聖經閱讀

版本選擇有地理

查字典本章地圖影像 [ 條列 | 表格 | 整段 ] 繁簡語態度量衡其他閱讀計畫

新版查詢或移至：說明

馬可福音四福音合參線上收聽:中文和合本現代中文譯本修訂版現代台語台語聖經台語(長老會傳播中心授權）客語現代客語福州話粵語和合本希臘文(WH-NT) 下載檔案關於語音聖經

3:1

耶穌醫好瘸手ê人

(太12：9-14；路6：6-11)

耶穌koh入去會堂；tī hia有一个瘸手ê人。
3:2 有一kóa人等teh看耶穌tī安息日有beh醫治chitê人á無；意思是ài beh kā祂告。
3:3 耶穌to̍h kā瘸手ê講：「來khiā tòa中央。」
3:4 然後問群眾講：「安息日做好tāichì á是做pháiⁿ tāichì；救人ê性命á是害人ê性命，tó一項khah合法？」In lóng恬恬無應半句。
3:5 耶穌受氣，一个一个kā in看，為tio̍h in ê心硬憂悶。祂to̍h對hitê人講：「Kā你ê手伸出來。」Hitê人一下kā手伸出去，手就復原。
3:6 法利賽派ê人to̍h tùi會堂出去，隨時kah希律黨ê人做伙計謀，看thang án怎來害死耶穌。
3:7

醫病koh趕出邪神

耶穌kah門徒退去加利利湖邊，有一大陣加利利人tòe祂去。
3:8 Mā有一大陣人聽tio̍h耶穌所做ê tāichì，to̍h tùi偤太、耶路撒冷、Î-tó͘-má-iah、約旦河外，kah推羅、西頓境內來chhōe祂。
3:9 因為人挨挨陣陣真chē，耶穌to̍h吩咐門徒tio̍h準備一隻船á來hō͘祂坐，chiah免得hō͘人kā祂kheh扁去。
3:10 因為耶穌有醫好真chē病人，所以，有病ê人lóng逼óa來ài beh kā祂摸。
3:11 Hiahê邪神一下看tio̍h耶穌to̍h仆tī祂ê面前，大聲hoah：「祢是上帝ê Kiáⁿ。」
3:12 耶穌chia̍p-chia̍p警戒in：m̄ thang公開講起祂ê tāichì。
3:13

耶穌設立十二使徒

(太10：1-4；路6：12-16)

耶穌上山，召集祂所kah意ê人。Into̍h來到祂hia。
3:14 祂to̍h設立十二人做祂ê使徒，thang kah祂tiāⁿ-tiāⁿ 做伙，mā thang 差in去宣揚道理；
3:15 祂koh hō͘ in有趕鬼ê權柄。
3:16 十二人to̍h是：西門，耶穌kā伊號做彼得。
3:17 Koh有西庇太ê kiáⁿ雅各kah伊ê兄弟約翰；耶穌kā chit兩个人號做Boánne-ge̍h，意思to̍h是「雷公ê kiáⁿ」。
3:18 Koh有安得烈、腓力、巴多羅買、馬太、多馬、亞勒腓 ê kiáⁿ雅各、達太，kah激進黨員ê西門，
3:19 以及hitê出賣耶穌ê加略人偤大。
3:20

對耶穌ê誤解

(太12：22-32；路11：14-23；12：10)

耶穌tńg去厝裡。眾人koh聚集óa來，耶穌kah門徒soah bē顧得食飯。
3:21 祂ê親人聽tio̍h，to̍h出來beh kā祂掠teh，因為有人講祂ê精神失常。
3:22 Tùi耶路撒冷落來ê經學教師講：「祂是hō͘鬼王別西卜附身。」In koh講：「祂是óa靠hitê鬼王來趕鬼。」
3:23 耶穌叫in來，to̍h用譬喻kā in講：「撒旦ná ē趕撒旦？
3:24 國家若紛爭內亂，hitê國家一定ē滅亡。
3:25 家庭若起紛爭，hitê家庭mā一定khiā bē tiâu。
3:26 撒旦若kakī 互相攻擊，伊mā是khiā bē tiâu，一定ē滅亡。
3:27 無人ē tàng入去勇士ê厝來搶伊ê財物，tio̍h tāi先kā hitê勇士縛起來，然後chiah ē tàng劫伊厝內ê財物。
3:28 我實在kā lín講，世間人無論犯啥物罪，講啥物譭謗ê話，lóngē得tio̍h赦免。
3:29 獨獨無論啥人褻瀆聖神，伊絕對bē tàng得tio̍h赦免，因為伊是犯tio̍h永遠bē tàng赦免ê罪。」
3:30 耶穌講chiahê話，是因為有人講：「祂hō͘邪神附身。」
3:31

耶穌ê老母kah兄弟

(太12：46-50；路8：19-21)

耶穌ê老母kah祂ê兄弟來khiā tī外面，差人去叫祂。
3:32 群眾坐tī耶穌ê四箍圍，有人kā祂講：「祢看，祢ê老母kah祢ê兄弟tī外面beh chhōe祢。」
3:33 耶穌應講：「啥人是我ê老母，我ê兄弟？」
3:34 然後祂to̍h kā hiahê坐tī祂四箍圍ê人看一liàn，講：「Lín chiahê to̍h是我ê老母kah我ê兄弟。
3:35 遵照上帝旨意ê人to̍h是我ê兄弟、姊妹kah老母。」

查詢或移至：說明

[ 條列 | 表格 | 整段 ] 繁簡語態重新查詢影像本章地圖度量衡其他

中文:和合本和合本2010現代中文譯本1995版現代中文譯本2019版新譯本中文標準譯本恢復本思高譯本呂振中譯本NET聖經中譯本聖經公會四福音書共同譯本深文理和合本新遺詔聖經官話和合本北京官話譯本文理和合本淺文理和合本王元德官話譯本俄羅斯正教文理譯本白日昇徐約翰文理譯本神天聖書文理委辦譯本施約瑟淺文理譯本馬殊曼譯本高德譯本胡德邁譯本粦為仁譯本徐匯官話新譯福音王多默聖史宗徒行實蕭舜華官話四人小組譯本聖保祿書翰並數位宗徒涵牘德如瑟四史聖經譯註郭實臘新遺詔書和舊遺詔聖書宗徒大事錄和新經譯義馬相伯救世福音俄羅斯正教新遺詔聖經卜士傑新經公函與默示錄太平天國文理譯本許彬文四史全編原文直譯(參考用)
英文:ESVKJVBBEWEBASVDarbyERV
原文與古譯本:新約原文
台客語:現代台語2021版漢字現代台語2021版全羅聖經公會巴克禮台漢本現代台語2013版全羅現代台語2013版漢字紅皮聖經全羅紅皮聖經漢羅巴克禮全羅巴克禮漢羅聖經公會現代客語全羅聖經公會現代客語漢字汕頭客語聖經全民台語聖經全羅全民台語聖經漢羅全民台語聖經Ruby
其他:聖經公會布農語聖經卑南語多納魯凱語馬可福音茂林魯凱語馬可福音萬山魯凱語馬可福音聖經公會泰雅爾語聖經聖經公會鄒語聖經聖經公會魯凱語聖經賽德克族Tgdaya語聖經公會阿美語1997聖經公會阿美語2019聖經公會太魯閣語聖經聖經公會達悟語新約聖經印尼聖經越南聖經俄文聖經韓文聖經日語聖經藏語聖經武加大譯本新武加大譯本

各聖經譯本著作權如版權說明。

本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。

信望愛站使用cookies 技術來強化網站功能，您使用本網站，表示您同意我們使用 cookies 技術.