列王紀下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
8:1 書念ê Cha-bó͘人Tńg來
有一个chabó͘人，以利沙bat hō͘她ê kiáⁿ koh活ê，mā bat kā她講：「起來！你kah你ê全家去tòa你所thang tòa ê所在，因為上主命令飢荒臨到，ē tī chitê所在七年。」
8:2 chabó͘人to̍h起來，照上帝ê奴僕ê話去行，她kah她ê家to̍h去腓利士人ê地，tī hia tòa七年。
8:3 七年滿，hitê chabó͘人tùi腓利士地tńg來，to̍h出去，beh為kakī ê厝宅kah田園求叫王。
8:4 Hit時，王kah上帝ê奴僕ê差用基哈西講話，講：「請你kā以利沙所行一切ê大事kā我講。」
8:5 基哈西teh kā王講以利沙án怎hō͘死人koh活，tú好hitê chabó͘人，to̍h是伊hō͘她ê kiáⁿ koh活ê，為tio̍h她ê厝宅kah田園來求叫王。基哈西講：「我ê主，我ê王，chitê是hitê chabó͘人，chitê是伊ê kiáⁿ，to̍h是以利沙hō͘伊koh活ê。」
8:6 王問hitê chabó͘人，她to̍h kā伊講。王to̍h為tio̍h她派一个官員講：「見若屬chitê chabó͘人ê，lóng tio̍h還她，tùi她離開本所在到今á日，她ê田園所出產ê，mā lóng tio̍h還她。」
8:7 以利沙kah亞南王便哈達
以利沙來到大馬士革，亞南王teh破病，有人kā王講：「上帝ê奴僕來到咱chia。」
8:8 王to̍h kā哈設講：「你帶禮物去見上帝ê奴僕，拜託伊問上主看我chitê病會活á-bē？」
8:9 哈設to̍h去見伊，用四十隻駱駝載大馬士革ta̍k種ê好物做禮物，去khiā tī伊ê面前，講：「你ê kiáⁿ亞南王差我來你chia，講：『我chitê病會活á-bē？』」
8:10 以利沙kā伊講，你去kā伊回覆，講：「你一定ē活；總是，上主指示我，伊一定ē死。」
8:11 以利沙注目kā伊看，致使伊見笑。上帝ê奴僕就流目屎。
8:12 哈設講：「我ê主ná ē teh流目屎？」以利沙應講：「因為我知你所beh苦毒以色列人ê，用火燒in險要ê所在，用刀kā inthâi死ê壯丁，siak死in ê嬰á，破開in有娠孕ê chabó͘人。」
8:13 哈設講：「你ê奴僕是啥物，只不過是一隻狗，ná ē行chitê大事？」以利沙應講: 「上主有kā我指示，你ē做亞南王。」
8:14 伊離開以利沙，tńg去伊ê主人hia，主人問伊講：「以利沙kā你講啥物？」哈設應講：「伊kā我講，你一定ē活。」
8:15 隔tńg工，伊the̍h厚ê布ùn水，蓋王ê面，王就死。哈設就續接伊做王。
8:16 偤大國ê王約蘭
(代下21：1-20)
以色列王亞哈ê kiáⁿ約南第五年，約沙法做偤大王ê時，偤大王約沙法ê kiáⁿ約蘭開始坐位。
8:17 約蘭坐位ê時，三十二歲，tī耶路撒冷做王經過八年。
8:18 伊行以色列王ê路，kah亞哈ê家無各樣，因為伊娶亞哈 ê chabó͘ kiáⁿ做bó͘，行上主所看做pháiⁿ ê tāichì。
8:19 總是，上主因為祂ê奴僕—大衛ê緣故，m̄甘滅偤大，照祂所應允大衛ê話，永遠賞賜一葩燈hō͘伊ê kiáⁿ孫。
8:20 當約南ê年間，以東背叛偤大，脫離伊ê手頭，kakī 設立王。
8:21 約南帶所有ê戰車，過去Cha-il，透暝起來，phah kā伊圍困ê以東人kah hiahê車長；人民to̍h逃走，ta̍k个tńg去kakī ê布棚。
8:22 Án-ne，以東人背叛偤大，脫離伊ê手頭，到今á日。仝hit時，立拿人mā背叛。
8:23 約南其他ê tāichì，見若伊所行ê，kám無lóng記tī偤大列王ê記錄？
8:24 約南kah伊ê祖先同睏，tī大衛城kah伊ê祖先同埋葬。伊ê kiáⁿ亞哈謝續接伊做王。
8:25 偤大王亞哈謝
(代下22：1-6)
以色列王亞哈ê kiáⁿ約南十二年，偤大王約蘭ê kiáⁿ亞哈謝開始坐位。
8:26 亞哈謝坐位ê時，二十二歲，tī耶路撒冷做王一年；伊ê老母ê名叫做亞她利雅，是以色列王暗利ê chabó͘孫。
8:27 伊行亞哈ê家ê路，行上主所看做pháiⁿ ê tāichì，kah亞哈ê家無各樣，因為伊是亞哈ê家ê kiáⁿ婿。
8:28 伊kah亞哈ê kiáⁿ約南做伙去基列ê拉末，kah亞南王哈設交戰，亞南人phah傷約南。
8:29 約南王tńg去耶斯列，beh醫治伊ê傷，to̍h是伊tī拉末kah亞南王哈設交戰ê時，亞南人kā伊phah tio̍h ê。偤大王約蘭ê kiáⁿ亞哈謝落去耶斯列，beh探訪亞哈ê kiáⁿ 約南，因為伊有破病。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。