路加福音 四福音合參 線上收聽:中文和合本 現代中文譯本修訂版 現代台語 台語聖經 台語(長老會傳播中心授權) 客語 現代客語 粵語和合本 希臘文(WH-NT) 下載檔案 關於語音聖經
3:1 行洗禮約翰ê傳道
(太3:1-12;可1:1-8;約1:19-28)
羅馬皇帝Tî-bé-lioh坐位ê第十五年,本丟彼拉多做偤太ê總督,希律做加利利省分封ê王,伊ê兄弟腓力做Î-tó͘-lá-iah kah To-la-kho-nî地方分封ê王,Lū-sa-nî-a做A-mí-lē-neh分封ê王。
3:2 亞那kah該亞法做大祭司ê時,撒迦利亞ê kiáⁿ約翰,tī曠野領受上帝ê話。
3:3 約翰to̍h到約旦河一帶ê ta̍k所在,宣揚講:「Tio̍h悔改來領受洗禮,上帝to̍h ē赦免人ê罪。」
3:4 親像以賽亞先知tī伊ê冊裡所記ê話:有聲tī曠野teh hoah: Tio̍h為主準備道路,為主修直祂ê小路。
3:5 所有ê山谷lóng tio̍h thūn hō͘它tīⁿ, chiahê大小ê山頭lóng tio̍h削hō͘它低。彎曲ê路tio̍h取hō͘它直,坎坷ê路tio̍h修hō͘它平。
3:6 萬民lóng ē看tio̍h上帝ê拯救。』」(註:賽40:3-5)
3:7 約翰對真chē來beh領受洗禮ê人講:「Lín chiahê毒蛇,啥人警告lín閃避上帝teh beh發ê受氣?
3:8 Tio̍h用日常生活來證明lín ê悔改。M̄-thang kakī 想講:『有亞伯拉罕做阮ê祖先』,因為我kā lín講,上帝ē tàng tùi chiahê石頭出kiáⁿ孫hō͘亞伯拉罕。
3:9 Taⁿ斧頭已經對準樹頭ā,所有無結好果子ê樹,lóng ē剉起來hiat落火。」
3:10 眾人問約翰講:「Án-ne,阮tio̍h án怎做khah好?」
3:11 約翰應講:「有兩領衫ê人,tio̍h分hō͘無衫ê人;有食物ê人,mā tio̍h ánne做。」
3:12 有一kóa抽稅ê人mā來beh領受洗禮,in問約翰講:「老師,阮tio̍h án怎做chiah好?」
3:13 約翰對in講:「規定ê稅以外,m̄ thang kā人加抽。」
3:14 有一kóa兵á mā問約翰講:「Á阮tio̍h án怎做?」伊應講:「M̄-thang kā人恐嚇the̍h錢,m̄ thang kā人揩油,對lín所領ê薪水tio̍h滿足。」
3:15 對約翰ê回應
人民teh期待基督,心內lóng teh想講約翰無定tio̍h to̍h是基督。
3:16 約翰應群眾講:「我用水kā lín洗禮,獨獨有一位比我khah有權能ê teh beh來,我連kā祂thǹg鞋都bē堪得;祂beh用聖神kah火kā lín洗禮。
3:17 祂ê手the̍h簸箕,beh kā麥埕全部ê麥á簸清氣,kā麥á收入去倉庫,m̄ koh,麥hiūⁿ to̍h用bē hoa ê火燒掉。」
3:18 約翰傳福音hō͘民眾ê時,lóng用真chē方法來苦勸。
3:19 獨獨約翰責備分封ê王希律,因為伊搶奪小弟ê bó͘希羅底,koh做真chē pháiⁿ tāichì。
3:20 Taⁿ希律koh加一項pháiⁿ tāichì,to̍h是kā約翰關落監。
3:21 耶穌受洗禮
(太3:13-17;可1:9-11)
眾人領受洗禮了後,耶穌mā有來領受洗禮。祂祈禱ê時,天開,
3:22 聖神降臨tī祂ê頂面,形狀親像粉鳥,koh tùi天有聲講:「祢是我所疼ê Kiáⁿ,我真kah意祢。」
3:23 耶穌ê族譜
(太1:1-17)
耶穌開始傳道ê時差不多三十歲。眾人看祂是約瑟ê kiáⁿ,約瑟是He-lih ê kiáⁿ,
3:24 He-lih是Má-that ê kiáⁿ,Má-that是利未ê kiáⁿ,利未是Me̍h-khi ê kiáⁿ,Me̍h-khi是Ián-ná ê kiáⁿ,Ián-ná是約瑟ê kiáⁿ,
3:25 約瑟是Má-ta-sî-a ê kiáⁿ,Má-ta-sî-a是阿摩司ê kiáⁿ,阿摩司是Ná-om ê kiáⁿ,Ná-om是Ê-su-lih ê kiáⁿ,Ê-su-lih是Nân-gái ê kiáⁿ,
3:26 Nân-gái是Má-at ê kiáⁿ,Má-at是Má-ta-sî-a ê kiáⁿ,Má-ta-sî-a是Se-mé ê kiáⁿ,Se-mé是約瑟ê kiáⁿ,約瑟是偤大ê kiáⁿ,偤大是Iô-a-ná ê kiáⁿ,
3:27 Iô-a-ná是Lē-sah ê kiáⁿ,Lē-sah是Só͘-lô-ba-pek ê kiáⁿ,Só͘-lô-ba-pek是撒拉鐵 ê kiáⁿ,撒拉鐵是Nê-lí ê kiáⁿ,
3:28 Nê-lí是Me̍h-khi ê kiáⁿ,Me̍h-khi是A-tí ê kiáⁿ,A-tí是Ko-sam ê kiáⁿ,Ko-sam是Ê-má-tám ê kiáⁿ,Ê-má-tám是珥ê kiáⁿ,珥是Iô-sé ê kiáⁿ,
3:29 Iô-sé是Ê-lī-e-chel ê kiáⁿ,Ê-lī-e-chel是Iô-lîm ê kiáⁿ,Iô-lîm是Má-that ê kiáⁿ,Má-that是利未ê kiáⁿ,
3:30 利未是西緬ê kiáⁿ,西緬是偤大ê kiáⁿ。偤大是約瑟ê kiáⁿ,約瑟是Iô-nân ê kiáⁿ,Iô-nân是以利亞金 ê kiáⁿ,
3:31 以利亞金是Me̍h-lé-a ê kiáⁿ,Me̍h-lé-a是Mián-ná ê kiáⁿ,Mián-ná是Mâ-tá-thah ê kiáⁿ,Mâ-tá-thah是拿單 ê kiáⁿ,拿單是大衛ê kiáⁿ,
3:32 大衛是耶西ê kiáⁿ,耶西是俄伯 ê kiáⁿ,俄伯是波阿斯 ê kiáⁿ,波阿斯是撒門 ê kiáⁿ,撒門是拿順 ê kiáⁿ,
3:33 拿順是亞米拿達ê kiáⁿ,亞米拿達是亞南 ê kiáⁿ,亞南是以斯崙 ê kiáⁿ,以斯崙是法勒斯 ê kiáⁿ,法勒斯是偤大ê kiáⁿ,
3:34 偤大是雅各ê kiáⁿ,雅各是以撒ê kiáⁿ,以撒是亞伯拉罕ê kiáⁿ,亞伯拉罕是他拉ê kiáⁿ,他拉是拿福ê kiáⁿ,
3:35 拿福是西鹿 ê kiáⁿ,西鹿是拉吳 ê kiáⁿ,拉吳是法勒ê kiáⁿ,法勒是希伯 ê kiáⁿ,希伯是沙拉ê kiáⁿ,
3:36 沙拉是該南 ê kiáⁿ,該南是亞法撒ê kiáⁿ,亞法撒是閃ê kiáⁿ,閃是挪亞ê kiáⁿ,挪亞是拉麥 ê kiáⁿ,
3:37 拉麥是瑪土撒拉ê kiáⁿ,瑪土撒拉是以諾ê kiáⁿ,以諾是雅列 ê kiáⁿ,雅列是瑪勒列ê kiáⁿ,瑪勒列是該南 ê kiáⁿ,該南是以挪士 ê kiáⁿ,
3:38 以挪士是設ê kiáⁿ,設是亞當ê kiáⁿ,亞當是上帝ê kiáⁿ。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。