詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
136:1 感恩之歌
Lín tio̍h感謝上主,因為祂是好;因為祂ê慈愛永遠存在。
136:2 Lín tio̍h感謝chiahê神明中ê上帝,因為祂ê慈愛永遠存在。
136:3 Lín tio̍h感謝萬主ê主,因為祂ê慈愛永遠存在。
136:4 感謝hit位做大奇事ê上帝,因為祂ê慈愛永遠存在。
136:5 感謝hit位用智慧創造天ê上帝,因為祂ê慈愛永遠存在。
136:6 感謝hit位kā地舖tī水面ê上帝,因為祂ê慈愛永遠存在。
136:7 感謝hit位創造大光體ê上帝,因為祂ê慈愛永遠存在。
136:8 to̍h是用日頭來管日時ê上帝,因為祂ê慈愛永遠存在。
136:9 用月娘kah星管暗時ê上帝,因為祂ê慈愛永遠存在。
136:10 感謝hit位phah死埃及人ê大kiáⁿ ê上帝,因為祂ê慈愛永遠存在。
136:11 感謝chhōa以色列人tùi埃及出來ê上帝,因為祂ê慈愛永遠存在。
136:12 感謝用大權能ê手kah伸手骨出來ê上帝,因為祂ê慈愛永遠存在。
136:13 感謝hit位kā紅海分開ê上帝,因為祂ê慈愛永遠存在。
136:14 Mā感謝chhōa以色列人tùi hit中間經過ê上帝,因為祂ê慈愛永遠存在。
136:15 感謝kā法老kah伊ê軍兵hiat tī紅海ê上帝,因為祂ê慈愛永遠存在。
136:16 感謝hit位chhōa祂ê子民行tī曠野ê上帝,因為祂ê慈愛永遠存在。
136:17 感謝hit位phah死大君王ê上帝,因為祂ê慈愛永遠存在。
136:18 感謝thâi死有名聲ê王ê上帝,因為祂ê慈愛永遠存在。
136:19 感謝thâi死亞摩利王西宏ê上帝,因為祂ê慈愛永遠存在。
136:20 Koh感謝thâi死巴珊王噩ê上帝,因為祂ê慈愛永遠存在。
136:21 感謝kā in ê地賞賜hō͘以色列人做產業ê上帝,因為祂ê慈愛永遠存在。
136:22 to̍h是賞賜祂ê奴僕以色列人做產業ê上帝,因為祂ê慈愛永遠存在。
136:23 上帝tī咱卑微ê時數念咱,因為祂ê慈愛永遠存在。
136:24 祂koh拯救咱脫離對敵,因為祂ê慈愛永遠存在。
136:25 上帝賞賜米糧hō͘所有ê活物,因為祂ê慈愛永遠存在。
136:26 Lín tio̍h感謝天頂ê上主,因為祂ê慈愛永遠存在。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。