以賽亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
25:1 O-ló ê詩歌
上主ah，祢是我ê上帝，我beh尊你做高，我beh oló你ê名。因為祢用忠信誠實行奇妙ê tāichì，to̍h是祢tùi古早to̍h擬定ê。
25:2 因為祢hō͘城變做土堆，hō͘堅固ê城變做hāu-phiaⁿ-phòe，hō͘外邦人ê宮殿無koh做城，永遠無koh起造。
25:3 所以，勇猛ê人民ē榮光祢，強暴ê國ê城會驚畏祢。
25:4 因為當強暴ê人催逼人ê時，親像大風直直吹牆壁ê時，祢to̍h做sànchhiah人ê城堡，做困苦人急難中ê城堡，做閃避大風ê所在，做閃避炎熱ê蔭影。
25:5 祢會阻止外邦人ê喧嘩，親像乾地ê熱氣回落去；禁止強暴ê人唱thâi贏ê歌，親像熱氣hō͘雲ê影消滅。
25:6 上主準備宴席
Tī chitê山，萬軍ê上主ē為tio̍h萬民用好物排設宴席，用舊酒kah骨髓滿滿ê好物，以及坐清ê舊酒排設宴席。
25:7 Koh tī chitê山，祂ē除去罩萬民ê帕kah遮蓋萬國ê布帆。
25:8 祂有吞滅死亡到永遠。至koân上主ē拭去群眾面裡ê目屎，koh tùi普天下除去祂ê子民ê見笑；因為這是上主講ê。
25:9 到hit日，人ē講：「你看，祂是阮ê上主，阮平時thèng候祂，祂beh拯救阮。這是上主，阮平時thèng候祂，阮beh因為祂ê救恩來歡喜快樂。」
25:10 上帝責罰摩押
上主ê手會hōaⁿ tī chitê山，摩押人tī所tòa ê地ē受thún踏，親像乾草受thún踏tī糞埽池ê水內。
25:11 祂ētī hit中間thí開手，親像泅水ê thí開手teh泅；總是，祂ēhō͘伊ê驕傲kah伊手所行ê詭計，做一下衰敗去。
25:12 你城牆堅固ê城堡，祂ē kā它chhia倒，kā它毀滅掉，拆到平地，低到塵埃。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。