約書亞記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
21:1 Lē-bī Lâng ê Siâⁿ
Hit sî, Lē-bī lâng chiahê cho̍k-tiúⁿ lâi kìⁿ chè-si Ê-lī-a-chal kah Nùn ê kiáⁿ Io-siú-ah, í-ki̍p I-su-la-el lâng chi-cho̍k chiahê cho̍k-tiúⁿ,
21:2 tī Ka-nân tē ê Sī-lô kā in kóng, " Chêng Siōng-chú thok Mô͘-se hō͘ goán ū siâⁿ thang tòa, ū kau-iá thang chò chhī chengseⁿ ê lō͘-ēng. "
21:3 I-su-la-el lâng chiū chiàu Siōng-chú só͘ bēng-lēng ê, tùi kakī ê sán-gia̍p tiong, kā ē-bīn só͘ kì chiahê siâⁿ kah in ê kau-iá, hō͘ Lē-bī lâng.
21:4 Ūi Ko-hat chiahê cho̍k liam-khau, Lē-bī lâng tiong chè-si A-lông ê kiáⁿ-sun, tùi Iô-tah chi-cho̍k, Si-miān chi-cho̍k, Biān-iá-mín chi-cho̍k, liam tio̍h cha̍p-saⁿ chō siâⁿ.
21:5 Ko-hat kî-tha ê kiáⁿ-sun, tùi E-hu-laim chi-cho̍k ê chong-cho̍k, tùi Tàn ê chi-cho̍k, tùi Má-ná-se pòaⁿ chi-cho̍k, liam tio̍h cha̍p chō siâⁿ.
21:6 Kel-sióng ê kiáⁿ-sun, tùi It-sa-kal chi-cho̍k ê chong-cho̍k, tùi A-sel ê chi-cho̍k, tùi Ná-hu-tha-lím ê chi-cho̍k, tùi tòa tī Ba-siáng ê Má-ná-se pòaⁿ chi-cho̍k, liam tio̍h cha̍p-saⁿ chō siâⁿ.
21:7 Me-la-lih ê kiáⁿ-sun, chiàu in ê chong-cho̍k, tùi Lū-biān ê chi-cho̍k, tùi Ga̍t ê chi-cho̍k, tùi Che-bú-lông ê chi-cho̍k, tit tio̍h cha̍p-jī chō siâⁿ.
21:8 I-su-la-el lâng chiàu Siōng-chú thok Mô͘-se só͘ bēng-lēng ê, kā chiahê siâⁿ kah in ê kau-iá, liam-khau pun hō͘ Lē-bī lâng.
21:9 Koh tùi Iô-tah kiáⁿ-sun ê chi-cho̍k, Si-miān kiáⁿ-sun ê chi-cho̍k, ē-bīn kì miâ hiahê siâⁿ hō͘ in,
21:10 to̍h-sī hō͘ Lē-bī kiáⁿ-sun tiong, Ko-hat chong-cho̍k tiong, A-lông ê kiáⁿ-sun, in-ūi hō͘ in tāi-seng liam-khau,
21:11 kā Iô-tah soaⁿ-tē ê Ki-lia̍t-a-ba, ( Chiū-sī He-bú-lông )kah i sì-kho͘-ûi ê kau-iá hō͘ in. Al-bah sī A-lap cho̍k ê chó͘-sian.
21:12 To̍k-to̍k hit-ê siâⁿ ê chhân kah i ê chng-thâu, in hō͘ E-hun-neh ê kiáⁿ Ka-le̍p chò sán-gia̍p.
21:13 Koh ēng He-bú-lông kah i ê kau-iá, to̍h-sī thâi-sí-lâng tô-siám ê siâⁿ, í-ki̍p Lip-nah kah i ê kau-iá, hō͘ chè-si A-lông ê kiáⁿ-sun,
21:14 koh hō͘ in Ia-thel kah i ê kau-iá, E-si-te-mo͘h kah i ê kau-iá,
21:15 Ho-lóng kah i ê kau-iá, Te-bil kah i ê kau-iá,
21:16 A-in kah i ê kau-iá, U-tha kah i ê kau-iá, Bia̍t-si-mé-si kah i ê kau-iá, kiōng káu chō siâⁿ, lóng sī tùi chit nn̄g chi-cho̍k hō͘ in.
21:17 Koh tùi Biān-iá-mín ê chi-cho̍k, hō͘ in Ki-piàn kah i ê kau-iá, Ge-bah kah i ê kau-iá,
21:18 A-ná-tu̍t kah i ê kau-iá, Al-móng kah i ê kau-iá, kiōng sì chō siâⁿ.
21:19 A-lông ê kiáⁿ-sun chò chè-si ê só͘ tit tio̍h ê siâⁿ kiōng cha̍p-saⁿ chō siâⁿ kah i ê kau-iá.
21:20 Lē-bī lâng Ko-hat kiáⁿ-sun ê chong-cho̍k, to̍h-sī Ko-hat kî-tha ê kiáⁿ-sun, liam-khau só͘ tit tio̍h ê siâⁿ sī tùi E-hu-laim chi-cho̍k tiong-kan pun chhut-.lâi ê.
21:21 Koh ēng E-hu-laim soaⁿ-tē ê Sī-khiàm, to̍h-sī thâi-sí-lâng ê tô-siám ê siâⁿ kah in ê kau-iá, í-ki̍p Ge-chel kah i ê kau-iá,
21:22 Ki-pek-sian kah i ê kau-iá, Bia̍t-ho-lông kah i ê kau-iá hō͘ in, kiōng sì chō siâⁿ.
21:23 Koh tùi Tàn ê chi-cho̍k tiong, hō͘ in I-lī-thê-ki kah i ê kau-iá, Gip-be-thòng kah i ê kau-iá,
21:24 A-iá-lông kah i ê kau-iá, Gat-lim-móng kah i ê kau-iá, kiōng sì chō siâⁿ.
21:25 Koh tùi Má-ná-se pòaⁿ-chi-cho̍k tiong-kan hō͘ in Tha-nak kah i ê kau-iá, í-ki̍p Gat-lim-móng kah i ê kau-iá, kiōng nn̄g chō siâⁿ.
21:26 Ko-hat ê kiáⁿ-sun kî-tha ê chong-cho̍k, só͘ tit tio̍h ê siâⁿ, kiōng cha̍p chō kah in ê kau-iá.
21:27 Koh tùi Má-ná-se pòaⁿ chi-cho̍k ê sán-gia̍p tiong-kan, kā Ba-siáng ê Ko-lân, to̍h-sī thâi lâng ê tô-siám ê siâⁿ kah i ê kau-iá, í-ki̍p Pí-si-thê-la̍h kah i ê kau-iá, kiōng nn̄g chō siâⁿ, hō͘ Lē-bī chong-cho̍k Kel-sióng ê kiáⁿ-sun.
21:28 Koh tùi It-sa-kal chi-cho̍k ê sán-gia̍p tiong-kan, ēng Ki-sióng kah i ê kau-iá, Ta-be-lat kah i ê kau-iá,
21:29 Ial-mut kah i ê kau-iá, Ún-kan-lêng kah i ê kau-iá, kiōng sì chō siâⁿ hō͘ in.
21:30 Koh tùi A-sel chi-cho̍k ê sán-gia̍p tiong-kan, ēng Bí-sa-le̍k kah i ê kau-iá, Ap-tóng kah i ê kau-iá,
21:31 Hel-kat kah i ê kau-iá, Le-hap kah i ê kau-iá, kiōng sì chō siâⁿ hō͘ in.
21:32 Koh tùi Ná-hu-tha-lím chi-cho̍k ê sán-gia̍p tiong-kan, ēng Ga-lí-la-iah ê Ke-té-sih, to̍h-sī thâi lâng ê tô-siám ê siâⁿ kah i ê kau-iá, í-ki̍p Ham-mo͘-to͘l kah i ê kau-iá, Kal-thàn kah i ê kau-iá, kiōng saⁿ chō siâⁿ hō͘ in.
21:33 Kel-sióng lâng ê siâⁿ chiàu i ê chong-cho̍k, kiōng cha̍p-saⁿ chō siâⁿ kah i ê kau-iá.
21:34 Tùi Che-bú-lông chi-cho̍k ê sán-gia̍p tiong-kan, kā Iok-niām kah i ê kau-iá, Ka-jíⁿ-tha kah i ê kau-iá,
21:35 Teng-ná kah i ê kau-iá, Na-ha-lal kah i ê kau-iá, kiōng sì chō siâⁿ, hō͘ kî-tha ê Lē-bī lâng, to̍h-sī Me-la-lih kiáⁿ-sun ê chong-cho̍k.
21:36 Koh tùi Lū-biān chi-cho̍k ê sán-gia̍p tiong-kan, ēng Be-chek kah i ê kau-iá, Ia-hat kah i ê kau-iá,
21:37 Ke-ti-mo͘t kah i ê kau-iá, Me-hoa-at kah i ê kau-iá, kiōng sì chō siâⁿ hō͘ in.
21:38 Koh tùi Ga̍t chi-cho̍k ê sán-gia̍p tiong-kan, kā Gi-lia̍t ê La̍h-mot, to̍h-sī thâi-sí-lâng ê tô-siám ê siâⁿ kah i ê kau-iá, í-ki̍p Ma-há-niam kah i ê kau-iá,
21:39 He-si-bóng kah i ê kau-iá, Ia-chel kah i ê kau-iá, kiōng sì chō siâⁿ hō͘ in.
21:40 Lē-bī lâng kî-tha ê chong-cho̍k, to̍h-sī Me-la-lih ê kiáⁿ-sun, chiàu in ê chong-cho̍k, liam-khau só͘ tit tio̍h chiahê siâⁿ, kiōng cha̍p-jī chō siâⁿ.
21:41 Lē-bī lâng tī I-su-la-el ê sán-gia̍p tiong-kan só͘ tit tio̍h ê siâⁿ, kiōng sì-cha̍p-peh chō siâⁿ, kah in ê kau-iá.
21:42 Chiahê siâⁿ sì-kho͘-ûi lóng ū i ê kau-iá, ta̍k-ê lóng sī ánne.
21:43 I-su-la-el Ióng-iú ê Thó͘-tē
Án-ne, Siōng-chú kā I chêng chiùchōa beh hō͘ in chó͘-sian ê choân tē, hō͘ I-su-la-el lâng, in chiū tit tio̍h chò sán-gia̍p, tòa tī hia.
21:44 Siōng-chú chiàu I tùi in ê chó͘-sian it-chhè só͘ chiùchōa ê, hō͘ in sì-kho͘-ûi pêng-an; in ê tùi-te̍k, bô chi̍t-ê lâng ē khiā-tiâu tī in ê bīn-chêng; Siōng-chú kā in ê tùi-te̍k lóng kau tī in ê chhiú.
21:45 Kiàn-nā Siōng-chú tùi I-su-la-el ê chú-bîn só͘ kóng ê hó ōe, bô kah chi̍t kù lo̍k-khong, lóng ū èng-giām.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。