版本選擇 有地理sitephoto 查字典 本章地圖 影像 [ 條列 | 表格 | 整段 ] 繁 簡 語態 度量衡 其他 閱讀計畫

新版上一章 下一章    查詢或移至： 說明

列王紀下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經

23:1

約西亞廢除異教ê敬拜

(代下34：3-7，29-33)

王差人聚集偤大kah耶路撒冷ê眾長老。
23:2 王to̍h chiūⁿ去上主ê殿，偤大群眾kah tòa tī耶路撒冷ê人民、祭司、先知，以及眾人，無論大細，lóng kah伊去。王to̍h kā上主殿內偶然得tio̍h ê約ê冊一切ê話，lóng讀hō͘ in聽。
23:3 王khiā tī柱邊，tī上主ê面前立約，beh盡心、盡性順服上主，守祂ê誡命kah見證ê話，以及律例，來chiâⁿ chit本冊所記立約ê話。人民lóng承認chitê約。
23:4 王命令大祭司希勒家kah第二級ê祭司，以及顧門ê官，kā為tio̍h巴力kah亞舍拉，以及天頂ê萬象所造hiahê器具，搬出上主ê殿，tī耶路撒冷外汲淪溪邊ê田kā它燒掉，帶它ê火灰來到伯特利。
23:5 前偤大列王所設立拜偶像ê祭司，tī偤大hiahê城kah耶路撒冷四箍圍ê山頭壇燒香ê，taⁿ王lóng kā伊lut，mā lut hiahê燒香tī巴力，kah日、月、行星，以及天頂ê萬象ê。
23:6 伊koh帶亞舍拉出上主ê殿，去耶路撒冷外，來到汲淪溪，tī汲淪溪kā它燒，kā它搥做粉，用hitê粉掖tī人民ê墓。
23:7 Koh毀上主殿內ê男性廟倡ê厝，to̍h是婦女為tio̍h亞舍拉織布棚ê所在。
23:8 Koh tùi偤大hiahê城chhōa hiahê祭司出去，kā祭司燒香ê山頭壇òe lahsap，tùi迦巴到別是巴，mā拆毀hiahê門ê山頭壇，to̍h是tī管城ê約書亞ê門前，to̍h是人入城門ê倒pêng。
23:9 總是，山頭壇ê祭司tī耶路撒冷，無上上主ê壇，只有tī in兄弟中食無酵餅。
23:10 伊koh òe lahsap tī便欣嫩（註：原版本是音譯，有ê版本意譯做「欣嫩子=欣嫩ê kiáⁿ」）ê Tô-húi-te̍k，免得人tī hia hō͘ in ê kiáⁿ兒經過火，來獻hō͘摩洛。
23:11 伊koh除去偤大列王獻hō͘日頭hiahê馬，tī入上主殿ê所在，tī太監拿單米勒óa近門廊ê厝，koh用火燒日頭hiahê車。
23:12 偤大列王tī亞哈斯ê樓頂ê厝蓋所起ê祭壇，kah瑪拿西 tī上主殿兩 个院中所起ê壇，王lóng kā它毀壞，tùi hit所在kā它遷徙走，kā它ê粉piàⁿ tī汲淪溪。
23:13 以前以色列王所羅門tī耶路撒冷ê頭前，tī邪僻山ê正pêng所起ê山頭壇，服事西頓人可惡ê亞斯她錄，摩押人可惡ê基抹，亞捫人可惡ê Mil-kham ê，王lóng kā它òe lahsap，
23:14 koh毀壞hiahê柱像，剉hiahê亞舍拉，hō͘人ê骨頭充滿hiahê所在。
23:15 Tī伯特利ê壇，以及尼八ê kiáⁿ耶羅波安，hō͘以色列犯罪ê，所起ê山頭廟，taⁿ約西亞毀hitê壇kah山頭廟，koh燒它ê山頭廟，kā它搥做粉，順續燒hitê亞舍拉。
23:16 約西亞oa̍t-tńg身看tio̍h山裡hiahê墓，to̍h差人去the̍h墓內ê骨頭，tī壇頂燒，來kā它òe lahsap，照上主所講，to̍h是早前teh宣布chiahê tāichì ê上帝ê奴僕所宣布ê。
23:17 約西亞講：「我所看tio̍h ê石碑是啥物？」Hitê城ê人kā伊講：「早前有上帝ê奴僕tùi偤大來，tāi先講你現今所做ê tāichì來攻擊伯特利ê壇ê，chitê是伊ê墓。」
23:18 約西亞講：「M̄-thang chhap伊，人m̄ thang遷徙伊ê骨頭。」Into̍h無動tio̍h伊ê骨頭，mā無動tio̍h tùi撒馬利亞來hitê先知ê骨頭。
23:19 撒馬利亞hiahê城內山頭ê厝，to̍h是早前以色列chiahê王所起來激上主ê受氣ê，taⁿ約西亞kā它毀掉，照伊所行tī伯特利ê來行tī in；
23:20 koh tī壇頂thâi死hit所在山頭廟ê祭司，mā tī壇頂燒人ê骨頭了後chiah tńg去耶路撒冷。
23:21

約西亞過Pôaⁿ過節

(代下35：1-19)

王命令眾人講：「Tio̍h守Pôaⁿ過節來服事上主—lín ê上帝，照chitê約ê冊所記載ê。」
23:22 Tùi士師治理以色列ê時，到以色列王kah偤大列王ê時，實在iáu未有守親像chit款ê Pôaⁿ過節。
23:23 只有約西亞王十八年，tī耶路撒冷守chitê Pôaⁿ過節服事上主。
23:24

約書亞ê其他改革

偤大地kah耶路撒冷所有跳童ê、做司公ê，kah厝內ê偶像、神佛，以及一切可惡ê物，約西亞lóng廢除掉，來成律法ê話，是記tī祭司希勒家tī上主ê殿所得tio̍h ê冊ê。
23:25 Tī約西亞以前，無有王親像伊盡心、盡性、盡力歸向上主，照摩西一切ê律法；tī伊以後，mā無出一个王親像伊ánne。
23:26 總是，上主無soah祂猛烈ê大受氣，to̍h是祂對偤大發出ê受氣，是因為瑪拿西所激tio̍h祂受氣hiahê tāichì。
23:27 上主講：「我beh遷徙偤大離開我ê面前，親像遷徙以色列ánne；我ē棄sak我所揀chitê城，to̍h是耶路撒冷，kah chit間殿，to̍h是我kí它來講我ê名ē tī hia ê。」
23:28

約西亞統治ê結果

(代下35：20-36：1)

約西亞其他ê tāichì，見若伊所行ê，kám無lóng記tī偤大列王ê記錄？
23:29 約西亞ê年間，埃及王法老尼哥去幼發拉底大河攻擊亞述王，約西亞去kā伊抵擋。埃及王tī米吉多tú tio̍h約西亞，to̍h kā伊thâi。
23:30 伊ê人臣用車載伊ê身屍tùi米吉多帶到耶路撒冷，埋葬tī伊本身ê墓。人民用油抹約西亞ê kiáⁿ約哈斯，kā伊設立做王，續接伊ê老父。
23:31

偤大王約哈斯

(代下36：2-4)

約哈斯坐位ê時，二十三歲，tī耶路撒冷做王三月日。伊ê老母ê名叫做Ha-mu-tal，是立拿人耶利米ê chabó͘ kiáⁿ。
23:32 伊行上主所看做pháiⁿ ê tāichì，照伊ê祖先所行ê一切。
23:33 法老尼哥kā伊關禁tī哈馬地ê利比拉，hō͘伊tī耶路撒冷無做王，koh hō͘ hit國進貢銀一百他連得，金一他連得。
23:34 法老尼哥設立約西亞ê kiáⁿ以利亞敬續接伊ê老父約西亞做王，kā伊改名叫做約雅敬，mā chhōa約哈斯來到埃及，伊to̍h死tī hia。
23:35

偤大王約雅敬

(代下36：5-8)

約雅敬用銀kah金hō͘法老，照法老ê命令，tùi hit地方收銀來hō͘伊，強抽hit地方人民ê金銀，ta̍k人照所派定tio̍h ê，來hō͘法老尼哥。
23:36 約雅敬坐位ê時，二十五歲，tī耶路撒冷做王，共十一年。伊ê老母ê名叫做Che-bi-tah，是Lu-mah人Pe-tá-iah ê chabó͘ kiáⁿ。
23:37 約雅敬行上主所看做pháiⁿ ê tāichì，照伊ê祖先所行ê一切。

上一章 下一章    查詢或移至： 說明

[ 條列 | 表格 | 整段 ] 繁 簡 語態 重新查詢 影像 本章地圖 度量衡 其他

中文:和合本和合本2010現代中文譯本1995版現代中文譯本2019版新譯本恢復本思高譯本呂振中譯本NET聖經中譯本深文理和合本官話和合本北京官話譯本文理和合本神天聖書文理委辦譯本施約瑟淺文理譯本馬殊曼譯本四人小組譯本高連茨基聖詠經郭實臘新遺詔書和舊遺詔聖書太平天國文理譯本原文直譯(參考用)
英文:ESVKJVBBEWEBASVDarbyERV
原文與古譯本:舊約馬索拉原文七十士譯本
台客語:現代台語2021版漢字現代台語2021版全羅聖經公會巴克禮台漢本巴克禮全羅巴克禮漢羅聖經公會現代客語全羅聖經公會現代客語漢字全民台語聖經全羅全民台語聖經漢羅全民台語聖經Ruby
其他:聖經公會布農語聖經聖經公會泰雅爾語聖經聖經公會魯凱語聖經賽德克族Tgdaya語聖經公會阿美語1997聖經公會太魯閣語聖經印尼聖經越南聖經俄文聖經韓文聖經日語聖經藏語聖經武加大譯本新武加大譯本


各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。

信望愛站使用cookies 技術來強化網站功能，您使用本網站，表示您同意我們使用 cookies 技術.