聖經閱讀

查字典本章地圖影像 [ 條列 | 表格 | 整段 ] 繁簡語態度量衡其他閱讀計畫

新版查詢或移至：說明

使徒行傳線上收聽:中文和合本現代中文譯本修訂版現代台語台語聖經台語(長老會傳播中心授權）客語現代客語粵語和合本希臘文(WH-NT) 下載檔案關於語音聖經

26:1

保羅tī亞基帕王面前為kakī 辯護

亞基帕對保羅講：「准你為kakī 辯護。」保羅to̍h伸手辯護講：
26:2 「亞基帕王，今á日我ē tàng tī你ê面前，為tio̍h hō͘偤太人控告ê tāichì來辯護，感覺非常榮幸。
26:3 佳哉因為你對偤太人ê規例kah in teh爭論ê問題真了解，所以，求你耐心聽我講。
26:4 「我自少年到taⁿ，起頭tī我ê本國，後來，tī耶路撒冷，我ê做人án怎，所有ê偤太人lóng知。
26:5 In已經bat我真久，若肯為我做證，to̍h ē tàng證明我做一个法利賽人有照阮宗教siōng嚴格教派ê要求teh生活。
26:6 Chit-mà我khiā tī chia來受審判，to̍h是因為ǹg望上帝對阮祖先ê應允會實現。
26:7 阮十二支族ê同胞暝日熱心敬拜，mā是teh期待ē tàng達成chitê ǹg望。王，我為tio̍h chitê ǹg望，chiah hō͘偤太人控告。
26:8 上帝hō͘死人koh活chit項tāichì，lín偤太人ná ē bē tàng相信？
26:9 「以前我本身mā想講，tio̍h用ta̍k款ê方法來攻擊拿撒勒人耶穌ê名。
26:10 我tī耶路撒冷確實有ánne做。我m̄ nā有祭司長ê授權，掠真chē信徒來關落監，koh tī in受死刑ê時，我mā表示贊同。
26:11 我時常tī ta̍k个會堂kā in刑罰，強迫in講褻瀆ê話，用暴力對待in，甚至到外國ê城市mā kā in迫害。」
26:12

保羅講kakī 歸主ê經過

(徒9：1-19；22：6-16)

「Hit時，我去大馬士革ê時，有帶祭司長ê授權kah命令。
26:13 王，透中晝ê時，我tī路中看tio̍h比日頭khah強ê光，tùi天頂照落來tī我kah同伴ê四箍圍。
26:14 阮lóng跋落去土腳。我聽tio̍h有聲用希伯來話對我講：『掃羅，掃羅，你ná ē beh迫害我？你ánne做，親像牛用腳teh踢有刺ê棍á（註： Chit句ê意思to̍h是咱台語ê「用拳頭母teh cheng石獅」），是kakī teh討皮疼。』
26:15 我問講：『主ah，祢是啥人？』主講：『我to̍h是你所迫害ê耶穌。
26:16 總是，你tio̍h khiā起來，因為我專工對你顯現，是beh設立你做tāichì，為tio̍h你所看tio̍h ê，kah我將來所beh顯現hō͘你看ê tāichì，來做見證。
26:17 我beh tùi偤太人kah外邦人中間kā你救出來。Taⁿ我beh差派你去外邦人hia，
26:18 開in ê目chiu ，hō͘ in離開烏暗，oat-tńg來歸向光明；離開撒旦ê權勢，來歸向上帝，tùi信我來得tio̍h赦罪，koh承受做上帝選民ê地位。』」
26:19

保羅ê見證

「所以，亞基帕王，我無違背tùi天來ê異象。
26:20 我先tī大馬士革kah耶路撒冷，後來，tī偤太全地，mā對外邦人傳道，勸人tio̍h悔改來歸向上帝，koh tio̍h用行為證明in真正有悔改。
26:21 因為ánne，偤太人tī聖殿kā我掠，koh想beh kā我thâi。
26:22 M̄ koh，到今á日，我有得tio̍h上帝ê保護，ē tàng khiā tī chia，對尊貴kah卑微ê人做見證。我所講ê kah先知以及摩西所講ê完全仝款，lóng是關係將來beh發生ê tāichì，
26:23 to̍h是基督án怎tio̍h受苦，成做頭一个tùi死人中koh活，thang kā拯救ê光明傳hō͘偤太人kah外邦人。」
26:24

保羅想Beh說服亞基帕王做基督徒

保羅ánne辯護ê時，非斯都大聲hoah：「保羅，你teh起狂！你學問siuⁿ飽soah hō͘你起狂！」
26:25 保羅講：「非斯都大人，我m̄是teh起狂，我所講ê話是真實koh正常。因為王你知chiahê tāichì，我chiah敢好膽對你講。
26:26 我相信王對chit項tāichì真清楚，因為人人lóng知chit項tāichì。
26:27 亞基帕王，你kám有相信先知？我知你有信。」
26:28 亞基帕對保羅講：「你想講用chit幾句話to̍h beh說服我做基督徒ò͘！」
26:29 保羅講：「無論是幾句á á是真chē話，我懇求上帝，m̄ nā hō͘你，mā hō͘今á日所有聽我講ê人lóng kah我仝款，獨獨無像我ánne hō͘人用鐵鏈á鏈teh。」
26:30 王、總督kah百尼基，以及tī hia teh坐ê人lóng khiā起來。
26:31 In退出去了後，to̍h做伙談論講：「Chitê人並無犯tio̍h該死á是tio̍h關監ê罪。」
26:32 亞基帕kā非斯都講：「Chitê人若無對羅馬皇帝上訴，早to̍h thang放伊去。」

查詢或移至：說明

[ 條列 | 表格 | 整段 ] 繁簡語態重新查詢影像本章地圖度量衡其他

中文:和合本和合本2010現代中文譯本1995版現代中文譯本2019版新譯本中文標準譯本恢復本思高譯本呂振中譯本NET聖經中譯本聖經公會四福音書共同譯本深文理和合本新遺詔聖經官話和合本北京官話譯本文理和合本淺文理和合本王元德官話譯本俄羅斯正教文理譯本白日昇徐約翰文理譯本神天聖書文理委辦譯本施約瑟淺文理譯本馬殊曼譯本高德譯本胡德邁譯本粦為仁譯本徐匯官話新譯福音王多默聖史宗徒行實蕭舜華官話四人小組譯本聖保祿書翰並數位宗徒涵牘德如瑟四史聖經譯註郭實臘新遺詔書和舊遺詔聖書宗徒大事錄和新經譯義馬相伯救世福音俄羅斯正教新遺詔聖經卜士傑新經公函與默示錄太平天國文理譯本許彬文四史全編原文直譯(參考用)
英文:ESVKJVBBEWEBASVDarbyERV
原文與古譯本:新約原文
台客語:現代台語2021版漢字現代台語2021版全羅聖經公會巴克禮台漢本現代台語2013版全羅現代台語2013版漢字紅皮聖經全羅紅皮聖經漢羅巴克禮全羅巴克禮漢羅聖經公會現代客語全羅聖經公會現代客語漢字汕頭客語聖經全民台語聖經全羅全民台語聖經漢羅全民台語聖經Ruby
其他:聖經公會布農語聖經卑南語多納魯凱語馬可福音茂林魯凱語馬可福音萬山魯凱語馬可福音聖經公會泰雅爾語聖經聖經公會鄒語聖經聖經公會魯凱語聖經賽德克族Tgdaya語聖經公會阿美語1997聖經公會阿美語2019聖經公會太魯閣語聖經聖經公會達悟語新約聖經印尼聖經越南聖經俄文聖經韓文聖經日語聖經藏語聖經武加大譯本新武加大譯本

各聖經譯本著作權如版權說明。

本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。

信望愛站使用cookies 技術來強化網站功能，您使用本網站，表示您同意我們使用 cookies 技術.