瑪拉基書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
2:1 Lín chiahê祭司，chitê命令是hō͘ lín ê。
2:2 萬軍ê上主講：「Lín若m̄聽，m̄ hē tī心裡，來歸榮光hō͘我ê名，我to̍h beh hō͘咒詛臨到tī lín，hō͘ lín ê福氣變做咒詛；我已經咒詛，因為lín無kā chitê命令hē tī心裡。
2:3 你看，我beh為tio̍h lín來phah-pháiⁿ種籽，koh用糞糊lín ê面，to̍h是lín ê牲禮ê糞，línē kah它做伙受除去。
2:4 Lin2to̍h ē知我用chitê命令hō͘ lín，thang做我kah利未所立ê約。這是萬軍ê上主講ê。
2:5 「我kah伊所立ê是活命kah平安ê約。我kā這hō͘伊，hō͘伊驚畏，伊to̍h驚畏我，敬畏我ê名。
2:6 真理ê律法tī祂ê嘴內，tī祂ê嘴唇chhōe無不義，祂用平安、正直kah我同行，hō͘真chē人oa̍t tńg來離開pháiⁿ。
2:7 因為祭司ê嘴唇tio̍h存智識，人tio̍h tùi伊ê嘴請教律法，因為伊是萬軍ê上主ê使者。
2:8 「總是，lín有離開hit條路，hō͘真chē人tī律法跋倒；lín敗壞利未ê約。這是萬軍ê上主講ê。
2:9 所以，我hō͘ lín hō͘群眾看輕，看做下賤；因為lín無遵守我ê道路，tī律法用偏私款待人。」
2:10 人民對上帝無忠實
咱kám m̄是仝一个父？Kám m̄是仝一位上帝創造咱？咱ta̍k人ná ē用詭詐款待兄弟，來敗壞祖先ê約？
2:11 偤大行詭詐，koh tī以色列kah耶路撒冷ê中間行可惡ê tāichì；因為偤大褻瀆上主所疼ê聖所，娶服事外邦神明ê chabó͘ kiáⁿ做bó͘。
2:12 行chit款tāichì ê人，願上主tùi雅各ê布棚中，除去伊所有ê人，á是叫醒人ê（註：指祭司），á是應答人ê（註：指經學教師），以及獻禮物hō͘萬軍ê上主ê。
2:13 Lín koh ánne做，hō͘目屎啼哭kah吐氣遍滿上主ê壇，致使祂無koh看顧禮物，mā無歡喜tùi lín ê手接納。
2:14 Lín iáu koh講：「這是teh chhòng啥？」因為上主tī你kah你少年所娶ê bó͘中間做見證，她雖然是你ê匹配，koh是你盟約ê bó͘，你iáu koh用詭詐kā她款待。
2:15 祂ê聖神雖然有能力加造人數，kám m̄是kantaⁿ造一个？Ná會只有造一个？to̍h是beh求聖ê kiáⁿ孫。所以，tio̍h謹守lín ê心神，ta̍k人m̄ thang用詭詐款待少年所娶ê bó͘。
2:16 上主—以色列ê上帝講：「離bó͘ ê tāichì，kah用強暴款待bó͘ ê人，我怨恨伊！所以，tio̍h謹慎守lín ê心神，m̄ thang行詭詐。這是萬軍ê上主講ê。」
2:17 審判ê日子teh beh到
Lín用話刁難上主，lín iáu koh講：「阮用啥物kā祂刁難？」因為lín講：「凡若做pháiⁿ ê，上主看伊做好，koh歡喜伊。」á是因為lín講：「公義ê上帝tī tó位？」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。