利未記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
8:1 設立亞倫kah伊ê Kiáⁿ做祭司
上主吩咐摩西講：
8:2 「你tio̍h kā亞倫kah伊ê kiáⁿ以及衫褲，抹in ê油，kah贖罪祭ê一隻牛káng，兩隻綿羊káng，一筐無酵餅，lóng帶來。
8:3 Koh招集會眾到會幕門口。」
8:4 摩西照上主所命令伊ê來做，就ánne，會眾聚集tī會幕門口。
8:5 摩西kā會眾講：「這to̍h是上主所命令tio̍h行ê tāichì。」
8:6 摩西帶亞倫kah伊ê kiáⁿ來，用水kā in洗。
8:7 Kā伊穿內衫，縖帶，穿外袍，tha̍h祭司服，用奇巧ê工夫所織祭司服ê帶kā伊縖，ánne來縛tī伊ê身軀。
8:8 Koh kā伊釣捕褂，kā烏陵kah土明hē tī捕褂內。
8:9 用帽á戴tī伊ê頭殼，tī帽á ê頭前頂面釣金牌，to̍h是聖ê冕旒，lóng是照上主所命令摩西ê。
8:10 摩西用抹in ê油抹會幕kah其中所有ê物，kā它分別做聖。
8:11 Koh用hitê油hiù壇頂七pái，mā抹壇kah它所有ê器具以及洗盪ê盆，kah它ê座，kā它分別做聖。
8:12 Koh用抹ê油倒tī亞倫ê頭殼頂，來kā伊抹，kā伊分別做聖。
8:13 摩西帶亞倫ê kiáⁿ來，kā in穿內衫，縖帶，包頭殼ê巾，lóng是照上主所命令摩西ê。
8:14 伊牽贖罪祭ê牛káng-á來，亞倫kah伊ê kiáⁿ tī贖罪祭牛káng-á ê頭殼hōaⁿ手。
8:15 就thâihit隻牛káng-á，摩西the̍h血，用指頭á抹tī壇頂四箍圍hiahê角，hō͘壇清氣，koh kā血倒tī壇腳hia，kā它分別做聖，kā伊贖罪。
8:16 Koh the̍h腹內所有ê油kah肝裡ê網紗，以及兩粒腰子kah in所有ê油，摩西lóng tī壇頂燒hiahê物件。
8:17 M̄ koh，牛káng-á，牠ê皮，牠ê肉，牠ê屎，lóng用火tī營外燒，是照上主所命令摩西ê。
8:18 伊牽燒祭ê綿羊káng來，亞倫kah伊ê kiáⁿ tī綿羊káng ê頭殼hōaⁿ手。
8:19 就thâihit隻綿羊káng，摩西用血hiù tī壇頂ê四箍圍。
8:20 Kā羊切一塊一塊，摩西kā頭kah肉塊，以及油lóng燒。
8:21 用水洗腹內kah腿，摩西to̍h kā kui隻羊tī壇頂燒，做芳芳ê燒祭，做火祭獻hō͘上主，lóng是照上主所命令摩西ê。
8:22 伊koh牽第二隻綿羊káng，to̍h是設立聖職ê禮ê羊，亞倫kah伊ê kiáⁿ tī羊ê頭殼hōaⁿ手。
8:23 就thâi hit隻綿羊káng，摩西the̍h淡薄血抹tī亞倫ê正pêng ê耳á垂kah正手ê大頭拇，以及正腳ê大頭拇。
8:24 Koh chhōa亞倫ê kiáⁿ來，摩西用淡薄血抹tī in正pêng ê耳á垂kah正手ê大頭拇，以及正腳ê大頭拇，摩西koh用血hiù tī壇頂ê四箍圍。
8:25 Koh取油kah肥ê尾，以及腹內一切ê油kah肝裡ê網紗，兩粒腰子kah in ê油，kah正腿。
8:26 Koh tùi上主ê面前貯無酵餅ê筐，the̍h出一塊無酵餅，一塊油餅，一塊薄餅，lóng hē tī油kah正腿頂面。
8:27 Kā所有ê hē tī亞倫ê手kah伊ê kiáⁿ ê手，做搖祭tī上主ê面前搖。
8:28 摩西tùi in ê手the̍h落來，tī壇裡燒祭ê頂面燒，lóng是設立聖職ê禮，這是獻hō͘上主做芳芳ê火祭。
8:29 摩西the̍h羊ê胸做搖祭，tī上主ê面前搖，這是tī設立聖職ê禮ê羊，摩西所得tio̍h ê份額，lóng是照上主所命令摩西ê。
8:30 摩西the̍h抹ê油kah壇頂ê血，hiù tī亞倫kah伊ê衫，以及伊ê kiáⁿ kah伊ê kiáⁿ ê衫，hō͘亞倫kah伊ê衫，以及伊ê kiáⁿ kah伊ê kiáⁿ ê衫，做伙分別做聖。
8:31 摩西對亞倫kah伊ê kiáⁿ講：「Kā肉tī會幕ê門口煮，tī hia食，mā食設立聖職ê禮筐á內ê餅，照我所命令ê，講：『這是亞倫kah伊ê kiáⁿ tio̍h食ê。』
8:32 所chhun落來ê肉kah餅，lín tio̍h用火燒掉。
8:33 Lín七日m̄ thang出會幕ê門，到lín受設立ê禮ê日滿；因為七日祂beh kā lín行設立ê禮。
8:34 親像今á日所行ê，上主吩咐tio̍h ánne行，為tio̍h lín贖罪。
8:35 七日lín tio̍h暝日tiàm tī會幕門口，守上主所命令ê職份，免得lín死，因為我所受ê命令是ánne。」
8:36 亞倫kah伊ê kiaN2to̍h行上主託摩西所命令一切ê tāichì。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。