撒母耳記上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
30:1 大衛kah亞瑪力人相thâi
第三日，大衛kah tòe伊ê人來到洗革拉。亞瑪力人已經侵犯南方kah洗革拉，mā phah洗革拉，用火燒hitê城。
30:2 掠城內ê chabó͘人，無論大細，無thâi死kah半個，kantaⁿ kā in掠去。
30:3 大衛kah tòe伊ê人來到hitê城，看tio̍h城已經hō͘火燒去，in ê bó͘ kah kiáⁿ兒lóng hō͘ in掠去。
30:4 大衛kah tòe伊ê人to̍h開聲哮，哮到無力thang哮。
30:5 大衛ê兩 个bó͘，耶斯列人亞希暖kah bat做迦密人拿八ê bó͘亞比該，mā hō͘ in掠去。
30:6 大衛真tio̍h急，因為眾人講tio̍h用石頭kā大衛tìm死。人人為tio̍h in ê kiáⁿ兒真煩惱，總是，大衛óa靠上主—伊ê上帝，kakī 堅固。
30:7 大衛kā亞希米勒ê kiáⁿ，祭司亞比亞他，講：「請你kā我帶祭司服來。」亞比亞他就帶祭司服來到大衛hia。
30:8 大衛問上主講：「我jiok chitê軍隊，jiokē tio̍h á-bē？」上主講：「你tio̍h去jiok in，因為穩當jiokē tio̍h，mā穩當ē kā in lóng救tńg來。」
30:9 大衛to̍h kah tòe伊ê六百人到Pí-so ê溪，留teh ê人歇tī hia。
30:10 總是，大衛kah四百人去jiok，有兩百人厭倦，bē tàng 過Pí-so ê溪，就留tī hia。
30:11 In tī田野tú tio̍h一个埃及人，to̍h kā伊chhōa來到大衛hia；the̍h餅hō͘伊，伊to̍h食，phâng水hō͘伊lim，
30:12 koh hō͘伊一塊無花果餅，兩葩葡萄干。伊食了後，精神回復，因為伊三日三暝無食餅koh無lim水。
30:13 大衛問伊講：「你屬啥人？Tùi tó位來？」伊應講：「我是埃及ê少年人，是亞瑪力人ê奴僕，因為我三日前破病，我ê主人to̍h kā我放sak。
30:14 阮侵犯基利提ê南pêng，kah屬偤大ê地，kah迦勒地ê南pêng，koh用火燒洗革拉。」
30:15 大衛問伊講：「你ēchhōa我到hitê軍隊hia á-bē？」伊應講：「你tio̍h kā我kí上主來chiùchōa，bē kā我thâi死，mā bē kā我交tī我ê主人ê手，我to̍h ē chhōa你落去到hitê軍隊hia。」
30:16 伊chhōa大衛落去ê時，看tio̍h in四散tī全地，lim食koh跳舞，因為tùi腓利士地kah偤大地所搶ê物真chē。
30:17 大衛kā in phah，tùi黃昏暗到隔tńg工ê-hng，只有四百個騎駱駝ê少年人走去，以外無kah一个人走離開。
30:18 亞瑪力人所搶去ê財物，大衛lóng救倒tńg來，大衛mā救伊ê兩 个bó͘ tńg來。
30:19 見若亞瑪力人所搶去ê，無論大細，kiáⁿ兒、財物，大衛lóng帶倒tńg來，無失落kah一个。
30:20 大衛koh搶所有ê羊群kah牛群，kā in趕tī chengseⁿ ê頭前，講：「這是大衛取來ê。」
30:21 大衛來到hiahê厭倦bē tàng跟tòe大衛去soah留tī Pí-so溪ê兩百人hia。In出來迎接大衛kah tòe伊ê人民。大衛進前到人民hia，kā in請安。
30:22 Kah大衛去ê人，其中有pháiⁿ人kah匪類講：「因為in無kah咱去，咱所救倒tńg ê物，一定無beh分hō͘ in，kantaⁿ kā in ta̍k人ê bó͘ kah kiáⁿ兒hō͘ in，hō͘ in chhōa去。」
30:23 大衛講：「兄弟，m̄ thang kā上主所賞賜hō͘咱ê物ánne做，因為祂保護咱，kā攻擊咱ê軍隊交tī咱ê手中。
30:24 Chitê tāichì啥人ē遵thàn lín？顧守雜物ê人所得tio̍h ê份額tio̍h親像出陣ê人ê份額，大家tio̍h平分。」
30:25 Tùi hit日以後，大衛設立chitê做以色列ê律例kah法度，一直到今á日。
30:26 大衛來到洗革拉ê時，tùi所搶ê物ê中間the̍h kóa起來，寄去送hō͘伊ê朋友偤大ê長老，講：「你看，chiahê是tùi上主ê對敵搶來ê，送hō͘ lín做禮物。」
30:27 to̍h是送hō͘ tòa tī伯特利ê，tòa tī南方ê拉末ê，tòa tī Ia-thel ·ê，
30:28 tòa tī亞羅珥ê，tòa tī Sek-boa̍t ·ê，tòa tī E-si-te-mo͘h ·ê，
30:29 tòa tī La-hat-le̍k ê，tòa tī耶拉篾人chiahê城ê，tòa tī基尼人hiahê城ê，
30:30 tòa tī何珥瑪ê，tòa tī Ko-la̍h-san ê，tòa tī A-that ê，
30:31 tòa tī希伯崙ê，以及大衛kah tòe伊ê人平時所往來ê所在，lóng有分（pun）hō͘ in。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。