以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
22:1 耶路撒冷ê犯罪
上主ê話koh臨到我，講：
22:2 「人子，你kám ē審問，審問hō͘人流血ê城？Tio̍h hō͘她知她一切可惡ê tāichì。
22:3 你tio̍h講，至koân上主ánne講：Chitê城，有流人ê血tī hit內面，hō͘她ê日子到，koh妝偶像來kā kakī òe lahsap，陷害kakī 。
22:4 因為你hō͘人流血，to̍h有罪；你妝偶像是kā kakī òe lahsap；你to̍h hō͘你ê日接近，你已經到你ê年歲。所以，我hō͘你受列國ê凌辱，列邦ê恥笑。
22:5 你chitê臭名真chē koh擾亂ê城，hiahê離開你近，á是離開你遠ê，lóngē kā你恥笑。
22:6 「你看，以色列ê首領ta̍k个逞（théng）伊ê氣力，tī你中間流人ê血。
22:7 Tī你中間有侮慢父母，tī你中間有壓制出外人，tī你中間有辜負孤兒、寡婦ê。
22:8 你看輕我ê聖物，犯tio̍h我ê安息日。
22:9 Tī lín中間有譭謗人kah beh hō͘人流血ê；tī lín中間有tī山頂食祭物，tī lín中間有行姦淫。
22:10 Tī lín中間有露現老父ê下身，tī lín中間有凌辱月經無清氣ê chabó͘人ê。
22:11 有人kah厝邊ê bó͘行可惡ê tāichì，mā有人淫伊ê新婦來kā她òe lahsap；tī lín中間mā有人凌辱伊ê姊妹，to̍h是伊ê老父ê chabó͘ kiáⁿ。
22:12 Tī lín中間有接受烏紗來流人ê血，你mā有the̍h利息、討利息。你因為貪心，勒索（lek-sek）厝邊，得tio̍h財利，你竟然bē記得我。這是至koân上主講ê。
22:13 「你看，我因為你所得tio̍h不義ê錢kah你中間所流ê血，我to̍hphah phok-á。
22:14 到我辦你ê日，你ê心kám iáu會忍受？你ê手kám iáu ē有力？上主講chitê話，to̍h beh照ánne行。
22:15 我beh kā你分散去tī列國，kā你四散tī列邦。我beh除去你中間ê污穢。
22:16 你ētī列國人ê面前，因為kakī ê所行受譭謗；你to̍h ē知我是上主。」
22:17 上主ê大煉爐
上主ê話臨到我，講：
22:18 「人子，以色列ê子民在我看是渣滓。In lóng是火爐中ê銅、錫、鐵、鉛，lóng是銀ê渣滓（che-tái）。
22:19 所以，至koân上主ánne講：因為lín lóng成做渣滓，你看，我beh tī耶路撒冷ê中間kā lín聚集。
22:20 人án怎kā銀、銅、鐵、鉛kah錫聚集tī火爐中，牽火hō͘它熔；ánne，我mā beh用我ê受氣kah大受氣，kā lín聚集來hē tī hia，來kā lín熔化。
22:21 我beh kā lín聚集，用我大受氣ê火pûn lín，lín to̍h ētī hit中間熔化。
22:22 銀án怎熔tī火爐中，lín mā ē ánne tī hit中間熔去，lín to̍h ē知我—上主piàⁿ出我ê大受氣tī lín ê頂面。」
22:23 以色列眾頭人ê罪惡
上主ê話臨到我，講：
22:24 「人子，你tio̍h對chitê地講：你是bē tàng清氣ê地，tī大受氣ê日，mā無落雨tī你hia。
22:25 你中間ê先知lóng結黨，親像hm̄-hm̄哮ê獅抓（jiàu）tio̍h所搶ê物，in吞食人ê神魂，搶人ê財物、寶物，hō͘ in中間ê寡婦koh khah chē。
22:26 伊ê祭司歪曲我ê律法，褻瀆我ê聖所，無分別聖ê kah粗俗ê，mā無hō͘人分別清氣ê kah無清氣ê，koh掩目chiu m̄看我chiahê安息日，我mā tī in中間受褻瀆。
22:27 伊ê貴族親像豺狼抓tio̍h所搶ê物，thâi人流血，傷害人ê性命，ài得tio̍h不義ê錢財。
22:28 伊ê先知親像用灰水kā in筅（chhéng）白，看虛假ê異象，用白賊kā in占卜，講：『至koân上主ánne講』，其實上主無影ánne講。
22:29 國內ê人民一味行壓制，習慣搶人；辜負sànchhiah困苦ê，無情理欺壓出外人。
22:30 我tī in中間chhōe看有一个人thang來圍牆，tī我ê面前為tio̍h chitê國khiā tī破隙ê所在，thang hō͘我無kā它剿滅掉，總是，chhōe無kah一个。
22:31 所以，我kā我ê痛恨piàⁿ tī in ê頂面，用我大受氣ê火kā in滅亡，照in所行ê來報應tī in ê頭殼頂。這是至koân上主講ê。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。