雅歌 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
1:1 所羅門詩歌中ê雅歌。
1:2 [少女] 願伊用伊ê嘴來chim我，因為你ê愛情比酒khah甘甜。
1:3 你ê膏油芳koh好；你ê名親像倒出來ê膏油，所以，眾chabó͘ gín-á lóng愛你。
1:4 願你牽我，阮to̍h走來tòe你；王chhōa我入去伊ê房內；阮beh因為你來歡喜快樂，阮beh oló你ê愛情贏過好酒；in愛你是應該ê。
1:5 耶路撒冷ê眾chabó͘ gín-á，我是烏koh生做好看，親像基達ê布棚，親像所羅門ê帳簾。
1:6 M̄-thang看我皮膚略á烏，he是因為日頭曝我；阮老母ê kiáⁿ bat對我受氣，in hō͘我顧守in ê葡萄園；我kakī ê葡萄園soah無法度顧守。
1:7 我心所愛ê人，求你kā我講，你tī啥物所在teh飼羊？中晝時你hō͘ in歇tī啥物所在？Tī你同伴ê羊群ê邊á，我ná ē親像罩面ê人？
1:8 [俊男]女界中siōng súi ê，你若m̄知所在，做你出去，tòe羊群ê腳跡去；飼你ê山羊á tī牧者ê布棚邊。
1:9 我所愛ê，我kā你比並做親像法老ê戰車ê馬。
1:10 你嘴phóe ê毛辮真súi，你ê頷頸掛珠寶ê鍊á，真好看。
1:11 阮beh kā你做金鍊á，koh鑲銀鈕á。
1:12 [少女]王坐桌ê時，我ê ná-ta̍t芳油chhèng出它ê芳味。
1:13 我ê郎君是我ê一包沒藥，帶tī我ê胸前。
1:14 我ê郎君是我ê一葩指甲花，開tī隱基底ê葡萄園內。
1:15 [俊男]我所愛ê，你看，你真súi；你看，你真súi；你ê目chiu 親像粉鳥。
1:16 [少女]我ê郎君，你看，你真súi，你實在是thang歡喜ê；咱ê眠床lóng是青綠色。
1:17 咱ê厝ê楹á是柏香柴，它ê角á是松柏柴。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。