以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
23:1 兩 个犯罪ê姊妹
上主ê話koh臨到我，講：
23:2 「人子，有兩 个chabó͘人，in是仝一个老母生ê。
23:3 In tī埃及行姦淫，to̍h是tī少年ê時行姦淫。Tī hia in ê奶hō͘人teh，koh tī hia人捏（lia̍p）她在室女ê奶頭。
23:4 In ê名：大姊名A-hô-la̍h，小妹名A-hô-lí-bah；in lóng嫁hō͘我，有生kiáⁿ兒。講tio̍h in ê名，A-hô-la̍h to̍h是撒馬利亞，A-hô-lí-bah to̍h是耶路撒冷。
23:5 「A-hô-la̍h嫁hō͘我了後，to̍h去行姦淫，戀愛她相好ê人，to̍h是她ê隔壁國亞述人。
23:6 In穿藍色ê衫，做省長，做官員，lóng是可愛ê少年人，koh是騎馬ê勇士。
23:7 她to̍h kah in行姦淫，to̍h是kah她所意愛ê亞述人；見若她所戀愛ê，to̍h用in一切ê偶像來kā kakī òe lahsap。
23:8 她mā無放sak她tī埃及習慣行ê淫亂，因為她iáu少年ê時，to̍h有人kah她做伙睏，捏她在室女ê奶，koh流出她淫亂ê tāichì tī hia。
23:9 因為ánne，我kā她交tī她相好ê人ê手，to̍h是她所戀愛ê亞述人ê手。
23:10 In就露現她ê下身，用刀thâi她，掠她ê kiáⁿ兒，hō͘她tī chabó͘人中間留臭名，因為in對她行審判。
23:11 「她ê小妹A-hô-lí-bah看tio̍h ánne，就比她koh khah放縱淫慾；行姦淫比她ê大姊koh khah傷重。
23:12 她戀愛隔壁國ê亞述人，to̍h是穿極súi ê衫褲，做省長，做官員，騎馬ê勇士，lóng是可愛ê少年人。
23:13 我看tio̍h她受òe lahsap，姊妹á兩 个行仝路。
23:14 「她mā加添她ê淫行，因為她看tio̍h人ê像畫tī壁裡，to̍h是用朱紅色所畫ê迦勒底人ê像，
23:15 腰縖帶，頭殼包彩色ê巾垂落來；看起來親像軍長，照巴比倫人ê形像；in ê本所在to̍h是迦勒底。
23:16 她一下看tio̍h就戀愛in，隨時差使者去迦勒底hia見in。
23:17 巴比倫人to̍h來，kah她chiuΝ7愛情ê眠床，行姦淫來kā她òe lahsap。她受òe lahsap以後，心to̍h kah in冷淡。
23:18 Án-ne，她露現她ê淫行，koh露現她ê下身，我ê心to̍h kah她冷淡，親像早前kah她ê大姊冷淡。
23:19 她iáu koh khah行淫亂，ē記得她少年tī埃及地行姦淫ê日。
23:20 戀愛她相好ê人，身軀勇壯koh精力飽足，親像驢á，親像馬。
23:21 Án-ne，你就ē記得你少年ê時ê淫行。Hit時，埃及人teh你ê奶，數念你少年ê奶。」
23:22 上帝審判小妹
關係A-hô-lí-bah，至koân上主ánne講：「你看，我beh激動你chiahê相好ê來攻擊你，to̍h是你ê心所冷淡ê，我beh hō͘伊tùi四箍圍來攻擊你。
23:23 to̍h是巴比倫人、迦勒底眾人kah Pe-ko͘t、書亞、Go-ah chiahê族。亞述ê眾人kah in來，有省長、官員、軍長、有名聲ê、騎馬ê，lóng是可愛ê少年人。
23:24 In會帶軍器、戰車kah運糧ê車，chhōa大隊ê群眾來攻擊你。In gia̍h大牌、小牌koh戴頭盔，排陣tī你ê四箍圍來攻擊你。我ē kā審判ê tāichì交帶in，inē用in ê律法kā你審判。
23:25 我beh用我ê嫉妒來攻擊你；inē用大受氣來辦你。In會割你ê鼻kah耳á；你所chhun落來ê人ē倒tī刀下。In會掠你ê kiáⁿ兒，你所留落來ê mā ē hō͘火燒燒去。
23:26 In會剝（pak）你ê衫褲，搶你súi ê寶物。
23:27 Án-ne，我beh hō͘你ê淫行kah你tī埃及地習慣行ê淫亂lóng soah去，hō͘你無koh gia̍h頭看in，mā無koh記念埃及。
23:28 「因為至koân上主ánne講：你看，我beh kā你交tī你所怨恨ê人ê手，to̍h是你ê心kah in冷淡ê人ê手。
23:29 Inē怨恨來辦你，搶奪你一切勞碌所得tio̍h ê，chhun你一个人赤身露體。你淫亂ê下身，連你ê淫行kah你ê淫亂lóng ē露現。
23:30 你ētú tio̍h hiahê tāichì，因為你tòe外邦人來行淫亂，koh因為你tùi in hiahê偶像來無清氣。
23:31 你有行你ê大姊ê路，所以我beh kā她ê杯交tī你ê手。」
23:32 至koân上主ánne講：你tio̍h lim你ê大姊所lim ê杯；hitê杯深koh闊，貯真chē物，你to̍h ēhō͘人恥笑、khau洗。
23:33 你ē大酒醉，大憂苦，lim lín大姊撒馬利亞ê杯，to̍h是hō͘人tio̍h驚kah gāng去ê悽慘ê杯。
23:34 你ēlim chitê杯，lim到乾乾，koh用破杯ê碎片割裂kakī ê奶；因為chitê tāichì我bat講起。這是至koân上主講ê。
23:35 所以，至koân上主ánne講：「因為你bē記得我，kā我hiat tī你ê尻脊後，taⁿ你tio̍h擔當你ê淫亂kah你放縱私慾ê罪。」
23:36 上帝審判兩姊妹
上主koh對我講：「人子，你kám beh審問A-hô-la̍h kah A-hô-lí-bah？你tio̍h指出in所行可惡ê tāichì。
23:37 In行姦淫，mā有血tī她ê手，koh kah偶像行姦淫，mā hō͘ in tùi我所生ê kiáⁿ經過火，hō͘ in吞食。
23:38 Chitê以外，in iáu有對我ánne行，to̍h是仝hit日，她kā我ê聖所òe lahsap，違犯我chiahê安息日。
23:39 InthâikiaN2獻hō͘偶像，當hit日koh入去我ê聖所，來kā它òe lahsap。你看，in tī我ê厝內ánne行。
23:40 「而且lín有差使者去請遠遠ê人。使者到in hia ê時，你看，in to̍h來。你為tio̍h in洗身軀，畫目眉，用裝飾品打扮kakī ，
23:41 坐tī súi ê眠床，床頭前chhāi一塊桌，kā我ê芳料、我ê芳油排tī hit頂面。
23:42 Kah伊tī hia ê有kui陣ê人，khùiⁿ活歡喜ê聲，mā有粗俗人kah酒漢tùi曠野做伙來，kā手環掛tī in兩 个人ê手，kā súi帽戴tī in ê頭殼。
23:43 「我講tio̍h chitê老ê淫婦有講：Chit-má人iáu beh kah她行姦淫，她mā beh kah人行姦淫。
23:44 人入去見她，親像來見娼妓；ánne in來見兩 个淫婦— A-hô-la̍h kah A-hô-lí-bah。
23:45 ē有義人照審判淫婦ê例，kah流人ê血ê chabó͘人ê例來審判in；因為in是淫婦，mā有血tī她ê手。」
23:46 至koân上主ánne講：「我beh chhōa真chē人來kā in攻擊，hō͘ in hông hiat來hiat去，tú tio̍h搶奪。
23:47 Hiahê人ē用石頭kā in tìm死，用刀劍kā inthâi死，koh kā in ê kiáⁿ兒thâi死，用火燒in ê厝宅。
23:48 Án-ne，我beh hō͘境內無koh有淫行，thang hō͘所有ê chabó͘人受警戒，無學lín ê淫行。
23:49 人ē照lín ê淫行kā lín報應，lín mā tio̍h擔當chiahê拜偶像ê罪。Lin2to̍h ē知我是上主。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。