以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
30:1 上主beh懲罰埃及
上主ê話臨到我，講：
30:2 「人子，你tio̍h去宣講，至koân上主ánne講：慘ah chit日！Lín tio̍h啼哭。
30:3 因為日近à，to̍h是上主ê日近à，to̍h是密雲ê日，beh做列國ê時期。
30:4 ē有刀劍臨到埃及；tī埃及受thâiê人倒落去ê時，古實人to̍h有痛苦，in ē掠她ê眾人，拆毀她ê地基。
30:5 「古實人、弗人、路德人、參插ê人民kah Ku-p人，以及同盟ê國ê人民，lóngē kah in做伙倒tī刀下。」
30:6 上主ánne講：「扶助埃及ê mā ē倒。伊勢力ê驕傲ē降低；tùi Su-be-neh ê塔起，in lóngē tī hia倒tī刀下。這是至koân上主講ê。
30:7 Inē tī稀微ê地ê中間來成做稀微；伊chiahê城mā ē列tī chiahê荒廢ê城ê中間。
30:8 當我放火tī埃及，見若kā她幫贊ê lóngē受滅亡。Hit時，into̍h ē知我是上主。
30:9 「到hit日，ē有使者tùi我ê面前坐船出去，hō͘安然生活ê古實人驚惶；ē有痛苦臨到in，親像埃及ê日ánne。你看，tāichì來à！」
30:10 至koân上主ánne講：「我beh用巴比倫王—尼布甲尼撒ê手，來滅埃及ê眾人。
30:11 伊kah tòe伊ê人，to̍h是列國中強暴êē來毀滅chitê地；in ē拔刀攻擊埃及，hō͘全地有受thâiê人。
30:12 我beh hō͘ hiahê江河乾去，mā beh用hitê地賣hō͘ pháiⁿ人ê手；我beh用外邦ê手hō͘ hitê地kah其中所有ê變做稀微。這是上主講ê。」
30:13 至koân上主ánne講：「我beh毀滅hiahê偶像，tùi挪弗除滅神佛；一定無koh有君王tùi埃及地出。我beh降落驚惶tī埃及地。
30:14 我beh hō͘巴忒羅稀微，放火tī瑣安ê中間；行審判ê tāichì tī挪ê所在。
30:15 我beh piàⁿ出我ê大受氣tī汛，to̍h是埃及ê城堡，mā beh滅挪ê眾人。
30:16 我beh放火tī埃及，汛會tú tio̍h大痛苦；挪會tú tio̍h攻破，挪弗會當頭白日tú tio̍h對敵。
30:17 亞捫kah Pi-be-siat ê少年人ē倒tī刀下；inē hō͘人掠去。
30:18 我tī答比匿at斷埃及chiahê枷擔（ka-taⁿ），hō͘她因為勢力ê驕傲tī她ê中間soah去。Hit時，tī hia日烏暗；講tio̍h chitê城，ē有密雲遮蓋，她中間ê chabó͘ kiáⁿē hō͘人掠去。
30:19 我beh ánne審判埃及，into̍h ē知我是上主。」
30:20 埃及王ê失敗
十一年正月初七，上主ê話臨到我，講：
30:21 「人子，我已經at斷埃及王—法老ê手骨；無包伊ê傷，無糊藥，無紮布條，thang hō͘伊有力gia̍h刀。
30:22 所以，至koân上主ánne講：你看，我kah埃及王—法老做對敵，beh kā伊勇ê兩支手骨at斷，beh做一下at斷，hō͘刀tùi伊ê手ka-la̍uh。
30:23 我beh kā埃及人分散去tī列國，四散tī列邦。
30:24 我beh hō͘巴比倫王ê手骨有力，kā我ê刀交tī伊ê手；我beh at斷法老ê手骨，伊ētī伊ê面前哀聲吐氣，親像死傷ê人teh哀聲吐氣。
30:25 我beh扶巴比倫王ê手骨，法老ê手骨會垂落去；我kā我ê刀交tī巴比倫王ê手，伊ē伸出hit支刀tī埃及地；hit時into̍h ē知我是上主。
30:26 我beh kā埃及人分散去tī列國，四散tī列邦。Into̍h ē知我是上主。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。