撒母耳記上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
31:1 Sàu-lô kah I ê Kiáⁿ Tīn-bông
Hui-lī-sū lâng kah I-su-la-el lâng kau-chiàn, I-su-la-el lâng tī Hui-lī-sū lâng ê bīn-chêng tô-cháu, siū-siong lâi sí, tó tī Gil-boah soaⁿ.
31:2 Hui-lī-sū lâng jiok óa Sàu-lô kah i ê kiáⁿ, Hui-lī-sū lâng chiū thâi-sí Sàu-lô ê kiáⁿ Io-ná-than, A-bi-na-tap kah Mal-ki-siu-ah.
31:3 Hitê kau-chiàn kong-kek Sàu-lô chin siong-tiōng, siā chìⁿ ê lâng jiok tio̍h i, i hō͘ siā chìⁿ ê lâng pek kah chin chhám.
31:4 Sàu-lô kā gia̍h i ê kun-khì ê lâng kóng, " Poe̍h lí ê to kā góa chha̍k kòe-.khì, khióng-kiaⁿ chiahê bô siū kat-lé ê lâng lâi kā góa chha̍k-sí, lâi lêng-jio̍k góa. Gia̍h i ê kun-khì ê lâng bô beh ánne chò, in-ūi i chin kiaⁿ. Sàu-lô chiū gia̍h i ê to, chhi̍h lo̍h-khì tī to ê téng-bīn.
31:5 Gia̍h i ê kun-khì ê khòaⁿ tio̍h Sàu-lô í-keng sí, i mā chhi̍h lo̍h-khì tī to-.ni̍h kah i chò-hóe sí.
31:6 Sàu-lô kah i saⁿ-ê kiáⁿ, kah gia̍h i ê kun-khì ê lâng, í-ki̍p só͘-ū tòe i ê lâng, kâng chi̍t ji̍t chò chi̍t-ē sí-.khì.
31:7 Chiū ánne, tī soaⁿ-kok hit pêng kah tī Iol-tàn hô hit pêng ê I-su-la-el lâng, khòaⁿ tio̍h I-su-la-el lâng í-keng tô-cháu, Sàu-lô kah i hiahê kiáⁿ mā lóng sí, chiū khì-sak hiahê siâⁿ tô-cháu. Hui-lī-sū lâng sòa lâi tiàm hia tòa.
31:8 Keh tńg kang, Hui-lī-sū lâng lâi pak hiahê siū sat-hāi ê lâng, chhōe tio̍h Sàu-lô kah i saⁿ-ê kiáⁿ, sí tī Gil-boah soaⁿ.
31:9 Chiū koah-tn̄g i ê thâu-khak, thǹg i ê chiàn-kah, chhe lâng kàu Hui-lī-sū tē ê sì-kho͘-ûi, piàn thoân tī hiahê ngó͘-siōng ê biō kah jîn-bîn ê tiong-kan.
31:10 Koh kā i ê chiàn-kah hē tī A-si-tha-lot ê biō lāi, kā i ê sin-si tèng tī Biat-siang ê siâⁿ chhiûⁿ téng.
31:11 Tòa tī Gi-lia̍t-ia-be-si ê jîn-bîn, thiaⁿ tio̍h Hui-lī-sū lâng tùi Sàu-lô só͘ chò ê tāichì.
31:12 In hiahê ióng-sū lóng khí-.lâi, kui mê chìn-hêng, kā Sàu-lô ê sin-si kah i hiahê kiáⁿ ê sin-si, tùi Pak-san ê siâⁿ chhiûⁿ chhú lo̍h-.lâi, tòa kàu Ia-be-si, tī hia sio,
31:13 Kā in ê kut-hu bâi-chòng ti Ia-be-si ê sûi-si-liú chhiū kha, kìm-chia̍h chhit ji̍t.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。