士師記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
12:1 I-é-hú-thah kah E-hu-laim Lâng
E-hu-laim lâng chū-chi̍p kàu pak-hong, tùi I-é-hú-thah kóng, " Lí kòe-khì kah Am-móng lâng kau-chiàn, án-chóaⁿ bô kiò goán kah lí khì? Goán beh ēng hóe sio lí kah lí ê chhù. "
12:2 I-é-hú-thah tùi in kóng, " Góa kah góa ê jîn-bîn kah Am-móng lâng tōa kè-kàu, góa chio lín lâi, lín kèng-jiân bô kiù góa thoat-lī in ê chhiú.
12:3 Góa khòaⁿ tio̍h lín bô lâi kiù góa, góa chiū piàⁿ-miā chìn-chêng khì kong-kek Am-móng lâng, Siōng-chú kā in kau tī góa ê chhiú tiong, lín kin-á-ji̍t ná ē lâi góa chia beh kah góa kau-chiàn?
12:4 I-é-hú-thah chiū chū-chi̍p Gi-lia̍t ê kûn-chiòng, khì kah E-hu-laim lâng kau-chiàn. Gi-lia̍t lâng phah-sí E-hu-laim lâng, in-ūi in kóng, " Lín Gi-lia̍t lâng tī E-hu-laim kah Má-ná-se ê tiong-kan, chí-put-kò sī E-hu-laim tô-cháu ê lâng. "
12:5 Gi-lia̍t lâng tī E-hu-laim lâng ê thâu-chêng pé-siú Iol-tàn hô ê tō͘-kháu, E-hu-laim tô-cháu ê lâng nā kóng, " Chhiáⁿ hō͘ goán kòe-.khì. " Gi-lia̍t lâng chiū mn̄g i kóng, " Lí sī E-hu-laim lâng á m̄-sī? "
12:6 I nā kóng, " M̄-sī. " Chiū kā i kóng, " Lí kóng "Sī-pò͘-lia̍t". " I kóng chò "Se-pò͘-lia̍t", in-ūi in ê im kóng bē chiàⁿ, in chiū kā i lia̍h khí-.lâi, tī Iol-tàn hô ê tō͘-kháu kā i thâi-sí. Hit sî, E-hu-laim lâng siū thâi ê ū sì-bān nn̄g-chheng lâng.
12:7 I-é-hú-thah chò I-su-la-el ê sū-su la̍k nî. Gi-lia̍t lâng I-é-hú-thah sí, bâi-chòng tī Gi-lia̍t ê chi̍t-ê siâⁿ.
12:8 Ip-chàn, E-lóng, Ap-tóng
I-é-hú-thah liáu-āu, ū Bia̍t-lé-hèm lâng Ip-chàn chò I-su-la-el ê sū-su.
12:9 I ū saⁿ-cha̍p-ê kiáⁿ, koh saⁿ-cha̍p-ê chabó͘ kiáⁿ kè kòe tī gōa-kháu, mā tùi gōa-kháu kā i ê kiáⁿ chhōa saⁿ-cha̍p-ê sim-pū. I chò I-su-la-el ê sū-su chhit nî.
12:10 Ip-chàn sí, bâi-chòng tī Bia̍t-lé-hèm.
12:11 Ip-chàn liáu-āu, ū Che-bú-lông lâng E-lóng chò I-su-la-el ê sū-su, i chò I-su-la-el ê sū-su cha̍p nî.
12:12 Che-bú-lông lâng E-lóng sí, bâi-chòng tī Che-bú-lông tē ê A-iah-lūn.
12:13 E-lóng liáu-āu, ū Pí-la̍h-tòng lâng, Hi-lia̍t ê kiáⁿ Ap-tóng, chò I-su-la-el ê sū-su.
12:14 I ū sì-cha̍p-ê kiáⁿ, saⁿ-cha̍p-ê sun, khiâ chhit-cha̍p chiah lî-á, i chò I-su-la-el ê sū-su peh nî.
12:15 Pi-la-tòng lâng Hi-lia̍t ê kiáⁿ Ap-tóng sí, bâi-chòng tī E-hu-laim tē ê Pi-la-tòng, tī A-má-le̍k lâng ê soaⁿ-tē.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。