傳道書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
7:1 明智kah愚戇ê差別
名聲比好ê膏油khah好；人死ê日比出世ê日khah好。
7:2 去辦喪事ê家比去宴樂ê家khah好；因為這是眾人ê結局，活ê人mā ē kā chitê tāichì hē tī心裡。
7:3 憂悶比歡笑khah好，因為面帶憂容ē hō͘心快樂。
7:4 智慧人ê心tī辦喪事ê家；愚戇人ê心tī快樂ê家。
7:5 聽智慧人ê責備，比聽愚戇人ê唱歌khah好。
7:6 戇人ê笑親像鼎下teh燒刺á ê聲。這mā是空虛。
7:7 勒索ē hō͘智慧ê人變愚戇，烏紗ē敗壞人ê心思。
7:8 好頭不如好尾。心忍耐贏過心驕傲。
7:9 你ê心m̄ thang躁性來受氣；因為受氣存tī戇人ê心懷。
7:10 你m̄ thang講，早前ê日子ná ē贏過現今ê日子？因為你ánne問m̄是出tī智慧。
7:11 智慧kah產業仝款是好，對看tio̍h日光ê人，koh khah有利益。
7:12 因為智慧ē致蔭人，錢銀mā ē致蔭人；總是，智慧會保全伊本人ê活命，這to̍h是智識ê利益。
7:13 你tio̍h想上帝ê作為，因為祂hō͘伊彎去ê，啥人ē tàng hō͘它koh變直？
7:14 興通ê日，你tio̍h歡喜；tú tio̍h患難ê日，你tio̍h思想。因為上帝hō͘兩項平平排teh，為tio̍h beh hō͘人查bē出身後有啥物事。
7:15 有義人行義，顛倒滅亡；有pháiⁿ人行pháiⁿ，顛倒食長歲壽。我tī空虛ê日子lóng有看tio̍h。
7:16 M̄-thang行義siuⁿ chē，m̄ thang智慧過頭；人ná ē敗壞kakī ？
7:17 M̄-thang行pháiⁿ siuⁿ chē，mā m̄ thang做戇人，ná ē有人期iáu未到to̍h來死？
7:18 你持守chitê是好，hitê mā m̄ thang放手，因為敬畏上帝ê奴僕ē tàng脫離chiahê tāichì。
7:19 智慧hō͘智慧ê人有能力，贏過城內十個掌權者。
7:20 行好koh無犯罪ê義人，世上實在是無chit款人。
7:21 人所講ê話m̄ thang lóng hē tī心內，chiah免得聽tio̍h你ê奴僕kā你咒詛。
7:22 因為你ê心kakī 知，你mā bat真chē pái咒詛別人。
7:23 我bat用智慧試驗所有ê tāichì；我講，我beh做智慧ê人，總是，智慧離開我遠遠。
7:24 所有ê tāichì是遠koh深，啥人ē tàng測度？
7:25 我oa̍t tńg來想，我專心ài知，ài查考，mā chhōe智慧kah萬事ê理由，koh ài知邪惡是愚戇，愚蠢是顛狂。
7:26 我koh查出一項比死khah艱苦ê tāichì，to̍h是有一種chabó͘人，她ê心是活tauh kah羅網，她ê手是鎖鏈；所有得tio̍h上帝歡喜ê人ē閃避她；總是，有罪ê人hō͘她掠tio̍h。
7:27 傳道者講：你看，我ài知伊ê數額，一項一項來比較，to̍h chhōe tio̍h chitê。
7:28 我ê心ài beh chhōe它mā bē tàng chhōe ·tio̍h。有人講：「Tī一千人ê中間我ēchhōe tio̍h一个正直ê chapo͘人，tī hiahê人ê中間，我無chhōe tio̍h一个正直chabó͘人。」
7:29 你看，我只有chhōe tio̍h chitê，to̍h是上帝創造人本是正直，總是，in chhōe出真chē奇巧ê計謀。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。