申命記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
17:1 「見若有破相á是有啥物pháiⁿ樣ê牛羊，你m̄ thang獻祭hō͘上主—你ê上帝，因為這是上主—你ê上帝所討厭ê。
17:2 Tī lín中間，tī上主—你ê上帝所賞賜hō͘你hiahê城ê中間，若tú tio̍h有人，á是男，á是女，行上主—你ê上帝所看做是pháiⁿ ê，違背祂ê約，
17:3 去服事別个神明來kā伊敬拜，á是日，á是月，á是天頂ê萬象，是我所m̄ bat命令ê；
17:4 若有人kā你講，你mā已經有聽tio̍h，to̍h tio̍h詳細探聽；你看，果然有影，實在有chitê可惡ê tāichì行tī以色列中，
17:5 你tio̍h kā行chitê pháiⁿ事ê chapo͘人，á是chabó͘人拖到城門外，用石頭tìm hitê chapo͘人á是chabó͘人，tio̍h hō͘伊/她死。
17:6 Tio̍h憑兩 个見證á是三个見證ê嘴，應該死ê tio̍h hō͘伊死；若憑一个人ê嘴做見證，to̍h m̄ thang hō͘伊死。
17:7 見證ê tio̍h做頭下手kā伊tìm，然後眾人mā下手hō͘伊死。Αń-neto̍h ē tàng tùi lín中間除去hitê pháiⁿ。
17:8 你城門內若有冤家ê tāichì，á是因為流血，á是因為相告，á是因為相phah，是你所bē了解thang判斷ê，你to̍h tio̍h起來，去上主—你ê上帝所beh揀選ê所在。
17:9 去見祭司利未人kah當時ê審判官來問in，inē kā判詞指示你。
17:10 In tī上主所beh揀選ê所在指示你ê判詞，你tio̍h照ánne行，見若是in所教示你ê，你tio̍h執守來照ánne行。
17:11 Τio̍h照in所beh教示你法度ê宗旨，mā tio̍h照in所kā你講ê判斷來行；in所指示你ê判詞，你m̄ thang偏左á是偏右。
17:12 若有人硬硬beh行，m̄聽祭司，to̍h是tī hia khiā-teh來服事上主—你ê上帝ê，á是m̄聽審判官，to̍h tio̍h hō͘ hitê人死；ánne你to̍h ē tàng tùi以色列中除去hitê pháiⁿ。
17:13 人民lóng ē聽tio̍h來驚，無koh硬硬beh行。」
17:14 設立王ê規定
「你到上主—你ê上帝所賞賜hō͘你ê地，得tio̍h hit所在來tòa ê時，若講：『我beh設立王來做我ê頭，親像我四箍圍ê列國ánne。』
17:15 你一定tio̍h設立上主—你ê上帝所揀選ê人做王，做你ê頭。Tio̍h tùi你ê兄弟中設立一个人做王，做你ê頭；外國人，m̄是你ê兄弟ê，你m̄ thang設立伊做你ê頭。
17:16 總是，王m̄ thang為tio̍h kakī 加添真chē隻馬，mā m̄ thang為tio̍h beh加添khah chē隻馬，hō͘人民tńg去埃及，因為上主bat命令lín講：『Lín mài-koh tùi hit條路tńg去。』
17:17 伊mā m̄ thang為kakī 娶真chē后妃，恐驚伊ê心偏邪；伊mā m̄ thang為本身積聚真chē金銀。
17:18 伊坐伊ê國位ê時，tio̍h用一本冊抄寫chitê律法，tio̍h tùi存tī祭司利未人ê面前ê hit本來抄。
17:19 Hit本tio̍h hē tī伊hia，一世人tio̍h讀，thang學習敬畏上主—伊ê上帝，tio̍h執守chitê律法所有ê話kah chiahê律例，來照ánne行。
17:20 免得伊驕傲來看輕兄弟，koh免得伊偏左偏右，來離開chitê誡命；thang hō͘伊kah伊ê kiáⁿ孫tī以色列中ê國位久長。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。