民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
15:1 關係獻祭ê規定
上主吩咐摩西講：
15:2 「你tio̍h吩咐以色列人，kā in講：Lín若到我所賞賜hō͘ lín tòa ê地，
15:3 若ài tùi牛群á是羊群獻hō͘上主做火祭，to̍h是燒祭á是別種ê祭，beh謝願á是做歡喜獻ê祭，á是到定tio̍h ê節期，做芳芳ê祭獻hō͘上主。
15:4 Hitê獻禮物ê，ta̍k隻羊á tio̍h 配幼ê麵粉十分之一伊法kah油四分之一欣，調和做素祭。
15:5 酒mā tio̍h四分之一欣來做灌奠，無論燒祭á是別種祭，lóng tio̍h ánne來獻hō͘上主。
15:6 為tio̍h綿羊káng，你tio̍h準備幼ê麵粉五分之一伊法，kah油三分之一欣，調和做素祭。
15:7 Koh用酒三分之一欣做灌奠祭，做芳芳ê祭來獻hō͘上主。
15:8 你若準備牛káng-á做燒祭á是別種ê祭來謝願，á是做謝恩祭來獻hō͘上主，
15:9 to̍h是用幼ê麵粉十分之三伊法kah油半欣，調和做素祭，kah牛káng-á做伙獻。
15:10 Koh用酒半欣做灌奠ê祭，獻hō͘上主做芳芳ê火祭。
15:11 「Á是為tio̍h一隻牛káng，á是一隻綿羊káng，á是一隻綿羊á，á是山羊á，lóng tio̍h ánne做。
15:12 照lín所準備ê數額，照ta̍k隻ê額數，lóng tio̍h ánne做。
15:13 見若本地人kā芳芳ê火祭獻hō͘上主，lóng tio̍h照ánne做chiahê tāichì。
15:14 若有出外人tī lín中間，á是ta̍k世代有人tòa tī lín中間，beh獻芳芳ê火祭hō͘上主，lín ánne行，in mā tio̍h照ánne行。
15:15 講tio̍h會眾，lín kah tòa tī lín中間ê出外人，lóng仝相siâng ê例，tī上主ê面前做lín ta̍k世代永遠ê例；lín ánne做，出外人mā tio̍h照ánne做。
15:16 Lín kah出外人tī lín中間ê，tio̍h照仝相siâng ê例，相siâng ê法度。」
15:17 上主吩咐摩西講：
15:18 「你tio̍h吩咐以色列人，kā in講：Lín到我所chhōa lín入去hitê地。
15:19 食hit所在ê米糧，to̍h tio̍h獻舉祭hō͘上主。
15:20 Lín tio̍h用起頭熟ê麵粉做餅，獻做舉祭；lín舉起，親像舉起稻埕ê五穀相siâng。
15:21 Lín ta̍k世代tio̍h用lín起頭熟ê麵粉來做舉祭，獻hō͘上主。
15:22 無意中犯罪ê獻祭規定
「Lín有錯誤ê時，無守上主所吩咐摩西chiahê一切ê命令，
15:23 to̍h是上主託摩西一切所命令lín ê，tùi上主命令lín ê日，到tī lín ê ta̍k世代。
15:24 若有錯誤行，會眾mā m̄知，後來，會眾tio̍h獻一隻牛káng-á做燒祭，mā照法度用伊ê素祭kah灌奠ê祭，做伙做芳芳ê祭獻hō͘上主，koh tio̍h獻一隻山羊káng做贖罪ê祭。
15:25 祭司tio̍h為以色列人ê會眾贖罪，in to̍h得tio̍h赦免，因為這是錯誤，in mā因為in ê錯誤，帶in ê禮物，to̍h是獻hō͘上主ê火祭kah贖罪祭，lóng帶到上主ê面前。
15:26 以色列人ê會眾kah寄腳tī in中間ê出外人，to̍h ē得tio̍h赦免，因為chitê罪是人民錯誤所犯ê。
15:27 「若有一个人錯誤犯罪，伊to̍htioh8獻未滿年ê山羊母做贖罪祭。
15:28 Hitê人tī伊錯誤犯罪ê時，祭司tio̍h tī上主ê面前kā伊贖罪，伊to̍h ē得tio̍h赦免。
15:29 以色列中ê本地人kah寄腳tī in中間ê出外人，若做m̄ tio̍h tāichì，tio̍h照仝一个例。
15:30 「總是，hitê硬硬beh做hitê tāichì ê人，無論是本地人á是寄腳ê，伊褻瀆上主，tio̍h tùi伊ê人民中kā伊剪除。
15:31 因為伊藐視上主ê話，悖逆祂ê命令，hitê人tio̍h全部剪除，伊ê罪過tio̍h歸tī伊kakī 。」
15:32 違犯安息日ê人
以色列人tī曠野ê時，tú tio̍h一个人tī安息日拾柴。
15:33 Hiahê tú tio̍h hitê拾柴ê人，chhōa伊到摩西kah亞倫kah會眾hia。
15:34 Into̍h kā伊關禁，因為iáu未指明tio̍h án怎kā伊辦。
15:35 上主對摩西講：「Hitê人一定tio̍h hō͘伊死，會眾tio̍h tī營外用石頭kā伊tìm死。
15:36 會眾chhōa hitê人出去營外，用石頭kā伊tìm到死，是照上主所命令摩西ê。
15:37 衫á做鬚ê規定
上主吩咐摩西講：
15:38 「你tio̍h吩咐以色列人，kā in講：hō͘ in代代tī衫á邊做鬚，koh tī下底邊ê鬚頂，釣一條藍色ê幼帶。
15:39 Beh kā lín做鬚hō͘ lín看tio̍h，thangē記得上主ê命令來遵行，免得lín放縱kakī ê心意，kakī ê目chiu ，來行姦淫，親像lín平時所行ê相siâng，
15:40 hō͘ lín ē記得來行我一切ê命令，成做聖歸lín ê上帝。
15:41 「我是上主—lín ê上帝，chhōa lín出埃及地，beh做lín ê上帝。我是上主—lín ê上帝。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。