約書亞記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
11:1 Phah贏耶賓kah伊ê盟國
夏瑣王耶賓聽tio̍h chitê tāichì，to̍h差人去見Má-tùn王約巴，kah伸崙ê王以及Ap-soah ê王，
11:2 mā到北方ê山地kah基尼烈南pêng ê亞拉巴平原，以及西pêng多珥ê山頭chiahê王。
11:3 Koh去見東pêng kah西pêng ê迦南人kah亞摩利人、赫人、比利洗人，以及耶布斯人，tòa tī山地ê，以及黑門山腳米斯巴地ê希未人。
11:4 In kah in ê眾軍隊lóng出來，人額真chē親像海邊ê沙，馬kah車mā真chē。
11:5 Chiahê王lóng聚集，來到Me-lóng ê水邊，平平紮營，準備beh kah以色列人交戰。
11:6 上主kā約書亞講：「M̄免為tio̍h in來驚，因為明á載差不多chit時，我ē kāthâi死ê群眾交tī以色列人ê面前。你tio̍h割斷in ê馬腿ê大筋，用火燒in ê車。」
11:7 約書亞kah所有ê戰士，忽然來到Me-lóng ê水邊，tú tio̍h in to̍hka7 in phah。
11:8 上主kā in交tī以色列人ê手中，in to̍hka7 hiahê人phah，kā in jiok到大西頓，mā到Bí-su-lī-hut-má-im，一直到東pêng米斯巴ê平原，kā inthâi死，無留kah半個。
11:9 約書亞就照上主所命令ê款待in，馬就割斷in ê腿ê大筋，車to̍h用火燒。
11:10 Hit時，約書亞oa̍t tńg來攻取夏瑣，用刀thâi她ê王，因為夏瑣平時做chiahê國ê頭。
11:11 以色列人用刀thâi死hit內面ê群眾，kā in全部消滅；見若會喘氣ê無留kah半個，koh用火燒夏瑣。
11:12 約書亞攻取hiahê王所有ê城kah in ê王，用刀kā inthâi死，kā in全部消滅，照上帝ê奴僕摩西所命令ê。
11:13 Hiahê起tī崙á頂ê城，除夏瑣以外，以色列人lóng無kā它燒，只有夏瑣hō͘約書亞燒去。
11:14 Tī hiahê城所搶ê物kah chengseⁿ，以色列人lóng取來做kakī ê；獨獨人lóng用刀kā inthâi死到滅亡，見若會喘氣ê無留kah半個。
11:15 上主命令祂ê奴僕摩西ê，摩西照ánne命令約書亞，約書亞ánne行。見若上主所命令摩西ê，約書亞無一項無行。
11:16 約書亞佔領ê土地
Án-ne，約書亞攻取hitê全地，to̍h是山地、南方全地、歌珊全地kah平原亞拉巴，以及以色列ê山地kah平原。
11:17 Tùi上去西珥ê 哈臘山，到黑門山腳，黎巴嫩山谷ê Pa-le̍k-ka-tek，mā掠hit所在hiahê王，phah hō͘ in死。
11:18 約書亞kah chiahê王交戰真久。
11:19 除基遍ê希未人以外，無kah一个城kah以色列人講和，in lóng tùi交戰來征服她。
11:20 因為上主hō͘ in ê心硬，抵敵以色列來kah in交戰，hō͘ in全部受滅，無得tio̍h憐憫，致使全部滅亡，照上主所命令摩西ê。
11:21 Hit時，約書亞來到，to̍h tùi山地、希伯崙、底璧、A-ná-pek、偤大山地、以色列山地，剪除亞納族ê人。約書亞kā in kah in hiahê城全部消滅。
11:22 Tī以色列人ê地lóng無留kah半個亞納族ê人，獨獨tī 迦薩、迦特 kah亞實突有chhun淡薄。
11:23 Án-ne，約書亞照上主所命令摩西一切ê話，攻取hitê全地，約書亞kā地分hō͘以色列人做產業，照in ê支族，in ê宗族。就ánne，hitê地太平無koh交戰。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。