bāng tiong, kā i kóng, " Góa í-keng thiaⁿ tio̍h lí ê kî-tó, mā kéng chit só͘-chāi chò kā Góa hiàn chè ê tiān. | 註釋 串珠 原文 典藏 |
7:13 | Góa nā koaiⁿ-ba̍t thiⁿ, tì-sú bô lo̍h hō͘, á-.sī bēng-lēng chháu-meh chia̍h i ê lông-sán-bu̍t, á-.sī hō͘ un-e̍k liû-hêng tī Góa ê jîn-bîn tiong-kan, | 註釋 串珠 字典 原文 典藏 |
7:14 | Góa ê jîn-bîn ēng Góa ê miâ lâi chheng ê, nā kakī khiam-pi kî-tó, kiû kìⁿ Góa ê bīn, oa̍t-tńg lī-khui in ê pháiⁿ lō͘, Góa ē tùi thiⁿ thiaⁿ in ê kî-tó, sià-bián in ê chōe, i-tī in ê tē. | 註釋 串珠 字典 原文 典藏 |
7:15 | Góa ē ēng ba̍k-chiu khòaⁿ, ēng hīⁿ-khang thiaⁿ tī chit só͘-chāi só͘ hiàn ê kî-tó. | 註釋 串珠 原文 典藏 |
7:16 | In-ūi Góa taⁿ í-keng kéng chit keng tiān, kā i hun-pia̍t chò sèng, hō͘ Góa ê miâ éng-oán tī hia, Góa ê ba̍k-chiu kah Góa ê sim mā ē kú-tn̂g tī hia. | 註釋 串珠 原文 典藏 |
7:17 | Kóng tio̍h lí nā kiâⁿ tī Góa ê bīn-chêng, chhin-chhiūⁿ lí ê lāu-pē Ta-bi̍t só͘ kiâⁿ ê, chun-thàn Góa it-chhè só͘ bēng-lēng lí ê, chip-siú Góa ê lu̍t-lē kah Góa ê hoat-tō͘, | 註釋 串珠 原文 典藏 |
7:18 | Góa chiū ē kian-kò͘ lí ê kok-ūi, chhin-chhiūⁿ Góa kah lí ê lāu-pē — Ta-bi̍t li̍p ê iok, kóng, ' Lí ê kiáⁿ-sun beh koán-lí I-su-la-el, éng-oán bô tn̄g. ' | 註釋 串珠 字典 原文 典藏 |
7:19 | " Lín nā oa̍t-tńg- âi khì-sak Góa ê lu̍t-lē kah Góa ê kài-bēng, to̍h-sī Góa hē tī lín ê bīn-chêng ê, khì ho̍k-sāi pa̍t-ê sîn-bêng lâi kā i kèng-pài, | 註釋 串珠 原文 典藏 |
7:20 | Góa chiū beh tùi Góa siúⁿ-sù hō͘ in ê tē poe̍h in ê kin, jî-chhiáⁿ Góa ūi kakī ê miâ só͘ hun-pia̍t chò sèng ê chit keng tiān, mā beh tùi Góa ê bīn-chêng kā i khì-sak, hō͘ i tī bān-kok tiong chiâⁿ-chò ōe-pèⁿ lâi siū khau-sé. | 註釋 串珠 原文 典藏 |
7:21 | " Chit keng tiān sûi-jiân chin koân, chiong-lâi keng-kòe ê lâng ē tio̍h-kiaⁿ kah gāng-.khì, kóng, ' Siōng-chú ná ē ánne khoán-thāi chit-ê tē, chit keng tiān? ' | 註釋 串珠 原文 典藏 |
7:22 | Chiū ē ìn kóng, ' Sī in-ūi in khì-sak Siōng-chú — in chó͘-sian ê Siōng-tè, to̍h-sī chhōa in chhut Ai-gi̍p tē ê, khì kiat-liân pa̍t-ê sîn-bêng, ho̍k-sāi kèng-pài in, só͘-í, Siōng-chú hō͘ che it-chhè ê chai-hō lîm-kàu in. '" | 註釋 串珠 原文 典藏 |