雅歌 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
2:1 我是沙崙ê玫瑰花，是山谷中ê百合花。
2:2 [俊男]我所愛ê tī chiahê chabó͘ kiáⁿ中間，親像刺á內ê百合花。
2:3 [少女]我ê郎君，tī chiahê chapo͘ kiáⁿ中間，親像樹林中ê蘋果樹；我真歡喜坐tī它ê蔭影下；它ê果子我食了真甜。
2:4 伊chhōa我入去宴席ê所在，用疼做旗á tī我ê頂面。
2:5 求lín用葡萄餅來補我ê體力，用蘋果來養我ê精神；因為我為tio̍h愛情來致病。
2:6 伊ê倒手扶我ê頭殼，伊ê正手抱我。
2:7 耶路撒冷ê眾chabó͘ gín-á，我kí羚羊kah田野ê鹿母迫切吩咐你：M̄-thang kā伊phah醒，m̄ thang攪擾我所愛ê，tio̍h thèng候伊kakī 情願。
2:8 [少女] 你聽，是我郎君 ê聲；你看，伊來ā；伊tiô tī山裡，跳tī嶺裡。
2:9 我ê郎君，伊親像羚羊á是鹿á；你看，伊khiā tī阮ê壁牆後面；tùi窗á teh看；tùi窗á格teh探。
2:10 我ê郎君出聲對我講：[俊男]我所愛ê，我ê美人，起來，kah我做伙去。
2:11 你看，因為寒天已經過，雨已經停；soah雨ā。
2:12 全地ê花已經開，鳥á哮ê時到à；tī咱ê境內聽tio̍h 斑鴿ê聲。
2:13 無花果樹ê果子漸漸熟，葡萄樹開花吐出它ê芳味；我所愛ê，我ê美人，起來，kah我做伙去。
2:14 我ê粉鳥，你tī石縫內，tī山巖隱密ê所在；求你准我看tio̍h你ê面，聽tio̍h你ê聲；因為你ê聲溫和，你ê面生做súi。
2:15 Tio̍h kā阮掠狐狸，細隻狐狸，to̍h是敗壞葡萄園ê狐狸；因為阮ê葡萄tú-á beh開花。
2:16 [少女]我ê郎君屬我，我mā屬伊，伊tī百合花中teh飼伊ê羊群。
2:17 我ê郎君，願你tī日頭涼冷，影伸長ê時，倒tńg來，親像羚羊，á是鹿á tī Beh-thel ê山裡。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。