以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
21:1 上主ê劍
上主ê話臨到我，講：
21:2 「人子，你tio̍h面ǹg耶路撒冷，ǹg hiahê聖所piàⁿ出話來宣布，講beh攻擊以色列地。
21:3 對以色列地講，上主ánne講：你看，我beh抵敵你，mā beh拔我ê刀出它ê鞘，tùi你ê中間剪除義人、pháiⁿ人。
21:4 我既然beh對你ê中間剪除義人kah pháiⁿ人，所以我ê刀beh出它ê鞘，tùi南到北，攻擊一切有血氣ê。
21:5 一切有血氣e5to̍h ē知我—上主已經拔刀出它ê鞘，一定無koh收入鞘。
21:6 人子，你tio̍h吐氣，kahná腰骨at斷來痛苦；tī in ê面前吐氣。
21:7 In問你講：『你ná ē吐氣？』你to̍h tio̍h講：『因為有風聲tāichì beh來，人ê心lóngē消熔，手lóng痠軟，精神衰敗，腳頭u軟弱kah ná親像水。你看，chitê tāichì teh beh來，一定ē成。這是至koân上主講ê。』」
21:8 上主ê話臨到我，講：
21:9 「人子，你tio̍h宣講道理，上主ánne講，你tio̍h講：有刀，有刀，是磨利鑢（lè）光ê。
21:10 磨利是behthâi人，鑢光是beh親像sihnà；咱kám thang歡喜？我ê kiáⁿ ê柺á藐視眾樹木。
21:11 Chit支刀已經交hō͘人去鑢光，thang hō͘人ê手gia̍h；它已經磨利、鑢光，thang交ti7thâi人ê ê手。
21:12 人子，你tio̍h hoah，大聲hoah，因為chitê臨到我ê子民kah以色列所有ê貴族。In kah我ê子民lóng交tī刀下，所以，你tio̍h phah大腿來吐氣看破。
21:13 有teh試煉ê tāichì；若hitê藐視權柄ê柺á無去，ē án怎？這是至koân上主講ê。
21:14 「人子，你tio̍h搭手來宣布，chit支刀tio̍h再三加倍，to̍h是hō͘人tio̍h重傷ê刀，mā是hō͘大人tio̍h重傷ê刀，是入去tī房間內thâi人ê。
21:15 我準備hō͘人驚ê刀，kā in攻擊所有ê城門；hō͘ in ê心消熔，加添in跋倒ê tāichì。Hāiⁿ ah，chit支刀創kah ná親像sihnà，磨kah真利，behthâi死人。
21:16 你tio̍h合óa來，ǹg正pêng，排陣ǹg倒pêng；chhut-chāi你ê面ài ǹg tó位，就ǹg hia。
21:17 我mā beh搭手，mā beh hō͘我ê大受氣soah。這是上主講ê。」
21:18 巴比倫王ê劍
上主ê話koh臨到我，講：
21:19 「人子，你tio̍h為kakī 本身設兩條路，thang hō͘巴比倫王ê刀劍tùi hia來。Chit兩條路tio̍h tùi一个所在分開，koh tio̍h畫一支手，畫tī透到城ê路頭。
21:20 你tio̍h設一條路，hō͘刀來到亞捫人ê拉巴，mā thang去到偤大堅固ê城—耶路撒冷。
21:21 因為巴比倫王khiā tī雙叉路hia，tī兩條路頭beh占卜，伊ē搖箭來問偶像，驗牲禮ê肝。
21:22 Tī伊ê正手，有占卜去耶路撒冷ê箭；設羊頭鎚，開嘴hoahthâi，大聲hoah，設羊頭鎚來攻擊城門，起土堆來造台。
21:23 Hiahê bat對in chiùchōa ê人kā伊看做是假ê占卜；總是，伊ēhō͘人ē記得in ê pháiⁿ，致使in眾人受掠。」
21:24 所以，至koân上主ánne講：「因為lín ê過失露現，hō͘ lín ê罪過tú tio̍hē記得，致使lín ê罪惡lóng顯出tī lín ê行為，koh因為lín hō͘人ē記得，ē hō͘人ê手掠去。
21:25 「你chitê受重傷行pháiⁿ ê以色列王，你ê罪惡貫滿，你ê日子到à。
21:26 至koân上主ánne講：Tio̍h除去王冠，liù冕旒，無koh有chit款景況；taⁿ beh hō͘低ê升高，koân ê降低。
21:27 我beh chhia倒，chhia倒，kā伊chhia倒；無koh有chitê，thèng候應該得tio̍h ê到，我to̍h hō͘伊。」
21:28 劍kah亞捫人
「人子，你tio̍h宣講道理，至koân上主講tio̍h亞捫人kah in ê侮慢，有ánne講，你tio̍h講：有刀，有拔出ê刀，已經鑢（lè）光beh來thâi死人，hō͘伊親像sihnà teh吞滅人。
21:29 「人為tio̍h你看虛假ê異象，行白賊ê占卜，kā你hē tī受重傷pháiⁿ人ê頷頸。In ê罪惡貫滿，in ê日子到à。
21:30 「Hō͘刀入鞘！我beh tī你受造ê位，生長ê地，kā你審判。
21:31 我beh kā我ê痛恨piàⁿ tī你ê身上，kā我大受氣ê火pûn tī你；kā你交tī殘忍koh gau5thâi人ê ê手。
21:32 你ē成做hiâⁿ火ê柴，你ê血會流tī chitê所在，你無koh得tio̍h記念；因為這是上主講ê。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。