歷代志下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
33:1 偤大王瑪拿西
(王下21:1-9)
瑪拿西坐位ê時十二歲,tī耶路撒冷做王共五十五年。
33:2 伊行上主所看做pháiⁿ ê tāichì,學外邦人所行可惡ê tāichì,to̍h是上主tī以色列ê面前所趕出ê。
33:3 因為伊ê老父希西家所毀壞ê山頭壇伊koh起起來,koh為hiahê巴力起壇,做亞斯她錄,koh敬拜天頂ê萬象來kā它服事。
33:4 Tī上主ê殿內起幾nā个壇,上主bat kí chitê殿講:「我ê名ē永遠tī耶路撒冷。」
33:5 伊tī上主ê殿ê兩 个院內,為tio̍h天頂ê萬象起壇。
33:6 Koh tī便欣嫩ê山谷,hō͘伊ê kiáⁿ兒經過火,koh看兆頭、用法術、施巫術、用跳童ê、請司公,行真chē上主所看做pháiⁿ ê tāichì,激祂受氣。
33:7 Koh tī上主ê殿內,chhāi伊所造雕刻ê像,chit間殿是上主bat對大衛kah伊ê kiáⁿ所羅門kí伊來講:「Chit間殿kah耶路撒冷to̍h是我tī以色列眾支族中間所揀ê,我beh安置我ê名tī hia,直到永遠。
33:8 以色列人若執守來行我一切所命令in ê,to̍h是我託摩西所傳一切ê法度、律例kah禮儀,我to̍h無koh移徙in ê腳,來離開我所定tio̍h hō͘ lín祖先ê地。」
33:9 瑪拿西迷惑tòa tī偤大kah耶路撒冷ê人民,致使in所行pháiⁿ比上主tī以色列人ê面前所滅ê列國,koh khah傷重。
33:10 瑪拿西悔改
上主吩咐瑪拿西kah伊ê人民,總是,in無beh聽。
33:11 所以,上主hō͘亞述王ê軍長來kā in攻擊,用鉤á鉤tio̍h瑪拿西,用銅鏈kā伊縛起來,押到巴比倫。
33:12 伊tī患難ê時,就懇求上主—伊ê上帝,koh tī伊ê祖先ê上帝ê面前非常謙卑。
33:13 伊求叫上帝,上主准伊所求,聽伊ê祈禱,hō͘伊tńg來耶路撒冷,猶原坐伊ê國位,瑪拿西chiah知上主是上帝。
33:14 Chit時了後,瑪拿西tī大衛ê城外起牆,tī基訓ê西pêng,tī山谷內,到魚門ê門口,圍se̍h俄斐勒,牆起真高,koh設立軍長tī偤大hiahê堅固ê城內。
33:15 Koh tùi上主ê殿除去hiahê外邦ê神明kah偶像,koh tī上主殿ê山kah耶路撒冷所起hiahê壇,lóng hiat去城外。
33:16 Koh起上主ê祭壇,tī壇頂獻謝恩祭kah感謝祭,命令偤大人服事上主—以色列ê上帝。
33:17 總是,人民猶原tī山頭壇獻祭,獨獨獻hō͘上主—伊ê上帝niā-niā。
33:18 瑪拿西統治ê結束
(王下21:17-18)
瑪拿西其他ê tāichì kah伊對上主祈禱ê話,以及先見奉上主—以色列ê上帝ê名對伊講hiahê話,lóng記tī以色列chiahê王ê記錄。
33:19 伊ê祈禱kah上主án怎允准伊,伊bōe謙卑以前ê罪過kah過失,以及起山頭壇,設立hiahê亞舍拉kah雕刻偶像hiahê所在,lóng記tī Ho-chái ê史記。
33:20 瑪拿西kah伊ê祖先同睏,埋葬tī kakī ê宮內。伊ê kiáⁿ亞捫續接伊做王。
33:21 偤大王亞捫
(王下21:19-26)
亞捫坐位ê時二十二歲,tī耶路撒冷做王經過兩年。
33:22 伊行上主所看做pháiⁿ ê tāichì,學伊ê老父瑪拿西所做ê,亞捫祭祀伊ê老父瑪拿西所造hiahê雕刻ê偶像,來kā伊服事。
33:23 無tī上主ê面前kakī 謙卑,親像伊ê老父瑪拿西ê kakī 謙卑。Chitê亞捫ná來ná犯罪。
33:24 伊ê人臣背叛伊,tī王宮內kā伊thâi死。
33:25 總是,人民thâi死hiahê背叛亞捫王ê人,人民to̍h設立伊ê kiáⁿ約西亞續接伊做王。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。