耶利米書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
42:1 人民求耶利米代禱
眾軍長、加利亞ê kiáⁿ約哈難、Ho-sia-iah ê kiáⁿ Ia-cha-ni-iah，以及眾人，tùi細到大lóng進前來，
42:2 對耶利米先知講：「求你准阮tī你面前ê所求，替阮chiahê chhun落來ê人對上主—你ê上帝祈禱。阮本來有真chē人，taⁿ所chhun落來ê真少，這是你親目所看tio̍h ·ê。
42:3 願上主—你ê上帝指示阮所tio̍h行ê路，所tio̍h做ê tāichì。」
42:4 耶利米先知kā in講：「我已經聽tio̍h，好，我ē照lín ê話對上主—lín ê上帝祈禱。無論上主應lín啥物，我一定lóngē kā lín講，bē對lín隱密kah半句。」
42:5 就ánne，in kā耶利米講：「阮若無照上主—你ê上帝差你來講一切ê話去行，就願上主tī你kah阮ê中間做真實忠信ê見證。
42:6 阮chit時請你到上主—阮ê上帝ê面前，祂所講ê，無論是好是pháiⁿ，阮lóng ē遵thàn祂ê話；阮遵thàn上主—阮ê上帝ê話，to̍h thang得tio̍h興通。」
42:7 上主回答耶利米ê祈禱
經過十工，有上主ê話臨到耶利米。
42:8 伊to̍hka7加利亞ê kiáⁿ約哈難，以及kah伊同在 ê眾軍長kah眾人，tùi細到大lóng叫in來，
42:9 對in講：「上主—以色列ê上帝，to̍h是lín差我到祂ê面前，來獻lín所求ê，祂ánne講：
42:10 『Lín若猶原beh tòa tī chit所在，我to̍h beh kā lín建造，無beh毀壞lín，beh kā lín栽培，無beh kā lín拔出，因為我有後悔我所降hō͘ lín ê災禍。
42:11 M̄免驚lín所驚ê巴比倫王。』」上主講：「M̄-thang驚伊！因為我kah lín同在，我beh拯救lín，hō͘ lín脫離伊ê手。
42:12 我beh憐憫lín，hō͘ in mā憐憫lín，hō͘ lín tńg來本所在。
42:13 設使lín講：『阮m̄ tòa chit所在』，ánne to̍h是lín m̄遵thàn上主—lín ê上帝ê話，
42:14 若講：『M̄ lah，阮beh入去埃及地，tī hia無看tio̍h交戰，無聽tio̍h哨角ê聲，mā bē致到無thang食來iau餓；阮beh tòa tī hia。』
42:15 Taⁿ lín chiahê偤大所chhun落來ê人民，tio̍h聽上主ê話。萬軍ê上主—以色列ê上帝ánne講：『Lín若竟然硬硬beh去埃及，tòa hia寄腳，
42:16 lín所驚ê刀劍to̍h ētī埃及地jiok tio̍h lín！而且lín所驚ê飢荒ē tī埃及地kā lín tòe tiâu-tiâu！Línē死tī hia。
42:17 見若硬硬beh去埃及，tī hia寄腳ê人lóng ē ánne；in ētùi刀劍、tùi飢荒、tùi瘟疫來死，其中無kah一个留teh，mā無kah一个脫離我所降hō͘ in ê災禍。』
42:18 「因為萬軍ê上主—以色列ê上帝ánne講：『我有án怎kā我ê受氣kah大受氣拚tī tòa tī耶路撒冷ê人民，lín去埃及ê時，我mā beh照ánne kā我ê大受氣拚tī lín ê身上，hō͘ lín成做thang咒詛、thang tio̍h驚、thang chhoh罵、thang凌辱，lín mā ē無koh看tio̍h chitê所在。』
42:19 「Lín chiahê偤大所chhun落來ê人民，上主講tio̍h lín有講：『M̄-thang去埃及。』Lín tio̍h確實知，我今á日證明我有kā lín勸解à。
42:20 Lín行偏斜來連累kakī ；因為lín差我去到上主—lín ê上帝hia，講：『求你替阮對上主—咱ê上帝祈禱，照上主—咱ê上帝一切所講ê kā阮講；阮beh照ánne去行。』
42:21 我今á日有kā lín講à，m̄ koh，lín ê上帝—上主ê話kah祂差我一切指示lín ê，lín lóng無遵thàn。
42:22 Taⁿ lín tio̍h確實知，lín tī所beh去寄腳ê地，ē tùi刀劍、tùi飢荒、tùi瘟疫來死。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。