利未記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
22:1 祭物ê聖潔
上主吩咐摩西講：
22:2 「你tio̍h kā亞倫kah伊hiahê kiáⁿ講: Tio̍h離開以色列人所分別做聖歸hō͘我ê聖物，免得褻瀆我ê聖名。我是上主。
22:3 Tio̍h kā in講：Lín代代ê kiáⁿ孫，見若身軀有污穢來親近以色列人所分別做聖，歸hō͘上主做聖物ê，hitê人tio̍h tī我ê面前剪除。我是上主。
22:4 「亞倫ê kiáⁿ孫，見若有癩ko ê á是下身流膿ê，m̄ thang食聖物，tio̍h thèng候伊清氣。無論啥人摸tio̍h hitê tùi屍體bak tio̍h lahsap ê物á是夢洩ê人，
22:5 á是摸tio̍h啥物無清氣會爬ê物，á是摸tio̍h hiahê hō͘伊無清氣ê人，不管hitê人有啥物無清氣，
22:6 摸tio̍h hiahê ê人，一定無清氣到ê-hng；若無用水洗身軀，to̍h m̄ thang食聖ê物。
22:7 日落ê時，伊to̍h清氣，然後to̍h thang食聖物，因為這是伊ê食物。
22:8 kakī 死ê á是hō͘野獸拆裂ê，伊m̄ thang食，因為chitê ēòe lahsap kakī 。我是上主。
22:9 「所以，in tio̍h守我所交帶ê，免得in kā祂褻瀆，就ánne擔當罪來死。我是hō͘ in成聖ê上主。
22:10 「所有ê出外人m̄ thang食聖物，歇tī祭司ê家ê á是做工人，lóng m̄ thang食聖物。
22:11 設使祭司買人來，是伊用銀買ê，hitê人thang食聖物；出世tī伊ê家ê mā thang食伊ê米糧。
22:12 祭司ê chabó͘ kiáⁿ若是嫁出外人，to̍h m̄ thang食所舉起來ê聖物。
22:13 總是，祭司ê chabó͘ kiáⁿ若是寡婦á是hông離出ê，無kiáⁿ兒koh tńg來老父ê家，kah伊少年ê時相siâng，to̍h thang食她ê老父ê食物，總是，出外人m̄ thang食。
22:14 「若有人無tiuⁿ-tî食聖物，tio̍h照hiahê聖物加五分之一交hō͘祭司。
22:15 M̄-thang褻瀆以色列人所獻hō͘上主ê聖物，
22:16 免得in tī食聖物ê時，擔當過失ê罪過，因為我是hō͘ in成聖ê上主。」
22:17 上主吩咐摩西講：
22:18 「你tio̍h吩咐亞倫kah伊hiahê kiáⁿ，以及以色列ê群眾，對in講：以色列ê子民，á是tī以色列中寄腳ê，見若獻禮物，無論是所下ê願，á是甘心獻ê，to̍h是獻hō͘上主做燒祭ê，
22:19 to̍h tio̍h獻牛，á是綿羊，á是山羊，lóng tio̍h用公ê，無缺點ê，chiah ē得tio̍h歡喜接納。
22:20 見若有缺點ê，lín m̄ thang獻，因為這無beh kā lín接納。
22:21 見若tùi牛群á是羊群中，kā謝恩祭獻hō͘上主，為tio̍h beh謝特別hē ê願，á是做甘心獻ê，所獻ê tio̍h純全，無缺點，chiah ē得tio̍h接納。
22:22 Chheⁿ-mê ·ê、tio̍h傷ê、破相ê、生瘤ê、生瘡ê、生癬ê，chiahê lóng m̄ thang獻hō͘上主，mā m̄ thang tī壇頂獻hō͘上主做火祭。
22:23 無論是牛káng á是羊á，若是肢體畸形ê，hit款thang做甘心祭來獻；總是，用he來謝願to̍h bē tàng接納。
22:24 外身損傷ê，á是teh碎ê，á是破裂ê，á是閹ê，m̄ thang獻hō͘上主，tī lín ê土地mā m̄ thang ánne行。
22:25 Chit款ê物lín mā m̄ thang對外國人ê手接受來獻做lín ê上帝ê食物，因為chit款物lóng有毀壞，有缺點ê，bē tàng kā lín接納。」
22:26 上主吩咐摩西講：
22:27 「牛á是綿羊，á是山羊出生了後，頭七日tòe牠ê母，tùi第八日以後，to̍h thang做上主火祭ê禮物，ē得tio̍h接納。
22:28 無論牛母á是羊母，你m̄ thang siâng日thâi母kah牠ê kiáⁿ。
22:29 「Lín獻謝恩祭hō͘上主ê時，tio̍h獻thang得tio̍h接納ê。
22:30 Tio̍h tī hit日來食，m̄ thang留一點á到隔工早起。我是上主。
22:31 「所以，lín tio̍h守我chiahê誡命來行。我是上主。
22:32 Lín m̄ thang褻瀆我ê聖名，因為我tī以色列人ê中間，beh受尊敬來做聖。我是hō͘ lín成聖ê上主，
22:33 chhōa lín出埃及地，做lín ê上帝ê。我是上主。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。