以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
46:1 君王kah節期
至koân上主ánne講：「內院ǹg東ê門，tī做工ê六工內一定tio̍h關；獨獨tī安息日tio̍h開，每月ê初一mā tio̍h開。
46:2 君王tio̍h tùi chitê門ê廊tùi外面入來，khiā tī門框邊。祭司tio̍h準備伊ê燒祭kah伊ê謝恩祭，伊tio̍h tī戶碇hit所在敬拜，然後出去。Chitê門到ê-hng時lóng m̄ thang關。
46:3 Tī chiahê安息日kah每月ê初一，國內ê人民tio̍h tī chitê門口敬拜上主。
46:4 君王tī安息日所tio̍h獻hō͘上主ê燒祭，tio̍h用無缺點ê羊羔六隻，無缺點ê綿羊káng一隻；
46:5 伊為tio̍h hit隻綿羊káng ê素祭tio̍h一个伊法，為tio̍h hiahê羊羔ê素祭是照伊ê經濟力量，一个伊法配油一欣。
46:6 當月ê初一，tio̍h獻無缺點ê牛káng一隻、羊羔六隻、綿羊káng一隻，lóng tio̍h無缺點ê。
46:7 伊mā tio̍h準備素祭，為tio̍h牛káng獻一个伊法，為tio̍h綿羊káng獻一个伊法，為tio̍h hiahê羊羔就照伊ê經濟力量，一个伊法配油一欣。
46:8 君王入來ê時，tio̍h tùi chitê門ê廊入來，mā tio̍h tùi chitê路出去。
46:9 「Tī ta̍k个節期，國內ê人民朝見上主ê時，tùi北門入來敬拜ê tio̍h tùi南門出去；tùi南門入來ê tio̍h tùi北門出去；m̄ thang對所入來ê門oa̍t倒tńg去，tio̍h直直進前出去。
46:10 人民入去ê時，君王mā tio̍h tī in ê中間入去；人民出去，君王mā tio̍h kah in出去。
46:11 Tī節期kah大會ê時，素祭tio̍h為tio̍h一隻牛káng獻一个伊法，為tio̍h一隻綿羊káng獻一个伊法，為tio̍h hiahê羊羔就照伊ê經濟力量，一个伊法配油一欣。
46:12 「君王若準備甘心ê祭，燒祭á是謝恩祭做甘心ê祭，來獻hō͘上主，tio̍h有人kā伊開ǹg東ê門，伊tio̍h準備伊ê燒祭kah伊ê謝恩祭，親像tī安息日所做ê，然後伊tio̍h出去。出去了後，tio̍h有人kā伊關門。」
46:13 每日Tio̍h獻ê祭
上主講：「你tio̍h ta̍k工準備無缺點未滿年ê羊羔一隻，來做燒祭獻hō͘上主；ta̍k早起tio̍h ánne準備。
46:14 Ta̍k早起mā tio̍h準備做伙獻ê素祭，一伊法ê六分之一kah三分之一欣ê油chhiau和麵粉。Chitê素祭tio̍h tiāⁿ-tiāⁿ 獻hō͘上主，做永遠定tio̍h ê例。
46:15 In tio̍h ta̍k早起ánne準備羊羔、素祭kah油，做tiāⁿ-tiāⁿ 獻ê燒祭。」
46:16 王kah土地
至koân上主ánne講：「君王若kā產業hō͘伊ê kiáⁿ ê一个，to̍h是做伊ê產業，歸tī伊hiahê kiáⁿ，是in承接做產業ê。
46:17 總是，伊若kā伊ê產業ê一份hō͘伊ê人臣中間ê一个，是做人臣ê到自由ê年，hit時猶原歸tī君王。講tio̍h伊ê產業，tio̍h留hō͘伊hiahê kiáⁿ。
46:18 君王m̄ thang搶奪人民ê產業，來趕in離開in所承接ê；伊tio̍h tùi kakī ê產業中間kā產業hō͘伊ê kiáⁿ；免得我ê人民四散，ta̍k人離開伊所承接ê產業。」
46:19 聖殿ê廚房
伊to̍hchhoa7我tùi門邊ê路入來到祭司ǹg北hiahê聖ê房間；你看，後面西pêng有一个所在。
46:20 伊to̍hka7我講：「這是祭司煮補過失祭kah贖罪祭，以及煏素祭ê所在；免得帶到外院，ánne來hō͘人民成做聖。」
46:21 伊koh chhōa我出去到外院，hō͘我經過院ê四個角頭；你看，tī hitê院ta̍k个角頭各有一个院。
46:22 Tī院ê四角頭有院，四面有牆圍teh；ta̍k个院，長四十肘，闊三十；四個角頭ê院，in ê寸尺lóng仝款。
46:23 四個院ê四箍圍有起一列，它ê下面lóng有煮物ê所在。
46:24 伊kā我講：「Chiahê to̍h是煮物ê灶腳，殿內chiahê做差用ê tī chia煮人民ê祭祀。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。